ਚੀਨ ਕਾਰਨ ਭਾਰਤ-ਪਾਕਿਸਤਾਨ ਵਪਾਰ ''ਤੇ ਸ਼ੱਕ ਦੇ ਬੱਦਲ

ਕੋਲਕਾਤਾ— ਪਾਕਿਸਤਾਨ ਦੇ ਡਿਪਲੋਮੈਟ ਪ੍ਰੋ. ਐੱਸ.ਅਕਬਰ ਜੈਦੀ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਪਾਕਿਸਤਾਨ 'ਚ ਚੀਨੀ ਨਿਵੇਸ਼ 'ਤੇ ਵਧਦੀ ਨਿਰਭਰਤਾ ਨਾਲ ਭਾਰਤ ਤੇ ਪਾਕਿਸਤਾਨ ਵਪਾਰਿਕ ਸੰਭਾਵਨਾਵਾਂ 'ਤੇ ਸ਼ੱਕ ਦੇ ਬੱਦਲ ਛਾਅ ਰਹੇ ਹਨ। 
ਜੈਦੀ ਨੇ ਬੰਗਾਲ ਚੈਂਬਰ 'ਚ ਆਪਣੇ ਭਾਸ਼ਣ ਦੌਰਾਨ ਅਲੱਗ ਕੀਤੀ ਗੱਲਬਾਤ 'ਚ ਕਿਹਾ, ''ਫਿਲਹਾਲ ਅਧਿਕਾਰਿਕ ਦੋ-ਪੱਖੀ ਵਪਾਰ ਕਰੀਬ 2.1 ਅਰਬ ਡਾਲਰ ਤੇ ਰੁਕਿਆ ਹੋਇਆ ਹੈ। ਅਜਿਹੇ 'ਚ ਪਾਕਿਸਤਾਨ ਸੋਚ ਰਿਹਾ ਹੈ ਕਿ ਚੀਨ ਉਸ ਦਾ ਸਭ ਤੋਂ ਚੰਗਾ ਦੋਸਤ ਹੈ ਤਾਂ ਮੈਨੂੰ ਇਹ (ਭਾਰਤ ਦੇ ਨਾਲ) ਦੋ-ਪੱਖੀ ਵਪਾਰ ਅਗਲੇ ਪੰਜ ਸਾਲ 'ਚ ਪੂਰਾ ਹੁੰਦਾ ਨਜ਼ਰ ਨਹੀਂ ਆਉਂਦਾ।'' ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਭਾਰਤ ਤੇ ਪਾਕਿਸਤਾਨ ਦੇ ਵਿਚਕਾਰ 10 ਅਰਬ ਡਾਲਰ ਦੇ ਦੋ-ਪੱਖੀ ਵਪਾਰ ਦੀ ਸੰਭਾਵਨਾ ਹੈ। ਉਨ੍ਹਾਂ ਨੇ ਸੰਕੇਤ ਦਿੱਤਾ ਹੈ ਕਿ ਪਿਛਲੇ ਕੁਝ ਸਾਲਾਂ 'ਚ ਅਮਰੀਕਾ ਵਲੋਂ ਸਹਾਇਤਾ 'ਚ ਕਟੌਤੀ ਕਰਨ ਤੇ ਚੀਨ ਦੇ ਪਾਕਿਸਤਾਨ 'ਚ ਨਿਵੇਸ਼ ਯੋਜਨਾ 'ਤੇ ਅੱਗੇ ਵਧਣ 'ਤੇ ਉਨ੍ਹਾਂ ਦਾ ਦੇਸ਼ ਚੀਨ ਦੇ ਕਰੀਬ ਆ ਰਿਹਾ ਹੈ। 
ਜੈਦੀ ਨੇ ਕਿਹਾ ਕਿ ਭਾਰਤ ਦੇ ਨਾਲ ਪਾਕਿਸਤਾਨ ਦਾ ਅਧਿਕਾਰਿਕ ਦੋ-ਪੱਖੀ ਵਪਾਰ 2.1 ਅਰਬ ਡਾਲਰ ਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਆਸ਼ਾ ਹੈ ਕਿ ਪਾਕਿਸਤਾਨ ਨੂੰ ਬੁਨਿਆਦੀ ਢਾਂਚੇ 'ਚ ਚੀਨ ਤੋਂ 56 ਅਰਬ ਡਾਲਰ ਦੇ ਨਿਵੇਸ਼ ਨਾਲ ਫਾਇਦਾ ਹੋਵੇਗਾ ਪਰ ਚੀਨ ਪਾਕਿਸਤਾਨ ਆਰਥਿਕ ਗਲਿਆਰੇ ਦੀ ਆੜ 'ਚ ਉਸ ਦੇ ਸਾਹਮਣੇ ਕਰਜ਼ੇ 'ਚ ਫਸ ਸਕਦਾ ਹੈ।