ਦੁਬਈ : ਸਮੁੰਦਰੀ ਤੱਟ ''ਤੇ ਸੈਰ ਕਰਨ ਗਏ ਭਾਰਤੀ ਵਿਅਕਤੀ ਦੀ ਮੌਤ

ਦੁਬਈ (ਭਾਸ਼ਾ)— ਸੰਯੁਕਤ ਅਰਬ ਅਮੀਰਾਤ ਦੇ ਇਕ ਲੋਕਪ੍ਰਿਅ ਸਮੁੰਦਰੀ ਤੱਟ 'ਤੇ ਪਰਿਵਾਰ ਨਾਲ ਸੈਰ ਕਰਨ ਗਏ 40 ਸਾਲ ਦੇ ਇਕ ਭਾਰਤੀ ਵਿਅਕਤੀ ਦੀ ਡੁੱਬ ਜਾਣ ਕਾਰਨ ਮੌਤ ਹੋ ਗਈ। ਇਕ ਅੰਗਰੇਜ਼ੀ ਅਖਬਾਰ ਮੁਤਾਬਕ ਇਹ ਘਟਨਾ ਸ਼ਨੀਵਾਰ ਨੂੰ ਵਾਪਰੀ। ਬੇਂਗਲੁਰੂ ਦੇ ਰਹਿਣ ਵਾਲੇ ਜੌਨ ਪ੍ਰੀਤਮ ਪਾਲ ਆਪਣੇ ਤਿੰਨ ਬੱਚਿਆਂ ਅਤੇ ਰਿਸ਼ਤੇਦਾਰਾਂ ਨਾਲ ਜੁਮੈਰਾ ਤੱਟ 'ਤੇ ਗਏ ਸਨ। 

ਅਖਬਾਰ ਨੇ ਪੌਲ ਦੀ ਪਤਨੀ ਇਵਲਾਈਨ ਦੇ ਹਵਾਲੇ ਨਾਲ ਦੱਸਿਆ,''ਉੱਥੋਂ ਨਿਕਲਣ ਦੇ ਠੀਕ ਪਹਿਲਾਂ ਜੌਨ ਸਮੁੰਦਰ ਵਿਚ ਉਤਰੇ। ਕੁਝ ਹੀ ਮਿੰਟਾਂ ਬਾਅਦ ਪਰਿਵਾਰ ਨੇ ਉਨ੍ਹਾਂ ਦੇ ਸਰੀਰ ਨੂੰ ਪਾਣੀ ਵਿਚ ਤੈਰਦਿਆਂ ਦੇਖਿਆ।'' ਪਤਨੀ ਇਵਲਾਈਨ ਨੇ ਕਿਹਾ,''ਮੈਂ ਹਾਲੇ ਵੀ ਨਹੀਂ ਜਾਣਦੀ ਕਿ ਇਹ ਸਭ ਕਿਵੇਂ ਹੋਇਆ। ਉਹ ਬਹੁਤ ਚੰਗੇ ਤੈਰਾਕ ਸਨ।'' 

ਪੁਲਸ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਦਿਲ ਦਾ ਦੌਰਾ ਪੈਣ ਮਗਰੋਂ ਡੁੱਬ ਜਾਣ ਕਾਰਨ ਪੌਲ ਦੀ ਮੌਤ ਹੋਈ। ਪੌਲ ਸੰਯੁਕਤ ਅਰਬ ਅਮੀਰਾਤ ਦੇ ਰੇਡੀਓ ਸਟੇਸ਼ਨ, ਗਿਲੀ ਐੱਫ.ਐੱਮ. ਵਿਚ ਸੇਲਸ ਹੈੱਡ ਦੇ ਰੂਪ ਵਿਚ ਕੰਮ ਕਰਦੇ ਸਨ। ਉਹ 14 ਸਾਲ ਦੇ ਵੱਧ ਸਮੇਂ ਤੋਂ ਦੁਬਈ ਵਿਚ ਰਹਿ ਰਹੇ ਸਨ।