ਸੋਗ 'ਚ ਬਦਲੀਆਂ ਖੁਸ਼ੀਆਂ! ਵਿਆਹ ਦੀ ਬਾਰਾਤ 'ਚ ਗਏ ਨੌਜਵਾਨ ਦੀ ਖੂਹ 'ਚ ਡਿੱਗਣ ਕਾਰਨ ਮੌਤ

ਅਲਵਰ (ਯੂ.ਐੱਨ.ਆਈ.) : ਰਾਜਸਥਾਨ ਦੇ ਅਲਵਰ ਜ਼ਿਲ੍ਹੇ ਦੇ ਰਾਮਗੜ੍ਹ ਥਾਣਾ ਖੇਤਰ ਦੇ ਕਰੇਰੀਆ ਪਿੰਡ 'ਚ ਵਿਆਹ ਦੀ ਬਰਾਤ 'ਚ ਗਏ ਇੱਕ ਨੌਜਵਾਨ ਦੀ ਸੁੱਕੇ ਖੂਹ ਵਿੱਚ ਡਿੱਗਣ ਨਾਲ ਮੌਕੇ 'ਤੇ ਹੀ ਮੌਤ ਹੋ ਗਈ।

ਪੁਲਸ ਦੇ ਅਨੁਸਾਰ, ਮ੍ਰਿਤਕ ਦੇ ਜੀਜੇ ਨਰੇਸ਼ ਜਾਟਵ ਨੇ ਦੱਸਿਆ ਕਿ ਉਸ ਦਾ ਸਾਲਾ ਮੁਕੇਸ਼ ਜਾਟਵ (20), ਇੰਦਰਗੜ੍ਹ ਵਾਸ ਪੁਤਲੀ ਸਾਲਪੁਰ ਦਾ ਰਹਿਣ ਵਾਲਾ ਸੀ। ਜੋ ਸ਼ਨੀਵਾਰ ਨੂੰ ਆਪਣੇ ਗੁਆਂਢੀ ਦੇ ਭਤੀਜੇ ਦੇ ਵਿਆਹ ਦੀ ਬਰਾਤ ਲਈ ਆਪਣੇ ਪਿੰਡ ਤੋਂ ਕਰੇਰੀਆ ਰਾਮਗੜ੍ਹ ਗਿਆ ਸੀ। ਦੇਰ ਰਾਤ ਵਿਆਹ ਦੀ ਬਰਾਤ ਕੁੜੀ ਦੇ ਘਰ ਪਹੁੰਚਣ ਤੋਂ ਠੀਕ ਪਹਿਲਾਂ, ਮ੍ਰਿਤਕ ਬਾਥਰੂਮ ਕਰਨ ਲਈ ਸੜਕ ਕਿਨਾਰੇ ਰੁਕ ਗਿਆ। ਜਿਵੇਂ ਹੀ ਮ੍ਰਿਤਕ ਸੜਕ ਤੋਂ ਥੋੜ੍ਹਾ ਹੇਠਾਂ ਉਤਰਿਆ, ਉਹ ਨੇੜੇ ਦੇ ਇੱਕ ਸੁੱਕੇ ਖੂਹ ਵਿੱਚ ਡਿੱਗ ਪਿਆ ਜੋ ਕਿ ਲਗਭਗ 150 ਫੁੱਟ ਡੂੰਘਾ ਸੀ। ਇਸ ਦੌਰਾਨ ਇਕ ਹੋਰ ਵਿਅਕਤੀ ਨੇ ਉਸ ਨੂੰ ਦੇਖ ਲਿਆ। ਘਟਨਾ ਤੋਂ ਬਾਅਦ ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਬਹੁਤ ਮੁਸ਼ਕਲ ਨਾਲ ਮੁਕੇਸ਼ ਨੂੰ ਬਾਹਰ ਕੱਢਿਆ ਪਰ ਉਦੋਂ ਤੱਕ ਮੁਕੇਸ਼ ਦੀ ਮੌਤ ਹੋ ਚੁੱਕੀ ਸੀ। ਪੁਲਸ ਨੇ ਐਤਵਾਰ ਨੂੰ ਪੋਸਟਮਾਰਟਮ ਤੋਂ ਬਾਅਦ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ।