ਵਿਜੇ ਮਾਲਿਆ ਦਾ ਕੇਂਦਰ ਅਤੇ ਬੈਂਕਾਂ 'ਤੇ ਸਵਾਲ, “ਕਿੰਨਾ ਪੈਸਾ ਵਸੂਲ ਹੋਇਆ, ਸੱਚ ਕਿਉਂ ਨਹੀਂ ਦੱਸਿਆ ਜਾ ਰਿਹਾ”

ਬਿਜਨੈੱਸ ਡੈਸਕ — ਕਿੰਗਫਿਸ਼ਰ ਏਅਰਲਾਈਨਜ਼ ਮਾਮਲੇ ਵਿਚ ਭਾਰਤ ਸਰਕਾਰ ਅਤੇ ਸਰਕਾਰੀ ਬੈਂਕਾਂ ਨਾਲ ਜੁੜੇ ਕਰਜ਼ੇ ਦੇ ਵਿਵਾਦ ’ਚ ਭਗੌੜਾ ਕਰਾਰ ਉਦਯੋਗਪਤੀ ਵਿਜੇ ਮਾਲਿਆ ਨੇ ਇੱਕ ਵਾਰ ਫਿਰ ਗੰਭੀਰ ਇਲਜ਼ਾਮ ਲਗਾਏ ਹਨ। ਮਾਲਿਆ ਨੇ ਸੋਸ਼ਲ ਮੀਡੀਆ ਪੋਸਟ ਵਿਚ ਕਿਹਾ ਹੈ ਕਿ ਸਰਕਾਰ ਅਤੇ ਪੀ.ਐਸ.ਯੂ. ਬੈਂਕ ਲੋਕਾਂ ਨੂੰ ਗੁੰਮਰਾਹ ਕਰ ਰਹੇ ਹਨ ਅਤੇ ਵਸੂਲੀ ਦੇ ਅੰਕੜਿਆਂ ਵਿੱਚ ਵੱਡਾ ਘਪਲਾ ਹੈ।

ਮਾਲਿਆ ਦੇ ਬਿਆਨ ਮੁਤਾਬਕ, ਵਿੱਤ ਮੰਤਰੀ ਨੇ ਸੰਸਦ ਨੂੰ ਦੱਸਿਆ ਕਿ ਉਸ ਤੋਂ 14,100 ਕਰੋੜ ਰੁਪਏ ਵਸੂਲ ਕੀਤੇ ਗਏ, ਜਦ ਕਿ ਬੈਂਕ ਦਾਅਵਾ ਕਰਦੇ ਹਨ ਕਿ ਉਹਨਾਂ ਨੇ 10,000 ਕਰੋੜ ਰੁਪਏ ਦੀ ਵਸੂਲੀ ਕੀਤੀ ਹੈ। ਮਾਲਿਆ ਨੇ ਸਵਾਲ ਖੜ੍ਹਾ ਕੀਤਾ ਕਿ ਇਹ 4,000 ਕਰੋੜ ਦੀ ਗਿਣਤੀ ਕਿੱਥੇ ਗਈ?

How long will the GOI and PSU Banks hoodwink me and the public. Finance Minister says to Parliament that Rs 14,100 crores recovered from me. Banks say Rs 10,000 crores recovered. What about the difference of Rs 4,000 crores ? Now, MOS tells Parliament that I still owe Rs 10,000…

— Vijay Mallya (@TheVijayMallya) December 1, 2025

ਇਸ ਤੋਂ ਇਲਾਵਾ, ਮਾਲਿਆ ਨੇ ਕਿਹਾ ਕਿ ਹੁਣ ਰਾਜ ਮੰਤਰੀ (MOS) ਸੰਸਦ ਨੂੰ ਦੱਸ ਰਹੇ ਹਨ ਕਿ ਮੇਰੇ 'ਤੇ ਅਜੇ ਵੀ 10,000 ਕਰੋੜ ਰੁਪਏ ਬਕਾਇਆ ਹਨ ਜਦੋਂ ਕਿ ਬੈਂਕਾਂ ਦਾਅਵਾ ਕਰਦੀਆਂ ਹਨ ਕਿ ਮੇਰੇ 'ਤੇ 7,000 ਕਰੋੜ ਰੁਪਏ ਬਕਾਇਆ ਹਨ।

ਉਸ ਨੇ ਦੋਸ਼ ਲਗਾਏ ਕਿ ਬਾਵਜੂਦ ਕਈ ਵਾਰ ਮੰਗ ਕਰਨ ਦੇ ਨਾ ਬੈਂਕ ਕੋਈ ਸਟੇਟਮੈਂਟ ਜਾਰੀ ਕਰ ਰਹੇ ਹਨ, ਨਾ ਹੀ ਵਾਪਸ ਮਿਲੇ ਪੈਸੇ ਦਾ ਸਹੀ ਹਿਸਾਬ ਦਿੰਦੇ ਹਨ।

ਮਾਲਿਆ ਨੇ ਆਪਣੇ ਅਗਲੇ ਬਿਆਨ 'ਚ ਕਿਹਾ ਕਿ, ਵਿੱਤ ਰਾਜ ਮੰਤਰੀ ਵੱਲੋਂ ਸੰਸਦ ਵਿੱਚ ਪੇਸ਼ ਕੀਤੇ ਗਏ ਬਿਆਨ ਦੇ ਅਨੁਸਾਰ, ਮੇਰੇ ਤੋਂ ਕੁੱਲ ਵਸੂਲੀ 15094.93 ਕਰੋੜ ਰੁਪਏ ਬਣਦੀ ਹੈ ਜੋ ਕਿ ਦਸੰਬਰ 2024 ਵਿੱਚ ਵਿੱਤ ਮੰਤਰੀ ਵੱਲੋਂ ਸੰਸਦ ਵਿੱਚ ਦੱਸੇ ਗਏ ਅੰਕੜੇ ਨਾਲੋਂ ਲਗਭਗ 1,000 ਕਰੋੜ ਰੁਪਏ ਵੱਧ ਹੈ। ਕੋਈ ਸਪੱਸ਼ਟੀਕਰਨ ਜਾਂ ਖਾਤੇ ਦਾ ਬਿਆਨ ਕਿਉਂ ਨਹੀਂ?

As per statement tabled in Parliament by the MOS Finance, total recoveries from me add up to Rs 15094.93 crores which is almost Rs 1,000 crores more than the figure stated by the Finance Minister in Parliament in December 2024. Why no explanation or statement of account ?

— Vijay Mallya (@TheVijayMallya) December 1, 2025

ਮਾਮਲੇ ਦੀ ਨਿਸ਼ਪੱਖ ਜਾਂਚ ਲਈ ਰਿਟਾਇਰਡ ਜੱਜ ਦੀ ਨਿਯੁਕਤੀ ਦੀ ਮੰਗ
ਵਿਜੇ ਮਾਲਿਆ ਦਾ ਕਹਿਣਾ ਹੈ ਕਿ ਇਹ ਸਾਰਾ ਮਾਮਲਾ ਪੂਰੀ ਤਰ੍ਹਾਂ ਧੁੰਦਲਾ ਹੋਇਆ ਪਿਆ ਹੈ ਅਤੇ ਸੱਚਾਈ ਸਾਹਮਣੇ ਲਿਆਉਣ ਲਈ ਇੱਕ ਰਿਟਾਇਰਡ ਜੱਜ ਦੀ ਅਗਵਾਈ ਹੇਠ ਨਿਸ਼ਪੱਖ ਜਾਂਚ ਕਰਵਾਈ ਜਾਣੀ ਚਾਹੀਦੀ ਹੈ।

ਮਾਲਿਆ ਦਾ ਦਾਅਵਾ ਹੈ ਕਿ ਉਸ ਖ਼ਿਲਾਫ਼ ਜੱਜਮੈਂਟ ਡੇਬਟ 6,203 ਕਰੋੜ ਰੁਪਏ ਸੀ, ਪਰ ਵਸੂਲੀ ਦੇ ਵੱਖਰੇ-ਵੱਖਰੇ ਅੰਕੜੇ ਦਿੱਤੇ ਜਾ ਰਹੇ ਹਨ ਜੋ ਭਰਮ ਪੈਦਾ ਕਰਦੇ ਹਨ। ਉਸ ਨੇ ਇਸਨੂੰ “ਖੁਦ ਨਾਲ ਸੰਬੰਧਤ ਮਾਮਲੇ ਵਿੱਚ ਬਹੁਤ ਹੀ ਦੁਖਦਾਈ ਹਾਲਤ” ਕਰਾਰ ਦਿੱਤਾ।