14 ਜਨਵਰੀ 2027 ਤੋਂ ਸ਼ੁਰੂ ਹੋਵੇਗਾ ਅਰਧ ਕੁੰਭ, 10 ਮੁੱਖ ਇਸ਼ਨਾਨਾਂ ਲਈ ਤਰੀਕਾਂ ਤੈਅ

ਹਰਿਦੁਆਰ- ਉਤਰਾਖੰਡ ’ਚ ਆਯੋਜਿਤ ਹੋਣ ਵਾਲੇ 2027 ਦੇ ਅਰਧ ਕੁੰਭ ਦੀਆਂ ਤਰੀਕਾਂ ਨੂੰ ਅੰਤਿਮ ਰੂਪ ਦੇ ਦਿੱਤਾ ਗਿਆ ਹੈ। ਹਰਿਦੁਆਰ ’ਚ ਇਹ ਸ਼ਾਨਦਾਰ ਸਮਾਗਮ ਉਸ ਸਾਲ 14 ਜਨਵਰੀ ਨੂੰ ਸ਼ੁਰੂ ਹੋਵੇਗਾ ਤੇ 20 ਅਪ੍ਰੈਲ ਨੂੰ ਖਤਮ ਹੋਵੇਗਾ। ਇਸ 97 ਦਿਨਾਂ ਦੇ ਸਮਾਗਮ ’ਚ 4 ਸ਼ਾਹੀ ਇਸ਼ਨਾਨ ਤੇ 10 ਵੱਡੇ ਇਸ਼ਨਾਨ ਸ਼ਾਮਲ ਹਨ। ਉੱਤਰਾਖੰਡ ਦੇ ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਗੰਗਾ ਦੇ ਕੰਢੇ ਸਥਿਤ ਸੰਤਾਂ ਦੇ ਸਾਰੇ 13 ਅਖਾੜਿਆਂ ਦੇ ਪ੍ਰਤੀਨਿਧੀਆਂ ਨਾਲ ਮੁਲਾਕਾਤ ਤੋਂ ਬਾਅਦ ਸ਼ੁੱਕਰਵਾਰ ਇਹ ਐਲਾਨ ਕੀਤਾ। ਉਨ੍ਹਾਂ ਸਾਰੇ ਮਹੰਤਾਂ ਤੇ ਸੰਤਾਂ ਦਾ ਸਨਮਾਨ ਵੀ ਕੀਤਾ।

ਸੰਤਾਂ ਨੇ ਮੁੱਖ ਮੰਤਰੀ ਦੇ ਫੈਸਲੇ ਦੀ ਸ਼ਲਾਘਾ ਕੀਤੀ, ਇਸ ਨੂੰ ਸੱਭਿਆਚਾਰ ਨੂੰ ਸੁਰੱਖਿਅਤ ਰੱਖਣ ਲਈ ਚੁੱਕਿਆ ਕਦਮ ਦੱਸਿਆ ਤੇ ਆਪਣਾ ਆਸ਼ੀਰਵਾਦ ਦਿੱਤਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਉੱਤਰਾਖੰਡ ਨੂੰ ਅਧਿਆਤਮਿਕ ਰਾਜਧਾਨੀ ਵਜੋਂ ਸਥਾਪਿਤ ਕਰਨ ਦੇ ਸੱਦੇ ਦਾ ਹਵਾਲਾ ਦਿੰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਇਸ ਸੰਕਲਪ ਨੂੰ ਅੱਗੇ ਵਧਾਉਂਦੇ ਹੋਏ ਸੂਬਾ ਸਰਕਾਰ 2027 ਦੇ ਹਰਿਦੁਆਰ ਅਰਧ ਕੁੰਭ ਨੂੰ ਪੂਰਨ ਕੁੰਭ ਵਾਂਗ ਇਕ ਵਿਸ਼ਾਲ ਧਾਰਮਿਕ ਸਮਾਗਮ ਬਣਾਉਣ ਦੀ ਤਿਆਰੀ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ 2021 ਦਾ ਕੁੰਭ ਕੋਵਿਡ-19 ਮਹਾਮਾਰੀ ਕਾਰਨ ਥੋੜ੍ਹੇ ਸਮੇਂ ਲਈ ਆਯੋਜਿਤ ਕੀਤਾ ਗਿਆ ਸੀ ਤੇ ਸ਼ਾਹੀ ਇਸ਼ਨਾਨ ਵੀ ਪ੍ਰਤੀਕਾਤਮਕ ਤੌਰ ’ਤੇ ਕੀਤਾ ਗਿਆ ਸੀ। 2027 ਦਾ ਹਰਿਦੁਆਰ ਅਰਧ ਕੁੰਭ ਕਈ ਪੱਖਾਂ ਤੋਂ ਇਤਿਹਾਸਕ ਤੇ ਵਿਸ਼ੇਸ਼ ਅਹਿਮੀਅਤ ਵਾਲਾ ਹੋਵੇਗਾ।

ਅਰਧ ਕੁੰਭ 2027 ਦੇ ਇਸ਼ਨਾਨ ਦੀਆਂ ਤਰੀਕਾਂ

14 ਜਨਵਰੀ

6 ਫਰਵਰੀ : ਮੌਨੀ ਮੱਸਿਆ

11 ਫਰਵਰੀ : ਬਸੰਤ ਪੰਚਮੀ

20 ਫਰਵਰੀ : ਮਾਘ ਦੀ ਪੂਰਨਮਾਸ਼ੀ

6 ਮਾਰਚ : ਮਹਾਸ਼ਿਵਰਾਤਰੀ ਦਾ ਅੰਮ੍ਰਿਤ ਇਸ਼ਨਾਨ

8 ਮਾਰਚ : ਫੱਗਣ ਦੀ ਮੱਸਿਆ ਦਾ ਅੰਮ੍ਰਿਤ ਇਸ਼ਨਾਨ

7 ਅਪ੍ਰੈਲ : ਨਵ ਸੰਵਤਸਰ

14 ਅਪ੍ਰੈਲ : ਪੋਹ ਦੀ ਸੰਗਰਾਂਦ ਦਾ ਅੰਮ੍ਰਿਤ ਇਸ਼ਨਾਨ

15 ਅਪ੍ਰੈਲ : ਰਾਮ ਨੌਮੀ

20 ਅਪ੍ਰੈਲ : ਚੈਤ ਦੀ ਪੂਰਨਮਾਸ਼ੀ ਦਾ ਅੰਮ੍ਰਿਤ ਇਸ਼ਨਾਨ