ਜੋ ਕੰਮ ਸਾਡੇ ਦੁਸ਼ਮਣ ਨਹੀਂ ਕਰ ਸਕੇ ਉਹ ਮੋਦੀ ਕਰ ਰਹੇ ਹਨ : ਰਾਹੁਲ

ਨਵੀਂ ਦਿੱਲੀ — ਨਾਗਰਿਕਤਾ ਸੋਧ ਐਕਟ ਖਿਲਾਫ ਕਾਂਗਰਸ ਦੇ ਚੋਟੀ ਦੇ ਨੇਤਾ ਸੋਮਵਾਰ ਨੂੰ ਰਾਜਘਾਟ 'ਤੇ ਏਕਤਾ ਲਈ ਸੱਤਿਆਗ੍ਰਹਿ 'ਤੇ ਬੈਠੇ। ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ, ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ, ਰਾਹੁਲ ਗਾਂਧੀ, ਪ੍ਰਿਅੰਕਾ ਗਾਂਧੀ ਸਣੇ ਕਈ ਨੇਤਾ ਰਾਜਘਾਟ ਪਹੁੰਚੇ। ਇਥੇ ਸਾਰਿਆਂ ਨੇ ਸੰਵਿਧਾਨ ਦੀ ਰੱਖਿਆ ਕਰਨ ਦਾ ਸੰਕਲਪ ਲਿਆ। ਸੋਨੀਆ ਗਾਂਧੀ, ਮਨਮੋਹਨ ਸਿੰਘ, ਰਾਹੁਲ ਗਾਂਧੀ ਨੇ ਸੰਵਿਧਾਨ ਦੀ ਪ੍ਰਸਤਾਵਨਾ ਵੀ ਪੜ੍ਹੀ।

Congress leader Rahul Gandhi at Raj Ghat where the party is staging protest against #CitizenshipAmendmentAct: When it comes to clothes, the entire nation knows you because of your clothes. It was you who had worn a suit worth Rs. 2 crore, it was not the people of the country. pic.twitter.com/jAGGVHg7k1

— ANI (@ANI) December 23, 2019

ਇਥੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਰਾਹੁਲ ਗਾਂਧੀ ਨੇ ਕਿਹਾ, 'ਜਦੋਂ ਕੱਪੜਿਆਂ ਦੀ ਗੱਲ ਆਉਂਦੀ ਹੈ ਤਾਂ, ਪੂਰਾ ਦੇਸ਼ ਤੁਹਾਨੂੰ ਤੁਹਾਡੇ ਕੱਪੜਿਆਂ ਕਾਰਨ ਜਾਣਦਾ ਹੈ। ਇਹ ਤੁਸੀਂ ਸੀ ਜਿਨ੍ਹਾਂ ਨੇ 2 ਕਰੋੜ ਰੁਪਏ ਦਾ ਸੂਟ ਪਾਇਆ ਸੀ। ਇਹ ਦੇਸ਼ ਦੀ ਜਨਤਾ ਨਹੀਂ ਸੀ।'

Congress leader Rahul Gandhi at Raj Ghat in New Delhi: The enemies of the country made full efforts to destroy the economy of the country, but what our enemies could not do, is now being done by PM Narendra Modi today. pic.twitter.com/pBGuk3ViWv

— ANI (@ANI) December 23, 2019

ਰਾਹੁਲ ਨੇ ਕਿਹਾ ਕਿ ਦੇਸ਼ ਦੇ ਦੁਸ਼ਮਣਾਂ ਨੇ ਦੇਸ਼ ਦੀ ਅਰਥਵਿਵਸਥਾ ਨੂੰ ਤਬਾਹ ਕਰਨ ਲਈ ਪੂਰੀ ਕੋਸ਼ਿਸ਼ ਕੀਤੀ ਪਰ ਸਾਡੇ ਦੁਸ਼ਮਣ ਜੋ ਨਹੀਂ ਕਰ ਸਕੇ, ਉਹ ਅੱਜ ਸਾਡੇ ਪੀ.ਐੱਮ. ਨਰਿੰਦਰ ਮੋਦੀ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਨਰਿੰਦਰ ਮੋਦੀ ਜੀ ਜਦੋਂ ਤੁਸੀਂ ਵਿਦਿਆਰਥੀਆਂ ਨੂੰ ਗੋਲੀ ਨਾਲ ਉਡਾਉਂਦੇ ਹੋ ਅਤੇ ਉਨ੍ਹਾਂ 'ਤੇ ਲਾਠੀ ਚਾਰਜ ਕਰਵਾਉਂਦੇ ਹੋ, ਜਾਂ ਜਦੋਂ ਤੁਸੀਂ ਪੱਤਰਕਾਰਾਂ ਨੂੰ ਧਮਕੀ ਦਿੰਦੇ ਹੋ ਤਾਂ ਤੁਸੀਂ ਦੇਸ਼ ਦੀ ਆਵਾਜ਼ ਨੂੰ ਦਬਾਉਣ ਦੀ ਕੋਸ਼ਿਸ਼ ਕਰਦੇ ਹੋ।
ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਕਿਹਾ, 'ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦੇਸ਼ ਨੂੰ ਦੱਸਣਾ ਚਾਹੀਦਾ ਹੈ ਕਿ ਉਹ ਵਿਦਿਆਰਥੀਆਂ ਦੀ ਆਵਾਜ਼ ਕਿਉਂ ਦੱਬ ਰਹੇ ਹਨ ਅਤੇ ਉਨ੍ਹਾਂ ਨੂੰ ਨੌਕਰੀ ਕਿਉਂ ਨਹੀਂ ਮਿਲ ਰਹੀ ਹੈ। ਤੁਹਾਨੂੰ ਸਿਖਾਇਆ ਗਿਆ ਹੈ ਕਿ ਕਿਵੇ ਦੇਸ਼ ਨੂੰ ਤੋੜਨਾ ਹੈ ਅਤੇ ਨਫਰਤ ਫੈਲਾਉਣੀ ਹੈ, ਤੁਸੀਂ ਉਸ ਵਿਚ ਨੰਬਰ ਵਨ ਹੋ। ਤੁਸੀਂ ਰੋਜ਼ਗਾਰ ਦੇ ਨਹੀਂ ਸਕੇ ਅਤੇ ਅਰਥਵਿਵਸਥਾ ਨੂੰ ਤਬਾਹ ਕਰ ਦਿੱਤਾ, ਇਹੀ ਕਾਰਣ ਹੈ ਕਿ ਤੁਸੀਂ ਨਫਰਤ ਦੇ ਪਿੱਛੇ ਛਿੱਪ ਰਹੇ ਹੋ।'