ਜੁੜਵਾ ਭਰਾਵਾਂ ਨੇ JEE Main ਟਾਪ ਕਰ ਹਰਿਆਣਾ ਦਾ ਨਾਂ ਕੀਤਾ ਰੌਸ਼ਨ,ਆਰੁਸ਼ ਬਣਨਾ ਚਾਹੁੰਦੈ IIT 'ਚ ਗਣਿਤ ਦਾ ਪ੍ਰੋਫੈਸਰ

ਨੈਸ਼ਨਲ ਡੈਸਕ : ਕਵੀ ਹਰੀਵੰਸ਼ ਰਾਏ ਬੱਚਨ ਦੀ ਕਵਿਤਾ ਦੀਆਂ ਇਹ ਲਾਈਨ 'ਕੋਸ਼ਿਸ਼ ਕਰਨ ਵਾਲਿਆਂ ਦੀ ਕਦੇ ਹਾਰ ਨਹੀਂ ਹੁੰਦੀ' ਗੁਰੂਗ੍ਰਾਮ ਦੇ ਜੁੜਵਾਂ ਭਰਾਵਾਂ ਆਰਵ ਭੱਟ ਅਤੇ ਆਰੁਸ਼ ਭੱਟ 'ਤੇ ਪੂਰੀ ਤਰ੍ਹਾਂ ਫਿੱਟ ਬੈਠਦੀ ਹੈ। ਇਹ ਦੋਵੇਂ ਭਰਾ ਨਾ ਸਿਰਫ਼ ਦਿੱਖ ਵਿੱਚ ਇੱਕੋ ਜਿਹੇ ਹਨ, ਸਗੋਂ ਦੋਵੇਂ ਪੜ੍ਹਨ ਵਿੱਚ ਵੀ ਬਹੁਤ ਤੇਜ਼ ਹਨ। ਗੁਰੂਗ੍ਰਾਮ ਦੇ ਸੈਕਟਰ-69 ਟਿਊਲਿਪ ਵ੍ਹਾਈਟ ਸੋਸਾਇਟੀ ਵਿਚ ਰਹਿਣ ਵਾਲੇ ਇਨ੍ਹਾਂ ਭਰਾਵਾਂ ਨੇ ਜੇਈਈ ਮੇਨ ਵਰਗੀਆਂ tough engineering entrance ਪ੍ਰੀਖਿਆਵਾਂ ਵਿਚ ਟਾਪ ਕੀਤਾ ਹੈ। ਉਨ੍ਹਾਂ ਦੀ ਇਸ ਕਾਮਯਾਬੀ ਤੋਂ ਪਰਿਵਾਰਕ ਮੈਂਬਰ ਖੁਸ਼ੀ ਵਿਚ ਹਨ। ਇਸ ਪ੍ਰੀਖਿਆ ਵਿੱਚ 12 ਲੱਖ ਤੋਂ ਵੱਧ ਉਮੀਦਵਾਰ ਹਿੱਸਾ ਲੈਂਦੇ ਹਨ। ਇਸ ਵਿੱਚੋਂ ਆਰਵ ਨੇ 100% ਅੰਕ ਪ੍ਰਾਪਤ ਕੀਤੇ ਹਨ ਅਤੇ ਉਹ ਦੇਸ਼ ਦੇ ਉਨ੍ਹਾਂ 23 ਉਮੀਦਵਾਰਾਂ ਵਿੱਚੋਂ ਇੱਕ ਹੈ, ਜਿਨ੍ਹਾਂ ਨੇ ਇਹ ਮੁਕਾਮ ਹਾਸਲ ਕੀਤਾ ਹੈ।

ਇਹ ਵੀ ਪੜ੍ਹੋ - Paytm ਦਾ FASTag ਇਸਤੇਮਾਲ ਕਰਨ ਵਾਲੇ ਸਾਵਧਾਨ! ਦੇਣਾ ਪੈ ਸਕਦੈ ਦੁੱਗਣਾ ਟੋਲ

ਦੂਜੇ ਭਰਾ ਨੇ ਵੀ ਕਮਾਲ ਕਰ ਦਿੱਤੀ
ਆਰਵ ਦੇ ਜੁੜਵਾ ਭਰਾ ਆਰੁਸ਼ ਨੇ ਵੀ ਇਸ ਪ੍ਰੀਖਿਆ ਵਿੱਚ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਉਸ ਨੇ 99.65 ਫ਼ੀਸਦੀ ਅੰਕ ਹਾਸਲ ਕੀਤੇ ਹਨ। ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਨੂੰ ਜਦੋਂ ਇਸ ਖ਼ਬਰ ਬਾਰੇ ਪਤਾ ਲੱਗਾ ਤਾਂ ਉਦੋਂ ਤੋਂ ਘਰ ਵਿੱਚ ਖੁਸ਼ੀ ਦਾ ਮਾਹੌਲ ਹੈ। ਹੁਣ ਦੋਵੇਂ ਐਡਵਾਂਸ ਪ੍ਰੀਖਿਆ ਦੀ ਤਿਆਰੀ ਕਰ ਰਹੇ ਹਨ। ਇਸ ਪ੍ਰੀਖਿਆ ਦੀ ਤਿਆਰੀ ਲਈ ਉਹਨਾਂ ਨੇ ਬਹੁਤ ਮਿਹਨਤ ਕੀਤੀ ਸੀ।

ਇਹ ਵੀ ਪੜ੍ਹੋ - ਲੋਕਾਂ ਲਈ ਵੱਡੀ ਖ਼ਬਰ: ਭਾਰਤ 'ਚ ਬੰਦ ਹੋ ਰਿਹੈ FasTag, ਹੁਣ ਇੰਝ ਵਸੂਲਿਆ ਜਾਵੇਗਾ ਟੋਲ ਟੈਕਸ

ਮੋਬਾਈਲ ਅਤੇ ਖੇਡਾਂ ਤੋਂ ਦੂਰੀ ਬਣਾ ਲਈ ਸੀ
ਆਰਵ-ਆਰੁਸ਼ ਦੇ ਪਿਤਾ ਖੁਦ ਇਲੈਕਟ੍ਰੀਕਲ ਇੰਜੀਨੀਅਰ ਹਨ ਅਤੇ ਮਾਂ ਨੇ ਐੱਮਐੱਸਸੀ ਮੈਥਸ ਕੀਤੀ ਹੈ। ਉਹਨਾਂ ਦੀ ਮਾਂ ਨੇ ਹੀ ਉਹਨਾਂ ਨੂੰ ਗਣਿਤ ਸਿਖਾਇਆ ਸੀ। ਇਸ ਕਾਰਨ ਦੋਵੇਂ ਭਰਾ ਗਣਿਤ ਅਤੇ ਵਿਗਿਆਨ ਵਿੱਚ ਚੰਗੇ ਸਨ, ਜਿਸ ਕਰਕੇ ਉਨ੍ਹਾਂ ਨੇ ਇੰਜੀਨੀਅਰ ਬਣਨ ਬਾਰੇ ਸੋਚਿਆ। ਦੇਰ ਰਾਤ ਤੱਕ ਪੜ੍ਹਾਈ ਕਰਨ, ਮਾਪਿਆਂ ਅਤੇ ਅਧਿਆਪਕਾਂ ਦੇ ਮਾਰਗਦਰਸ਼ਨ ਕਾਰਨ ਅੱਜ ਉਹ ਦੇਸ਼ ਦੇ ਟਾਪ 23 ਟੌਪਰਾਂ ਵਿੱਚੋਂ ਇੱਕ ਹੈ। ਆਰਵ ਨੇ ਦੱਸਿਆ ਕਿ ਜਦੋਂ ਉਹ 9ਵੀਂ ਕਲਾਸ ਵਿੱਚ ਸੀ ਤਾਂ ਲਾਕਡਾਊਨ ਸੀ। ਉਸ ਸਮੇਂ ਜਿੱਥੇ ਲੋਕ ਮੋਬਾਈਲ 'ਤੇ ਵੀ ਸਮਾਂ ਗੁਜ਼ਾਰ ਰਹੇ ਸਨ, ਉੱਥੇ ਹੀ ਦੋਵਾਂ ਨੇ ਮੋਬਾਈਲ ਗੇਮਾਂ ਤੋਂ ਦੂਰੀ ਬਣਾ ਲਈ ਸੀ ਅਤੇ ਇਸ ਦਾ ਅੱਜ ਉਨ੍ਹਾਂ ਨੂੰ ਫ਼ਾਇਦਾ ਹੋਇਆ ਹੈ।

ਇਹ ਵੀ ਪੜ੍ਹੋ - ਬਿਨਾਂ ਹੈਲਮੇਟ ਦੇ ਬਾਈਕ ਸਵਾਰ ਰੋਕਣਾ ਪਿਆ ਭਾਰੀ, ਗੁੱਸੇ ’ਚ ਆਏ ਨੇ ਦੰਦੀਆਂ ਵੱਢ ਖਾ ਲਿਆ ਮੁਲਾਜ਼ਮ (ਵੀਡੀਓ)

IIT 'ਚ ਗਣਿਤ ਦਾ ਪ੍ਰੋਫੈਸਰ ਬਣਨਾ ਚਾਹੁੰਦਾ ਆਰੁਸ਼
ਆਰੁਸ਼ ਦਾ ਸੁਫ਼ਨਾ ਆਈਆਈਟੀ ਵਿੱਚ ਗਣਿਤ ਦਾ ਪ੍ਰੋਫੈਸਰ ਬਣਨ ਦਾ ਸੀ। ਉਹ ਆਈਆਈਟੀ ਵਿੱਚ ਮੈਥ ਦਾ ਪ੍ਰੋਫੈਸਰ ਬਣ ਕੇ ਦੇਸ਼ ਦੀ ਸਿੱਖਿਆ ਪ੍ਰਣਾਲੀ ਵਿੱਚ ਸੁਧਾਰ ਕਰਨਾ ਚਾਹੁੰਦਾ ਹੈ। ਇਮਤਿਹਾਨ ਦੀ ਤਿਆਰੀ ਦੌਰਾਨ ਉਸ ਨੇ ਸੋਸ਼ਲ ਮੀਡੀਆ ਅਤੇ ਮੋਬਾਈਲ ਤੋਂ ਦੂਰੀ ਬਣਾ ਕੇ ਰੱਖੀ ਹੋਈ ਸੀ। ਫਿਲਹਾਲ ਦੋਵੇਂ ਭਰਾ ਅਗਾਊਂ ਤਿਆਰੀਆਂ 'ਚ ਰੁੱਝੇ ਹੋਏ ਹਨ। ਇਹ ਦੋਵੇਂ ਭਰਾ ਅੱਜ ਦੇ ਨੌਜਵਾਨਾਂ ਲਈ ਪ੍ਰੇਰਨਾ ਸਰੋਤ ਹਨ।

ਇਹ ਵੀ ਪੜ੍ਹੋ - ਸਨਕੀ ਪਤੀ ਨੇ ਬੇਰਹਿਮੀ ਨਾਲ ਮੌਤ ਦੇ ਘਾਟ ਉਤਾਰੀ ਪਤਨੀ, ਬੋਰਵੈੱਲ 'ਚੋਂ ਕਈ ਟੁੱਕੜਿਆਂ ਵਿਚ ਮਿਲੀ ਲਾਸ਼

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8