ਪਤਨੀ ਨੇ ਸਟੇਟਸ ਲਗਾਇਆ ''ਹੁਣ ਜਾ ਜੇਲ੍ਹ'', ਪਤੀ ਹਮੇਸ਼ਾ ਲਈ ਦੁਨੀਆ ਤੋਂ ਚਲਾ ਗਿਆ

ਬਰੇਲੀ- ਪਤਨੀ ਦੇ ਝੂਠੇ ਦੋਸ਼ਾਂ, ਥਾਣੇ 'ਚ ਕੁੱਟਮਾਰ ਅਤੇ ਸਮਾਜਿਕ ਅਪਮਾਨ ਤੋਂ ਦੁਖੀ ਹੋ ਕੇ 24 ਸਾਲਾ ਇਕ ਵਿਅਕਤੀ ਰਾਜ ਆਰੀਆ ਨੇ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ। ਪੁਲਸ ਨੇ ਉਸ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਸ ਖੇਤਰ ਅਧਿਕਾਰੀ ਅਜੇ ਕੁਮਾਰ ਨੇ ਦੱਸਿਆ ਕਿ ਬਰੇਲੀ ਦੇ ਇੱਜ਼ਤਨਗਰ ਥਾਣਾ ਖੇਤਰ ਦੀ ਮੁੰਸ਼ੀ ਨਗਰ ਕਾਲੋਨੀ 'ਚ ਬੁੱਧਵਾਰ ਸ਼ਾਮ ਰਾਜ ਆਰੀਆ ਨੇ ਆਪਣੀ ਮਾਂ ਨੂੰ ਕਿਹਾ ਕਿ ਉਹ ਹਮੇਸ਼ਾ ਲਈ ਸੌਣ ਜਾ ਰਿਹਾ ਹੈ। ਮਾਂ ਉਸ ਦੀ ਗੱਲ ਸਮਝ ਨਹੀਂ ਸਕੀ ਪਰ ਕੁਝ ਦੇਰ ਬਾਅਦ ਜਦੋਂ ਉਸ ਨੇ ਕਮਰੇ 'ਚ ਦੇਖਿਆ ਤਾਂ ਰਾਜ ਪੱਖੇ ਨਾਲ ਲਟਕਿਆ ਹੋਇਆ ਸੀ। ਰਾਜ ਦੇ ਪਰਿਵਾਰ ਵਾਲਿਆਂ ਅਨੁਸਾਰ, ਇਸ ਘਟਨਾ ਤੋਂ ਇਕ ਦਿਨ ਪਹਿਲੇ ਮੰਗਲਵਾਰ ਨੂੰ ਰਾਜ ਆਰੀਆ ਦੀ ਪਤਨੀ ਸਿਮਰਨ ਨੇ ਸੋਸ਼ਲ ਮੀਡੀਆ 'ਤੇ ਸਟੇਟਸ ਪਾਇਆ ਸੀ, ਜਿਸ ਨੇ ਰਾਜ ਨੂੰ ਪਰੇਸ਼ਾਨ ਕਰ ਦਿੱਤਾ ਸੀ। ਉਸ ਨੇ ਲਿਖਿਆ,''ਮੈਂ ਆਪਣੇ ਪਤੀ 'ਤੇ ਕੇਸ ਕਰ ਦਿੱਤਾ ਹੈ। ਉਹ 10.30 ਵਜੇ ਤੱਕ ਜੇਲ੍ਹ 'ਚ ਹੋਵੇਗਾ। ਬੈਸਟ ਆਫ਼ ਲਕ...ਹੁਣ ਤੂੰ ਜਾ ਜੇਲ੍ਹ।''

ਇਹ ਵੀ ਪੜ੍ਹੋ : 3 ਬੱਚਿਆਂ ਦੀ ਮਾਂ ਨੇ ਬਦਲਿਆ ਧਰਮ, 12ਵੀਂ ਦੇ ਵਿਦਿਆਰਥੀ ਨਾਲ ਕਰਵਾਇਆ ਵਿਆਹ

ਇਸ ਤੋਂ ਕੁਝ ਹੀ ਦੇਰ ਬਾਅਦ ਸਿਮਰਨ ਨੇ ਮਹਿਲਾ ਥਾਣੇ 'ਚ ਪਤੀ ਅਤੇ ਸਹੁਰੇ ਪਰਿਵਾਰ 'ਤੇ ਦਾਜ ਉਤਪੀੜਨ ਦਾ ਮੁਕੱਦਮਾ ਦਰਜ ਕਰਵਾ ਦਿੱਤਾ। ਰਾਜ ਦੇ ਪਿਤਾ ਮਨੀਸ਼ ਬਾਬੂ ਦਾ ਦੋਸ਼ ਹੈ ਕਿ ਉਸ ਦੀ ਨੂੰਹ ਸਿਮਰਨ ਦਾ ਭਰਾ ਸਾਗਰ ਪੁਲਸ ਕਾਂਸਟੇਬਲ ਹੈ ਅਤੇ ਉਸੇ ਨੇ ਆਪਣੀ ਵਰਦੀ ਦਾ ਇਸਤੇਮਾਲ ਕਰ ਕੇ ਰਾਜ, ਉਸ ਦੀ ਮਾਂ ਅਤੇ ਪਿਤਾ ਨੂੰ ਛਾਣੇ ਬੁਲਵਾਇਆ। ਮਨੀਸ਼ ਬਾਬੂ ਨੇ ਕਿਹਾ ਕਿ ਉਸ ਤੋਂ ਬਾਅਦ ਥਾਣੇ 'ਚ ਪੁਲਸ ਨੇ ਉਸ ਦੇ ਬੇਟੇ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਅਤੇ ਅਪਮਾਨਤ ਕੀਤਾ ਗਿਆ। ਰਾਜ ਆਰੀਆ ਨੇ ਅਪ੍ਰੈਲ 2024 'ਚ ਸ਼ਾਹਜਹਾਂਪੁਰ ਦੀ 23 ਸਾਲਾ ਸਿਮਰਨ ਨਾਲ ਪ੍ਰੇਮ ਵਿਆਹ ਕੀਤਾ ਸੀ। ਉਸ ਸਮੇਂ ਦੋਵੇਂ ਇਕ ਕੰਪਨੀ 'ਚ ਨੌਕਰੀ ਕਰਦੇ ਸਨ। ਕੁਝ ਸਮੇਂ ਪਹਿਲਾਂ ਰਾਜ ਦੀ ਨੌਕਰੀ ਚਲੀ ਗਈ ਅਤੇ ਡੇਢ ਮਹੀਨੇ ਪਹਿਲੇ ਉਹ ਇਕ ਧੀ ਦਾ ਪਿਤਾ ਬਣਿਆ ਸੀ। ਰਾਜ ਦੇ ਪਰਿਵਾਰ ਨੇ ਦੱਸਿਆ ਕਿ ਕੁਝ ਸਮੇਂ ਤੋਂ ਰਾਜ ਅਤੇ ਸਿਮਰਨ ਵਿਚਾਲੇ ਵਿਵਾਦ ਹੋਣ ਲੱਗਾ ਅਤੇ 10 ਦਿਨ ਪਹਿਲੇ ਝਗੜਾ ਇੰਨਾ ਵਧਿਆ ਕਿ ਸਿਮਰਨ ਪੇਕੇ ਚਲੀ ਗਈ। ਬੁੱਧਵਾਰ ਸਵੇਰੇ ਉਸ ਨੇ ਇੰਸਟਾਗ੍ਰਾਮ 'ਤੇ 2 ਸਟੇਟਸ ਲਗਾਏ ਅਤੇ ਪੋਸਟ ਪਾਈ। ਪਰਿਵਾਰ ਵਾਲਿਆਂ ਦਾ ਕਹਿਣਾ ਹੈ ਕਿ ਪਤਨੀ ਦੇ ਉਤਪੀੜਨ ਤੋਂ ਪਰੇਸ਼ਾਨ ਹੋ ਕੇ ਰਾਜ ਨੇ ਖ਼ੁਦਕੁਸ਼ੀ ਕੀਤੀ ਹੈ। ਪੁਲਸ ਨੇ ਰਾਜ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪਰਿਵਾਰ ਦੀ ਸ਼ਿਕਾਇਤ 'ਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ : ਸਰਕਾਰੀ ਅਧਿਕਾਰੀ ਨਿਕਲਿਆ 'ਧਨਕੁਬੇਰ', ED ਨੇ 4 ਮਸ਼ੀਨਾਂ ਨਾਲ 8 ਘੰਟੇ ਕੀਤੀ ਕੈਸ਼ ਦੀ ਗਿਣਤੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8