167 ਕਰੋੜ ''ਚ ਵਿਕੀ 130 ਸਾਲ ਪੁਰਾਣੀ ''ਯਸ਼ੋਦਾ ਅਤੇ ਕ੍ਰਿਸ਼ਨਾ'' ਦੀ ਪੇਂਟਿੰਗ

ਨੈਸ਼ਨਲ ਡੈਸਕ- ਭਾਰਤ ਦੇ ਵਿਸ਼ਵ ਪ੍ਰਸਿੱਧ ਕਲਾਕਾਰ ਰਾਜਾ ਰਵੀ ਵਰਮਾ ਦੀ ਮਸ਼ਹੂਰ ਪੇਂਟਿੰਗ 'ਯਸ਼ੋਦਾ ਅਤੇ ਕ੍ਰਿਸ਼ਨਾ' ਨੇ ਵਿਸ਼ਵ ਰਿਕਾਰਡ ਕਾਇਮ ਕਰਦੇ ਹੋਏ ਭਾਰਤੀ ਕਲਾ ਜਗਤ 'ਚ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਇਸ ਪੇਂਟਿੰਗ ਨੇ ਮਸ਼ਹੂਰ ਕਲਾਕਾਰ ਮਕਬੂਲ ਫਿਦਾ ਹੁਸੈਨ (ਐੱਮ.ਐੱਫ. ਹੁਸੈਨ) ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ।

ਰਿਕਾਰਡ ਤੋੜ ਕੀਮਤ 'ਚ ਵਿਕੀ ਪੇਂਟਿੰਗ 

ਰਿਪੋਰਟਾਂ ਅਨੁਸਾਰ, ਇਸ ਪੇਂਟਿੰਗ ਦੀ ਅੰਦਾਜ਼ਨ ਕੀਮਤ 80 ਕਰੋੜ ਰੁਪਏ ਲਗਾਈ ਗਈ ਸੀ, ਪਰ ਇਹ ਆਪਣੇ ਅੰਦਾਜ਼ੇ ਤੋਂ 167.2 ਕਰੋੜ ਰੁਪਏ ਜ਼ਿਆਦਾ 'ਚ ਵਿਕੀ ਹੈ। ਇਸ ਦਾ ਮਤਲਬ ਹੈ ਕਿ ਇਸ ਦੀ ਕੀਮਤ 'ਚ 100 ਫੀਸਦੀ ਤੋਂ ਵੀ ਵੱਧ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਪਿਛਲੇ ਸਾਲ ਮਾਰਚ 'ਚ ਐੱਮ.ਐੱਫ. ਹੁਸੈਨ ਦੀ ਇਕ ਪੇਂਟਿੰਗ ਨਿਊਯਾਰਕ 'ਚ ਲਗਭਗ 118.7 ਕਰੋੜ ਰੁਪਏ 'ਚ ਵਿਕੀ ਸੀ, ਜੋ ਉਸ ਸਮੇਂ ਇਕ ਰਿਕਾਰਡ ਸੀ। ਰਵੀ ਵਰਮਾ ਦੀ ਇਸ ਕਲਾਕ੍ਰਿਤੀ ਨੇ ਪੁਰਾਣੇ ਰਿਕਾਰਡ ਨੂੰ ਲਗਭਗ 49.2 ਕਰੋੜ ਰੁਪਏ ਦੇ ਵੱਡੇ ਫਰਕ ਨਾਲ ਪਿੱਛੇ ਛੱਡ ਦਿੱਤਾ ਹੈ।

ਇਹ ਪੇਂਟਿੰਗ 1890 ਦੇ ਦਹਾਕੇ ਦੇ ਆਸ-ਪਾਸ ਦੀ ਹੈ, ਜਿਸ 'ਚ ਮਾਤਾ ਯਸ਼ੋਦਾ ਨੂੰ ਕੰਮ ਕਰਦੇ ਹੋਏ ਅਤੇ ਬਾਲ ਕ੍ਰਿਸ਼ਨ ਨੂੰ ਉਨ੍ਹਾਂ ਦੇ ਨੇੜੇ ਆਉਂਦੇ ਦਿਖਾਇਆ ਗਿਆ ਹੈ। ਆਪਣੀ ਦੁਰਲੱਭਤਾ, ਭਾਵਨਾਤਮਕ ਡੂੰਘਾਈ ਅਤੇ ਕਲਾਤਮਕ ਉੱਤਮਤਾ ਕਾਰਨ ਇਹ ਕਲਾ ਪ੍ਰੇਮੀਆਂ ਵਿੱਚ ਬਹੁਤ ਪ੍ਰਸਿੱਧ ਰਹੀ ਹੈ। ਦਿੱਲੀ ਆਰਟ ਗੈਲਰੀ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਸੀ.ਈ.ਓ. ਅਸ਼ੀਸ਼ ਆਨੰਦ ਅਨੁਸਾਰ, ਇਹ ਵਿਕਰੀ ਭਾਰਤੀ ਕਲਾ ਬਾਜ਼ਾਰ ਦੀ ਪਰਿਪੱਕਤਾ ਅਤੇ ਕੌਮਾਂਤਰੀ ਪੱਧਰ 'ਤੇ ਵਧ ਰਹੀ ਦਿਲਚਸਪੀ ਨੂੰ ਦਰਸਾਉਂਦੀ ਹੈ। ਇਹ ਪੇਂਟਿੰਗ ਹੁਣ ਤੱਕ ਦੀ ਸਭ ਤੋਂ ਮਹਿੰਗੀ ਭਾਰਤੀ ਕਲਾਕ੍ਰਿਤੀ ਬਣ ਗਈ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਪ੍ਰਾਪਤੀ ਨਾਲ ਨਾ ਸਿਰਫ਼ ਰਾਜਾ ਰਵੀ ਵਰਮਾ ਦੀ ਕਲਾ ਦੀ ਵਿਸ਼ਵ ਪੱਧਰ 'ਤੇ ਸ਼ੋਹਰਤ ਵਧੇਗੀ, ਸਗੋਂ ਭਵਿੱਖ ਵਿੱਚ ਹੋਰ ਭਾਰਤੀ ਕਲਾਕਾਰਾਂ ਦੀਆਂ ਦੁਰਲੱਭ ਪੇਂਟਿੰਗਾਂ ਦੀਆਂ ਕੀਮਤਾਂ 'ਚ ਵੀ ਵਾਧਾ ਹੋਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e