ਸ਼ਰਾਬ ਪਿਆ ਕੇ 3 ਨੌਜਵਾਨਾਂ ਨੇ ਈ-ਰਿਕਸ਼ਾ, ਨਕਦੀ ਲੁੱਟੀ ; 3 ਕਾਬੂ

ਜਲੰਧਰ (ਮਾਹੀ) - ਦਿਹਾਤੀ ਖੇਤਰ ਦੇ ਮਕਸੂਦਾਂ ਥਾਣੇ ਦੀ ਪੁਲਸ ਨੇ ਤਿੰਨ ਆਟੋ ਚਾਲਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਨੇ ਆਪਣੀ ਦੋਸਤੀ ਕਾਰਨ ਇਕ ਪ੍ਰਵਾਸੀ ਆਟੋ ਚਾਲਕ ਨੂੰ ਜ਼ਖਮੀ ਕਰ ਦਿੱਤਾ ਸੀ ਤੇ ਉਸਦਾ ਆਟੋ ਅਤੇ ਨਕਦੀ ਲੈ ਕੇ ਭੱਜ ਗਏ ਸਨ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਏ. ਐੱਸ. ਆਈ. ਕੇਵਲ ਸਿੰਘ ਨੇ ਦੱਸਿਆ ਕਿ ਗੁੱਜਾ ਪੀਰ ਰੋਡ ਨੇੜੇ ਨਿਊ ਗੋਬਿੰਦ ਨਗਰ ਦੇ ਰਹਿਣ ਵਾਲੇ ਰਾਜਕੁਮਾਰ ਨੇ ਮਕਸੂਦਾਂ ਥਾਣੇ ਵਿਚ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਹ ਆਟੋ ਚਾਲਕ ਦਾ ਕੰਮ ਕਰਦਾ ਹੈ ਅਤੇ 18 ਸਤੰਬਰ ਨੂੰ ਦੁਪਹਿਰ 3:30 ਵਜੇ ਉਹ ਪਠਾਨਕੋਟ ਚੌਕ ’ਤੇ ਖੜ੍ਹਾ ਸੀ ਤੇ ਉਸ ਦਾ ਜਾਣਕਾਰ ਬੱਬੂ ਮਿਸਤਰੀ ਉਸ ਕੋਲ ਆਇਆ ਤੇ ਆਪਣਾ ਈ-ਰਿਕਸ਼ਾ ਲੰਮਾ ਪਿੰਡ ਚੌਕ ਨੇੜੇ ਪੈਟਰੋਲ ਪੰਪ ’ਤੇ ਲੈ ਆਇਆ ਅਤੇ ਫਿਰ ਆਪਣੇ ਈ-ਰਿਕਸ਼ਾ ਵਿਚ ਬੈਠ ਕੇ ਸ਼ੇਖੇ ਪਿੰਡ ਵੱਲ ਚਲਾ ਗਿਆ।ਉੱਥੇ, ਰਸਤੇ ਵਿਚ ਆਟੋ ਖਾਲੀ ਹੋਣ ਕਾਰਨ ਉਨ੍ਹਾਂ ਨੇ ਆਟੋ ਨੂੰ ਰੋਕਿਆ ਅਤੇ ਉਸ ਨੂੰ ਆਟੋ ਵਿਚੋਂ ਬਾਹਰ ਕੱਢਣ ਤੋਂ ਬਾਅਦ ਉਸ ਦੀ ਰਾਡ ਮਾਰ ਕੇ ਸਿਰ, ਖੱਬੇ ਹੱਥ ਤੇ ਖੱਬੇ ਹੱਥ ’ਤੇ ਮਾਰੀ, ਜਿਸ ਨਾਲ ਉਹ ਬੇਹੋਸ਼ ਹੋ ਗਿਆ।

ਇਸ ਤੋਂ ਬਾਅਦ ਉਨ੍ਹਾਂ ਨੇ ਉਸ ਦੀ ਜੇਬ ਵਿਚੋਂ 1500 ਰੁਪਏ ਦੀ ਨਕਦੀ ਅਤੇ ਪੈਟਰੋਲ ਪੰਪ ’ਤੇ ਖੜ੍ਹਾ ਉਸ ਦਾ ਆਟੋ ਰਿਕਸ਼ਾ ਚੋਰੀ ਕਰ ਲਿਆ।ਸਵੇਰੇ ਪਿੰਡ ਵਾਸੀਆਂ ਨੇ ਰਾਜਕੁਮਾਰ ਨੂੰ ਬੇਹੋਸ਼ ਪਿਆ ਪਾਇਆ ਤੇ ਉਸ ਨੂੰ ਐਂਬੂਲੈਂਸ ਵਿਚ ਸਿਵਲ ਹਸਪਤਾਲ ਜਲੰਧਰ ਇਲਾਜ ਲਈ ਲੈ ਗਏ।

ਏ. ਐੱਸ. ਆਈ. ਨੇ ਦੱਸਿਆ ਕਿ ਰਾਜਕੁਮਾਰ ਦੀ ਸ਼ਿਕਾਇਤ ’ਤੇ ਸੰਤੋਖਪੁਰਾ ਦੇ ਰਹਿਣ ਵਾਲੇ ਬੱਬੂ ਮਿਸਤਰੀ ਤੇ ਇਕ ਅਣਪਛਾਤੇ ਵਿਅਕਤੀ ਵਿਰੁੱਧ ਬੀ. ਐੱਨ. ਐੱਸ . ਦੀਆਂ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ਤੇ ਮੁਲਜ਼ਮ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।

ਪੁਲਸ ਨੇ ਇਸ ਮਾਮਲੇ ਵਿਚ ਸੁਖਚੈਨ ਸਿੰਘ ਵਾਸੀ ਹਰਦਿਆਲ ਨਗਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਤੇ ਉਸ ਨੂੰ ਮਾਣਯੋਗ ਅਦਾਲਤ ਵਿਚ ਪੇਸ਼ ਕਰਨ ਤੋਂ ਬਾਅਦ ਪੁਲਸ ਰਿਮਾਂਡ ਹਾਸਲ ਕਰ ਲਿਆ।

ਪੁੱਛਗਿੱਛ ਦੌਰਾਨ ਸੁਖਚੈਨ ਸਿੰਘ ਨੇ ਦੱਸਿਆ ਕਿ ਉਸਦੇ ਸਾਥੀ ਦੀਪਕ ਕੁਮਾਰ ਅਰੋੜਾ ਉਰਫ਼ ਦੀਪਾ ਵਾਸੀ ਨਡਾਲਾ ਭੁਲੱਥ ਰੋਡ, ਮੌਜੂਦਾ ਸਮੇਂ ਬਸਤੀ ਭੂਰੇ ਖਾਨ ਪ੍ਰੀਤ ਨਗਰ ਸੋਢਲ ਰੋਡ ਤੇ ਉਸਦੇ ਦੂਜੇ ਸਾਥੀ ਚੇਤਨ ਚਾਵਲਾ ਪ੍ਰੀਤ ਨਗਰ ਸੋਢਲ ਰੋਡ ਜਲੰਧਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਏ. ਐੱਸ. ਆਈ. ਕੇਵਲ ਸਿੰਘ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਤੋਂ ਈ-ਰਿਕਸ਼ਾ ਬਰਾਮਦ ਕਰ ਲਿਆ ਗਿਆ ਹੈ ਤੇ ਮਾਣਯੋਗ ਅਦਾਲਤ ਵਿਚ ਪੇਸ਼ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਜੇਲ ਭੇਜ ਦਿੱਤਾ ਗਿਆ ਹੈ।