ਖਾਣੇ ਦੇ ਪੈਕੇਟ ਵੰਡ ਕੇ ਲੋੜਵੰਦ ਲੋਕਾਂ ਦੇ ਚਿਹਰੇ ''ਤੇ ਮੁਸਕਾਨ ਲਿਆ ਰਹੀਆਂ ਹਨ ਤੇਜ਼ਾਬ ਹਮਲੇ ਦੀਆਂ ਪੀੜਤਾਵਾਂ

ਆਗਰਾ- ਆਗਰਾ 'ਚ ਤੇਜ਼ਾਬ ਹਮਲੇ ਦੀਆਂ ਪੀੜਤਾਂ ਕੋਰੋਨਾ ਦੇ ਮਰੀਜ਼ਾਂ ਅਤੇ ਇਸ ਮਹਾਮਾਰੀ ਤੋਂ ਪ੍ਰਭਾਵਿਤ ਲੋੜਵੰਦ ਲੋਕਾਂ ਨੂੰ 2 ਜੂਨ ਦੀ ਰੋਟੀ ਮੁਹੱਈਆ ਕਰਵਾਉਣ ਦਾ ਮੁਹਿੰਮ ਚਲਾ ਰਹੀ ਹੈ। ਤੇਜ਼ਾਬ ਹਮਲੇ ਦੀਆਂ ਪੀੜਤਾਂ ਵਲੋਂ ਚਲਾਇਆ ਜਾ ਰਿਹਾ 'ਸ਼ੀਰੋਜ ਹੈਂਗਆਊਟ ਕੈਫੇ' ਅਤੇ 'ਛਾਂਵ' ਫਾਊਂਡੇਸ਼ਨ ਦੀ ਇਸ ਸੰਯੁਕਤ ਮੁਹਿੰਮ ਨੂੰ 'ਸਮਾਈਲ ਗੋਲ ਹੈ' ਦੇ ਅਧੀਨ ਚਲਾਇਆ ਜਾ ਰਿਹਾ ਹੈ, ਜਿਸ ਦਾ ਮਕਸਦ ਇਸ ਚੁਣੌਤੀਪੂਰਨ ਦੌਰ 'ਚ ਲੋਕਾਂ ਦੇ ਚਿਹਰੇ 'ਤੇ ਮੁਸਕਾਨ ਲਿਆਉਣਾ ਹੈ। 

ਸ਼ੀਰੋਜ ਹੈਂਗਆਊਟ ਕੈਫੇ ਦੇ ਸਹਿ-ਸੰਸਥਾਪਕ ਸ਼ਾਸ਼ੀ ਸ਼ੁਕਲਾ ਨੇ ਕਿਹਾ ਕਿ ਇਸ ਪਹਿਲ ਦਾ ਮਕਸਦ ਕੋਰੋਨਾ ਦੇ ਮਰੀਜ਼ਾਂ ਅਤੇ ਵਿੱਤੀ ਰੂਪ ਨਾਲ ਕਮਜ਼ੋਰ ਲੋਕਾਂ ਨੂੰ ਭੋਜਨ ਮੁਹੱਈਆ ਕਰਵਾਉਣਾ ਹੈ। ਉਨ੍ਹਾਂ ਕਿਹਾ,''ਅਸੀਂ 17 ਮਈ ਤੋਂ ਆਗਰਾ 'ਚ ਜ਼ਿਲ੍ਹਾ ਹਸਪਤਾਲ 'ਚ ਕੋਰੋਨਾ ਮਰੀਜ਼ਾਂ ਅਤੇ ਫੁੱਟਪਾਥ 'ਤੇ ਜਾਂ ਝੁੱਗੀਆਂ 'ਚ ਰਹਿ ਰਹੇ ਲੋਕਾਂ ਨੂੰ ਖਾਣ ਦੇ ਪੈਕੇਟ ਅਤੇ 'ਥਾਲੀ' ਵੰਡਣਾ ਸ਼ੁਰੂ ਕੀਤਾ।'' ਸ਼ੁਕਲਾ ਨੇ ਦੱਸਿਆ,''ਸ਼ੁਰੂਆਤ 'ਚ ਅਸੀਂ ਕੋਰੋਨਾ ਮਰੀਜ਼ਾਂ ਅਤੇ ਜ਼ਿਲ੍ਹਾ ਹਸਪਤਾਲ ਦੇ ਏਕਾਂਤਵਾਸ ਵਾਰਡ ਦੇ ਟੀਕਾਕਰਨ ਕਰਮੀਆਂ ਨੂੰ ਕਰੀਬ 40-50 'ਥਾਲੀਆਂ' ਵੰਡਦੇ ਸਨ ਪਰ ਇੰਨੀਂ ਦਿਨੀਂ ਮਰੀਜ਼ਾਂ ਦੀ ਗਿਣਤੀ ਬਹੁਤ ਘੱਟ ਹੈ ਤਾਂ ਉੱਥੇ ਕਰੀਬ 20 'ਥਾਲੀ' ਦੇ ਰਹੇ ਹਾਂ।''

ਉਨ੍ਹਾਂ ਕਿਹਾ,''ਅਸੀਂ ਖਾਣੇ ਦੇ 70-80 ਡੱਬੇ ਵੀ ਦੇ ਰਹੇ ਹਨ, ਜਿਨ੍ਹਾਂ 'ਚੋਂ ਸਬਜ਼ੀ, ਦਾਲ-ਚਾਵਲ, ਰੋਟੀ, ਰਾਇਤਾ ਅਤੇ ਸਲਾਦ ਹੁੰਦਾ ਹੈ।'' ਸ਼ੁਕਲਾ ਨੇ ਕਿਹਾ,''ਸ਼ੀਰੋਜ ਕੈਫ਼ੇ ਦੇ ਰਸੋਈ ਦੇ ਕਰਮੀ ਸਵੱਛਤਾ ਦਾ ਪੂਰਾ ਖਿਆਲ ਰੱਖਦੇ ਹੋਏ ਖਾਣਾ ਬਣਾਉਂਦੇ ਹਨ। ਅਸੀਂ ਸੈਨੇਟਾਈਜ਼ਰ, ਮਾਸਕ, ਦਸਤਾਨੇ ਦੀ ਵਰਤੋਂ ਕਰਦੇ ਹਨ ਅਤੇ ਰੋਜ਼ ਖਾਣੇ ਦੇ ਪੈਕੇਟ ਵੰਡਦੇ ਹਨ।'' ਕੈਫੇ 'ਚ ਕੰਮ ਕਰਨ ਵਾਲੀ ਤੇਜ਼ਾਬ ਹਮਲੇ ਦੀ ਪੀੜਤਾ ਰੂਪਾ ਨੇ ਆਪਣਾ ਅਨੁਭਵ ਸਾਂਝਾ ਕਰਦੇ ਹੋਏ ਕਿਹਾ,''ਇਸ ਕੰਮ ਨਾਲ ਮੈਨੂੰ ਅਤੇ ਮੇਰੀ ਟੀਮ ਨੂੰ ਖੁਸ਼ੀ ਮਿਲਦੀ ਹੈ, ਕਿਉਂਕਿ ਅਸੀਂ ਇਸ ਮਹਾਮਾਰੀ ਦੌਰਾਨ ਲੋੜਵੰਦ ਲੋਕਾਂ ਦੇ ਚਿਹਰੇ 'ਤੇ ਮੁਸਕੁਰਾਹਟ ਲਿਆ ਪਾਉਂਦੇ ਹਨ।'' 

ਸ਼ੁਕਲਾ ਨੇ ਕਿਹਾ,''ਅਸੀਂ ਕੋਰੋਨਾ ਤੋਂ ਬਾਅਦ ਵੀ ਇਹ ਕੰਮ ਕਰਦੇ ਰਹਾਂਗੇ, ਕਿਉਂਕਿ ਅਸੀਂ ਜਾਣਦੇ ਹਾਂ ਕਿ ਬੇਘਰ ਲੋਕਾਂ ਲਈ ਬਿਨਾਂ ਖਆਣੇ ਦੇ ਰਹਿਣਾ ਕਿੰਨਾ ਮੁਸ਼ਕਲ ਹੈ। ਅਸੀਂ ਆਪਣੀਆਂ ਸਮਰੱਥਾਵਾਂ ਅਨੁਸਾਰ ਖਾਣੇ ਦੇ ਪੈਕੇਟ ਵੰਡਦੇ ਰਹਿਣਗੇ।'' ਸ਼ੀਰੋਜ ਕੈਫੇ ਦੇ ਬੁਲਾਰੇ ਅਜੇ ਤੋਮਰ ਨੇ ਕਿਹਾ ਕਿ ਲੋਕ ਉਨ੍ਹਾਂ ਦੀ ਪਹਿਲ 'ਚ ਸ਼ਾਮਲ ਹੋ ਸਕਦੇ ਹਨ। ਤੋਮਰ ਵੀ ਖਾਣੇ ਦੇ ਡੱਬਿਆਂ ਨੂੰ ਪੈਕ ਕਰਨ ਅਤੇ ਉਨ੍ਹਾਂ ਨੂੰ ਮਰੀਜ਼ਾਂ ਨੂੰ ਦੇਣ 'ਚ ਹੱਥ ਵੰਡਦੇ ਹਨ। ਉਨ੍ਹਾਂ ਕਿਹਾ ਕਿ ਲੋਕ ਰਾਸ਼ਨ ਅਤੇ ਖਾਣਾ ਬਣਾਉਣ ਲਈ ਜ਼ਰੂਰੀ ਸਾਮਾਨ ਦੇ ਕੇ ਇਸ ਮੁਹਿੰਮ 'ਚ ਮਦਦ ਕਰ ਸਕਦੇ ਹਨ।