ਲਾਕਡਾਊਨ ਦੀ ਪਾਲਣਾ ਕਰਵਾਉਣ ਗਈ ਪੁਲਸ ''ਤੇ ਭੀੜ ਨੇ ਕੀਤਾ ਹਮਲਾ, 2 ਜਵਾਨ ਜ਼ਖਮੀ

ਕੋਲਕਾਤਾ— ਪੱਛਮੀ ਬੰਗਾਲ ਦੇ ਹਾਵੜਾ ਜ਼ਿਲ੍ਹੇ ਦੀ ਰੇਜ ਜੋਨ ਵਾਲੇ ਇਲਾਕੇ 'ਚ ਲਾਕਡਾਊਨ ਦੀ ਪਾਲਣਾ ਕਰਨ ਦੇ ਯਤਨ 'ਚ ਲੱਗੇ ਪੁਲਸ ਕਰਮਚਾਰੀਆਂ 'ਤੇ ਲੋਕਾਂ ਨੇ ਹਮਲਾ ਕਰ ਦਿੱਤਾ। ਜਾਣਕਾਰੀ ਅਨੁਸਾਰ ਪੁਲਸ ਲੋਕਾਂ ਨੂੰ ਘਰਾਂ ਦੇ ਅੰਦਰ ਰਹਿਣ ਦੀ ਅਪੀਲ ਕਰ ਰਹੀ ਸੀ। ਇਸ ਘਟਨਾ 'ਚ 2 ਪੁਲਸ ਕਰਮਚਾਰੀ ਵੀ ਜ਼ਖਮੀ ਹੋਏ ਹਨ। ਉੱਥੇ ਦੇ ਹਾਲਾਤ ਇੰਨੇ ਖਰਾਬ ਹੋ ਗਏ ਹਨ ਕਿ ਬਾਅਦ 'ਚ ਰੈਪਿਡ ਐਕਸ਼ਨ ਫੋਰਸ ਨੂੰ ਬਲਾਉਣਾ ਪਿਆ।

#WATCH: A crowd, which had gathered at a market place in Tikiapara of Howrah today - defying the lockdown, attacked Police personnel & pelted stones at them when they asked the crowd to return to their homes. 2 police personnel injured. #WestBengal (Video source: Amateur video) pic.twitter.com/EAZbm5wWlc

— ANI (@ANI) April 28, 2020

ਸਮਾਚਾਰ ਏਜੰਸੀ ਏ. ਐੱਨ. ਆਈ. ਨੇ ਵੀਡੀਓ ਜਾਰੀ ਕੀਤਾ ਹੈ, ਜਿਸ 'ਚ ਲੋਕਾਂ ਦੀ ਭੀੜ ਪੁਲਸ 'ਤੇ ਪੱਥਰਾਂ ਨਾਲ ਹਮਲਾ ਕਰ ਰਹੀ ਹੈ। ਏ. ਐੱਨ. ਆਈ. ਦੇ ਅਨੁਸਾਰ ਇਹ ਘਟਨਾ ਹਾਵੜਾ ਦੇ ਟਿਕਿਆਪਾਰਾ ਇਲਾਕੇ ਦੀ ਹੈ। ਹਾਲਾਤ ਖਰਾਬ ਦੇਖ ਪਸ਼ਾਸਨ ਨੇ ਰੈਪਿਡ ਐਕਸ਼ਨ ਫੋਰਸ ਨੂੰ ਮੌਕੇ 'ਤੇ ਭੇਜਿਆ।