ਰਤਨ ਟਾਟਾ ਨੇ ਕਿਉਂ ਨਹੀਂ ਕਰਵਾਇਆ ਸੀ ਵਿਆਹ, ਖੁਦ ਦੱਸੀ ਸੀ ਇਸ ਫੈਸਲੇ ਦੀ ਵਜ੍ਹਾ

ਨੈਸ਼ਨਲ ਡੈਸਕ - ਭਾਰਤ ਦੇ ਕਾਰੋਬਾਰੀ ਜਗਤ 'ਚ ਬੁੱਧਵਾਰ ਨੂੰ ਉਸ ਸਮੇਂ ਸੋਗ ਦੀ ਲਹਿਰ ਦੌੜ ਗਈ ਜਦੋਂ ਕਰੋੜਾਂ ਲੋਕਾਂ ਲਈ ਪ੍ਰੇਰਨਾ ਸਰੋਤ ਬਣੇ ਮਸ਼ਹੂਰ ਕਾਰੋਬਾਰੀ ਅਤੇ ਟਾਟਾ ਸੰਨਜ਼ ਦੇ ਸਾਬਕਾ ਚੇਅਰਮੈਨ ਰਤਨ ਟਾਟਾ ਦਾ 86 ਸਾਲ ਦੀ ਉਮਰ 'ਚ ਮੁੰਬਈ 'ਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੇ ਬ੍ਰੀਚ ਕੈਂਡੀ ਹਸਪਤਾਲ 'ਚ ਆਖਰੀ ਸਾਹ ਲਿਆ। ਉਹ ਨਾ ਸਿਰਫ ਇੰਡਸਟਰੀ 'ਚ ਸਫਲਤਾ ਦਾ ਪ੍ਰਤੀਕ ਸਨ, ਸਗੋਂ ਉਨ੍ਹਾਂ ਦੀ ਵੱਖਰੀ ਸ਼ਖਸੀਅਤ ਨੇ ਵੀ ਉਨ੍ਹਾਂ ਨੂੰ ਖਾਸ ਬਣਾ ਦਿੱਤਾ ਸੀ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਰਤਨ ਟਾਟਾ ਨੇ ਵਿਆਹ ਕਿਉਂ ਨਹੀਂ ਕਰਵਾਇਆ? ਜਦਕਿ ਉਨ੍ਹਾਂ ਨੂੰ 4 ਵਾਰ ਪਿਆਰ ਹੋਇਆ, ਆਓ ਜਾਣਦੇ ਹਾਂ ਇਸਦੇ ਪਿੱਛੇ ਦੀ ਵਜ੍ਹਾ...

ਇੱਕ-ਦੋ ਵਾਰ ਨਹੀਂ, ਚਾਰ ਵਾਰ ਹੋਇਆ ਪਿਆਰ
ਟਾਟਾ ਗਰੁੱਪ ਦੇ ਸਾਬਕਾ ਚੇਅਰਮੈਨ ਰਤਨ ਟਾਟਾ ਨੇ ਆਪਣੀ ਪੂਰੀ ਜ਼ਿੰਦਗੀ ਵਿੱਚ ਕਿਸੇ ਨਾਲ ਵਿਆਹ ਨਹੀਂ ਕੀਤਾ। ਅਜਿਹਾ ਨਹੀਂ ਹੈ ਕਿ ਉਨ੍ਹਾਂ ਨੇ ਕਦੇ ਕਿਸੇ ਨੂੰ ਪਿਆਰ ਨਹੀਂ ਕੀਤਾ। ਇਕ ਇੰਟਰਵਿਊ ਦੌਰਾਨ ਰਤਨ ਟਾਟਾ ਨੇ ਖੁਦ ਆਪਣੀ ਲਵ ਲਾਈਫ ਬਾਰੇ ਵਿਸਥਾਰ ਨਾਲ ਦੱਸਿਆ ਸੀ। ਉਨ੍ਹਾਂ ਕਿਹਾ ਸੀ ਕਿ ਉਨ੍ਹਾਂ ਦੀ ਜ਼ਿੰਦਗੀ 'ਚ ਪਿਆਰ ਨੇ ਇਕ ਵਾਰ ਨਹੀਂ ਸਗੋਂ ਚਾਰ ਵਾਰ ਦਸਤਕ ਦਿੱਤੀ ਸੀ ਪਰ ਔਖੇ ਸਮੇਂ ਕਾਰਨ ਉਨ੍ਹਾਂ ਦਾ ਰਿਸ਼ਤਾ ਵਿਆਹ ਤੱਕ ਨਹੀਂ ਪਹੁੰਚ ਸਕਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਦੁਬਾਰਾ ਵਿਆਹ ਬਾਰੇ ਕਦੇ ਨਹੀਂ ਸੋਚਿਆ ਅਤੇ ਭਾਰਤ ਵਿੱਚ ਟਾਟਾ ਸਮੂਹ ਦੇ ਕਾਰੋਬਾਰ ਨੂੰ ਅੱਗੇ ਲਿਜਾਣ 'ਤੇ ਪੂਰਾ ਧਿਆਨ ਦਿੱਤਾ।

28 ਸਤੰਬਰ 1937 ਨੂੰ ਹੋਇਆ ਸੀ ਜਨਮ 
ਰਤਨ ਟਾਟਾ ਦਾ ਜਨਮ 28 ਦਸੰਬਰ 1937 ਨੂੰ ਸੂਰਤ ਵਿੱਚ ਹੋਇਆ ਸੀ। ਟਾਟਾ ਗਰੁੱਪ ਦੇ ਸਾਬਕਾ ਚੇਅਰਮੈਨ ਨੇ ਆਪਣੇ ਲਈ ਇੱਕ ਵੱਖਰੀ ਪਛਾਣ ਬਣਾਈ ਅਤੇ ਇੱਕ ਬਿਹਤਰ ਮੁਕਾਮ ਵੀ ਹਾਸਲ ਕੀਤਾ। ਉਹ ਟਾਟਾ ਗਰੁੱਪ ਨੂੰ ਨਵੀਆਂ ਉਚਾਈਆਂ 'ਤੇ ਲੈ ਗਏ ਅਤੇ ਇਹੀ ਕਾਰਨ ਹੈ ਕਿ ਟਾਟਾ ਅੱਜ ਦੁਨੀਆ 'ਚ ਮਸ਼ਹੂਰ ਹੈ। ਪਰ ਕਾਰੋਬਾਰੀ ਖੇਤਰ ਦੇ ਸਭ ਤੋਂ ਸਫਲ ਉੱਦਮੀਆਂ ਵਿੱਚੋਂ ਇੱਕ ਰਤਨ ਟਾਟਾ ਪਿਆਰ ਦੇ ਮਾਮਲੇ ਵਿੱਚ ਅਸਫ਼ਲ ਸਾਬਤ ਹੋਏ। ਖਬਰਾਂ ਦੀ ਮੰਨੀਏ ਤਾਂ ਇਸ ਸੰਬੰਧ 'ਚ ਇਕ ਇੰਟਰਵਿਊ 'ਚ ਉਨ੍ਹਾਂ ਨੇ ਆਪਣੇ ਅਣਵਿਆਹੇ ਹੋਣ ਨਾਲ ਜੁੜੇ ਵੱਡੇ ਖੁਲਾਸੇ ਕੀਤੇ ਸਨ।

ਅਮਰੀਕਾ 'ਚ ਪਿਆਰ ਫਿਰ ਇੰਝ ਵਿਗੜੀ ਗੱਲ
ਰਤਨ ਟਾਟਾ ਨੇ ਆਪਣੇ ਇੰਟਰਵਿਊ 'ਚ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਪਿਆਰ ਹੋ ਗਿਆ ਸੀ ਪਰ ਉਹ ਆਪਣੇ ਪਿਆਰ ਨੂੰ ਵਿਆਹ ਦੇ ਅੰਤ ਤੱਕ ਨਹੀਂ ਲੈ ਜਾ ਸਕੇ। ਉਨ੍ਹਾਂ ਕਿਹਾ ਸੀ ਕਿ ਵਿਆਹ ਨਾ ਕਰਵਾਉਣ ਦਾ ਫੈਸਲਾ ਉਨ੍ਹਾਂ ਲਈ ਸਹੀ ਸਾਬਤ ਹੋਇਆ, ਕਿਉਂਕਿ ਜੇਕਰ ਉਹ ਵਿਆਹ ਕਰਵਾ ਲੈਂਦੇ ਤਾਂ ਸਥਿਤੀ ਬਹੁਤ ਗੁੰਝਲਦਾਰ ਹੋ ਜਾਣੀ ਸੀ। ਉਨ੍ਹਾਂ ਨੇ ਇੰਟਰਵਿਊ 'ਚ ਕਿਹਾ ਸੀ, 'ਜੇਕਰ ਤੁਸੀਂ ਪੁੱਛਦੇ ਹੋ ਕਿ ਕੀ ਮੈਨੂੰ ਕਦੇ ਪਿਆਰ ਹੋਇਆ ਹੈ, ਤਾਂ ਤੁਹਾਨੂੰ ਦੱਸ ਦਈਏ ਕਿ ਮੈਂ ਚਾਰ ਵਾਰ ਵਿਆਹ ਨੂੰ ਲੈ ਕੇ ਗੰਭੀਰ ਹੋਇਆ ਅਤੇ ਹਰ ਵਾਰ ਕਿਸੇ ਨਾ ਕਿਸੇ ਡਰ ਕਾਰਨ ਪਿੱਛੇ ਹਟ ਗਿਆ। ਆਪਣੇ ਪਿਆਰ ਦੇ ਦਿਨਾਂ ਬਾਰੇ ਗੱਲ ਕਰਦੇ ਹੋਏ ਟਾਟਾ ਨੇ ਕਿਹਾ, "ਜਦੋਂ ਮੈਂ ਅਮਰੀਕਾ ਵਿੱਚ ਕੰਮ ਕਰ ਰਿਹਾ ਸੀ, ਮੈਂ ਸ਼ਾਇਦ ਪਿਆਰ ਨੂੰ ਲੈ ਕੇ ਸਭ ਤੋਂ ਗੰਭੀਰ ਹੋ ਗਿਆ ਸੀ ਅਤੇ ਅਸੀਂ ਸਿਰਫ ਇਸ ਲਈ ਵਿਆਹ ਨਹੀਂ ਕਰ ਸਕੇ ਕਿਉਂਕਿ ਮੈਂ ਭਾਰਤ ਵਾਪਸ ਆ ਗਿਆ ਸੀ।"

ਭਾਰਤ ਨਹੀਂ ਆਉਣਾ ਚਾਹੁੰਦੀ ਸੀ ਰਤਨ ਟਾਟਾ ਦੀ ਪ੍ਰੇਮਿਕਾ 
ਰਤਨ ਟਾਟਾ ਦੀ ਲਵ ਲਾਈਫ ਦਿਲਚਸਪ ਸੀ ਅਤੇ ਉਨ੍ਹਾਂ ਦੀ ਪ੍ਰੇਮਿਕਾ ਭਾਰਤ ਨਹੀਂ ਆਉਣਾ ਚਾਹੁੰਦੀ ਸੀ। ਇਸ ਦੇ ਨਾਲ ਹੀ ਭਾਰਤ-ਚੀਨ ਜੰਗ ਵੀ ਚੱਲ ਰਹੀ ਸੀ। ਆਖਰਕਾਰ ਉਨ੍ਹਾਂ ਦੀ ਪ੍ਰੇਮਿਕਾ ਨੇ ਅਮਰੀਕਾ ਵਿੱਚ ਹੀ ਕਿਸੇ ਹੋਰ ਨਾਲ ਵਿਆਹ ਕਰਵਾ ਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣਾ ਪੂਰਾ ਧਿਆਨ ਟਾਟਾ ਗਰੁੱਪ 'ਤੇ ਕੇਂਦਰਿਤ ਕੀਤਾ ਅਤੇ ਗਰੁੱਪ ਦੀਆਂ ਕੰਪਨੀਆਂ ਨੂੰ ਅੱਗੇ ਲਿਜਾਣ 'ਤੇ ਕੰਮ ਕੀਤਾ। ਉਨ੍ਹਾਂ ਦੀ ਅਗਵਾਈ ਵਿੱਚ ਸਮੂਹ ਦਾ ਕਾਰੋਬਾਰ ਤੇਜ਼ੀ ਨਾਲ ਵਧਿਆ ਅਤੇ ਇਹ ਦੁਨੀਆ ਭਰ ਵਿੱਚ ਮਸ਼ਹੂਰ ਹੋ ਗਿਆ। ਅੱਜ, ਟਾਟਾ ਸਮੂਹ ਘਰੇਲੂ ਰਸੋਈ ਵਿੱਚ ਵਰਤੇ ਜਾਣ ਵਾਲੇ ਨਮਕ ਤੋਂ ਲੈ ਕੇ ਅਸਮਾਨ ਵਿੱਚ ਹਵਾਈ ਯਾਤਰਾ ਤੱਕ ਹਰ ਚੀਜ਼ ਵਿੱਚ ਆਪਣੀ ਮੌਜੂਦਗੀ ਰੱਖਦਾ ਹੈ।