''''6 ਮਹੀਨੇ ਵੀ ਨਹੀਂ ਚੱਲੇਗੀ ਵਿਜੇ ਦੀ ਸਰਕਾਰ..!'''' DMK ਵਿਧਾਇਕ ਨੇ ਕੀਤੀ ਵੱਡੀ ਭਵਿੱਖਬਾਣੀ

ਨੈਸ਼ਨਲ ਡੈਸਕ- ਤਾਮਿਲਨਾਡੂ 'ਚ ਹਾਲ ਹੀ 'ਚ ਹੋਈਆਂ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਸੂਬੇ ਦੀ ਸਿਆਸਤ ਨਿੱਤ ਨਵਾਂ ਰੰਗ ਦਿਖਾ ਰਹੀ ਹੈ। ਇਸੇ ਦੌਰਾਨ ਡੀ.ਐੱਮ.ਕੇ. ਦੇ ਸੀਨੀਅਰ ਆਗੂ ਅਤੇ ਤਿਰੂਚੇਂਦੂਰ ਤੋਂ ਵਿਧਾਇਕ ਅਨੀਥਾ ਰਾਧਾਕ੍ਰਿਸ਼ਨਨ ਨੇ ਸੂਬੇ ਦੇ ਨਵੇਂ ਮੁਖ ਮੰਤਰੀ ਅਤੇ ਸੁਪਰਸਟਾਰ ਜੋਸਫ਼ ਵਿਜੇ ਦੀ ਅਗਵਾਈ ਵਾਲੀ 'ਟੀ.ਵੀ.ਕੇ.' (TVK) ਸਰਕਾਰ 'ਤੇ ਤਿੱਖਾ ਹਮਲਾ ਕੀਤਾ ਹੈ। ਉਨ੍ਹਾਂ ਦਾਅਵਾ ਕੀਤਾ ਹੈ ਕਿ ਵਿਜੇ ਦੀ ਇਹ ਸਰਕਾਰ 6 ਮਹੀਨੇ ਵੀ ਨਹੀਂ ਚੱਲ ਸਕੇਗੀ।

ਇੱਕ ਪਾਰਟੀ ਪ੍ਰੋਗਰਾਮ ਦੌਰਾਨ ਰਾਧਾਕ੍ਰਿਸ਼ਨਨ ਨੇ ਕਿਹਾ ਕਿ ਇਹ ਨਵੀਂ ਸਰਕਾਰ ਸਿਰਫ਼ 4 ਤੋਂ 6 ਮਹੀਨੇ ਹੀ ਟਿਕ ਸਕੇਗੀ। ਉਨ੍ਹਾਂ ਦਾਅਵਾ ਕੀਤਾ ਕਿ ਸਾਬਕਾ ਮੁੱਖ ਮੰਤਰੀ ਅਤੇ ਡੀ.ਐੱਮ.ਕੇ. ਮੁਖੀ ਐੱਮ.ਕੇ. ਸਟਾਲਿਨ ਜਲਦੀ ਹੀ ਦੁਬਾਰਾ ਸੂਬੇ ਦੇ ਮੁੱਖ ਮੰਤਰੀ ਵਜੋਂ ਵਾਪਸੀ ਕਰਨਗੇ।

ਇਹ ਵੀ ਪੜ੍ਹੋ- 'ਕੂਲਰ' ਨੇ ਨਿਗਲ਼ੀਆਂ ਪਰਿਵਾਰ ਦੀਆਂ ਖੁਸ਼ੀਆਂ ! ਰਾਤੀਂ ਪੁੱਤ ਨੇ ਲਿਆ ਜਨਮ, ਸਵੇਰੇ ਪਿਓ ਨੂੰ ਲੈ ਗਿਆ 'ਕਾਲ'

ਰਾਧਾਕ੍ਰਿਸ਼ਨਨ ਨੇ ਸੱਤਾਧਾਰੀ ਪਾਰਟੀ (TVK) ਦੇ ਸੀਨੀਅਰ ਆਗੂ ਆਧਵ ਅਰਜੁਨ ਨੂੰ ਖੁੱਲ੍ਹੀ ਚੁਣੌਤੀ ਦਿੰਦੇ ਹੋਏ ਕਿਹਾ, "ਜੇਕਰ ਹਿੰਮਤ ਹੈ ਤਾਂ ਆਪਣੀ ਵਿਧਾਇਕ ਦੀ ਸੀਟ ਤੋਂ ਅਸਤੀਫ਼ਾ ਦਿਓ, ਮੈਂ ਵੀ ਦਿੰਦਾ ਹਾਂ। ਆਓ ਤਿਰੂਚੇਂਦੂਰ ਸੀਟ 'ਤੇ ਆਹਮੋ-ਸਾਹਮਣੇ ਚੋਣ ਲੜੀਏ, ਫੇਰ ਦੇਖਾਂਗੇ ਕਿ ਕੌਣ ਜਿੱਤਦਾ ਹੈ।" ਦੱਸ ਦੇਈਏ ਕਿ ਤਿਰੂਚੇਂਦੂਰ ਸੀਟ ਪਿਛਲੇ 25 ਸਾਲਾਂ ਤੋਂ ਰਾਧਾਕ੍ਰਿਸ਼ਨਨ ਦਾ ਗੜ੍ਹ ਰਹੀ ਹੈ।

ਜ਼ਿਕਰਯੋਗ ਹੈ ਕਿ ਹਾਲ ਚੋਣਾਂ 'ਚ ਐੱਮ.ਕੇ. ਸਟਾਲਿਨ ਆਪਣੀ ਰਵਾਇਤੀ ਸੀਟ 'ਕੋਲਾਥੁਰ' ਤੋਂ ਚੋਣ ਹਾਰ ਗਏ ਸਨ। ਉਨ੍ਹਾਂ ਨੂੰ ਡੀ.ਐੱਮ.ਕੇ. ਦੇ ਹੀ ਇੱਕ ਬਾਗ਼ੀ ਆਗੂ ਵੀ.ਐੱਸ. ਬਾਬੂ ਨੇ ਹਰਾਇਆ ਸੀ ਜੋ ਵਿਜੇ ਦੀ ਪਾਰਟੀ TVK ਵਿੱਚ ਸ਼ਾਮਲ ਹੋ ਗਏ ਸਨ। ਰਾਧਾਕ੍ਰਿਸ਼ਨਨ ਨੇ ਸਟਾਲਿਨ ਦਾ ਬਚਾਅ ਕਰਦਿਆਂ ਕਿਹਾ ਕਿ ਸਟਾਲਿਨ ਨੇ ਕੋਲਾਥੁਰ ਨੂੰ ਸਿੰਗਾਪੁਰ ਵਰਗਾ ਬਣਾ ਦਿੱਤਾ ਸੀ, ਪਰ ਉੱਥੋਂ ਦੇ ਵੋਟਰਾਂ ਨੇ ਗਲਤੀ ਕੀਤੀ।

ਸਰਕਾਰ ਬਣਨ ਤੋਂ ਬਾਅਦ ਹੀ ਡੀ.ਐੱਮ.ਕੇ. ਲਗਾਤਾਰ ਵਿਜੇ ਸਰਕਾਰ ਦੇ ਪ੍ਰਸ਼ਾਸਨਿਕ ਫੈਸਲਿਆਂ ਅਤੇ ਨਿਯੁਕਤੀਆਂ 'ਤੇ ਸਵਾਲ ਚੁੱਕ ਰਹੀ ਹੈ। ਦੂਜੇ ਪਾਸੇ, ਸੱਤਾਧਾਰੀ ਪਾਰਟੀ TVK ਨੇ ਵਿਰੋਧੀ ਧਿਰ ਦੇ ਇਨ੍ਹਾਂ ਦਾਅਵਿਆਂ ਨੂੰ ਖਾਰਜ ਕਰਦਿਆਂ ਕਿਹਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਪੂਰੀ ਤਰ੍ਹਾਂ ਸਥਿਰ ਹੈ ਅਤੇ ਲੋਕ ਹਿਤ ਵਿੱਚ ਕੰਮ ਕਰ ਰਹੀ ਹੈ। ਫਿਲਹਾਲ ਡੀ.ਐੱਮ.ਕੇ. ਆਗੂ ਦੇ ਇਸ ਤਾਜ਼ਾ ਬਿਆਨ 'ਤੇ ਮੁੱਖ ਮੰਤਰੀ ਵਿਜੇ ਦੇ ਦਫ਼ਤਰ ਵੱਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।

ਇਹ ਵੀ ਪੜ੍ਹੋ- ਮੁੜ ਲੱਗ ਸਕਦੈ Lockdown ! WHO ਨੇ ਐਲਾਨੀ Global Emergency

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e