Cold Drink ਨਾਲ ਲੱਦਿਆ ਟਰੱਕ ਸੜਕ ਵਿਚਾਲੇ ਪਲਟਿਆ, ਕੱਲੀ-ਕੱਲੀ ਬੋਤਲ ਲੁੱਟ ਲੈ ਗਏ ਲੋਕ

ਨੈਸ਼ਨਲ ਡੈਸਕ- ਸੋਸ਼ਲ ਮੀਡੀਆ 'ਤੇ ਇਸ ਸਮੇਂ ਇਕ ਬਹੁਤ ਹੀ ਹੈਰਾਨ ਕਰਨ ਵਾਲੀ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਨੇ ਮਨੁੱਖਤਾ 'ਤੇ ਕਈ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਆਂਧਰਾ ਪ੍ਰਦੇਸ਼ ਦੇ ਨੇਲੋਰ ਜ਼ਿਲ੍ਹੇ 'ਚ ਇਕ ਹਾਈਵੇਅ 'ਤੇ ਕੋਲਡ ਡਰਿੰਕਸ ਨਾਲ ਭਰਿਆ ਇਕ ਟਰੱਕ ਪਲਟ ਗਿਆ, ਪਰ ਲੋਕਾਂ ਨੇ ਜ਼ਖਮੀ ਡਰਾਈਵਰ ਦੀ ਮਦਦ ਕਰਨ ਦੀ ਬਜਾਏ ਕੋਲਡ ਡਰਿੰਕਸ ਦੀਆਂ ਬੋਤਲਾਂ ਲੁੱਟਣ ਨੂੰ ਤਰਜੀਹ ਦਿੱਤੀ।

ਟਾਇਰ ਫਟਣ ਕਾਰਨ ਵਾਪਰਿਆ ਹਾਦਸਾ 

ਜਾਣਕਾਰੀ ਅਨੁਸਾਰ, ਇਹ ਟਰੱਕ ਥਮਸ ਅੱਪ, ਸਪ੍ਰਾਈਟ, ਪੈਪਸੀ ਅਤੇ ਕੋਕ ਵਰਗੀਆਂ ਕੋਲਡ ਡਰਿੰਕਸ ਦੀਆਂ ਬੋਤਲਾਂ ਨਾਲ ਭਰਿਆ ਹੋਇਆ ਸੀ। ਅਚਾਨਕ ਟਾਇਰ ਫਟਣ ਕਾਰਨ ਟਰੱਕ ਹਾਈਵੇਅ 'ਤੇ ਹੀ ਪਲਟ ਗਿਆ ਅਤੇ ਸਾਰਾ ਸਾਮਾਨ ਸੜਕ 'ਤੇ ਖਿੱਲਰ ਗਿਆ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਹਾਦਸੇ 'ਚ ਟਰੱਕ ਦਾ ਡਰਾਈਵਰ ਅਤੇ ਕਲੀਨਰ ਜ਼ਖਮੀ ਹੋ ਗਏ ਸਨ। ਉਹ ਉੱਥੇ ਮੌਜੂਦ ਲੋਕਾਂ ਤੋਂ ਮਦਦ ਦੀ ਗੁਹਾਰ ਲਗਾ ਰਹੇ ਸਨ, ਪਰ ਭੀੜ ਉਨ੍ਹਾਂ ਦੀ ਮਦਦ ਕਰਨ ਦੀ ਬਜਾਏ ਬੋਤਲਾਂ ਦੀਆਂ ਪੇਟੀਆਂ ਚੁੱਕ ਕੇ ਭੱਜਣ 'ਚ ਰੁਝੀ ਸੀ।

In Andhra Pradesh, a truck met with an accident, but instead of helping the driver and cleaner, people looted the soft drinks. Peak Civic Sense pic.twitter.com/ec8Rzqma3F

— 🚨Indian Gems (@IndianGems_) March 20, 2026

ਅੱਧੇ ਤੋਂ ਵੱਧ ਟਰੱਕ ਕਰ ਦਿੱਤਾ ਖਾਲੀ 

ਜਿਸ ਦੇ ਹੱਥ ਜੋ ਲੱਗਿਆ, ਉਹ ਉਹੀ ਲੈ ਕੇ ਆਪਣੇ ਘਰ ਵੱਲ ਦੌੜ ਪਿਆ। ਹਾਲਾਂਕਿ ਕੁਝ ਨੇਕ ਦਿਲ ਲੋਕਾਂ ਨੇ ਮਦਦ ਦੀ ਕੋਸ਼ਿਸ਼ ਵੀ ਕੀਤੀ, ਪਰ ਜ਼ਿਆਦਾਤਰ ਲੋਕਾਂ ਨੇ ਲੁੱਟ ਨੂੰ ਹੀ ਸਹੀ ਚੁਣਿਆ। ਮੀਡੀਆ ਰਿਪੋਰਟਾਂ ਅਨੁਸਾਰ, ਜਦੋਂ ਤੱਕ ਪੁਲਸ ਮੌਕੇ 'ਤੇ ਪਹੁੰਚੀ ਅਤੇ ਭੀੜ ਨੂੰ ਹਟਾ ਕੇ ਰਸਤਾ ਸਾਫ਼ ਕੀਤਾ, ਉਦੋਂ ਤੱਕ ਲੋਕ ਅੱਧੇ ਤੋਂ ਵੱਧ ਟਰੱਕ ਖਾਲੀ ਕਰ ਚੁੱਕੇ ਸਨ।

ਸੋਸ਼ਲ ਮੀਡੀਆ 'ਤੇ ਨਿਕਲਿਆ ਲੋਕਾਂ ਦਾ ਗੁੱਸਾ 

ਇਹ ਵੀਡੀਓ ਸੋਸ਼ਲ ਸਾਈਟ 'ਐਕਸ' (X) 'ਤੇ @IndianGems_ ਨਾਮ ਦੇ ਅਕਾਊਂਟ ਤੋਂ ਸ਼ੇਅਰ ਕੀਤੀ ਗਈ ਹੈ, ਜਿਸ ਨੂੰ ਹੁਣ ਤੱਕ ਲੱਖਾਂ ਲੋਕ ਦੇਖ ਚੁੱਕੇ ਹਨ। ਲੋਕਾਂ ਨੇ ਇਸ ਘਟਨਾ ਦੀ ਸਖ਼ਤ ਨਿੰਦਾ ਕੀਤੀ ਹੈ। ਇਕ ਯੂਜ਼ਰ ਨੇ ਟਿੱਪਣੀ ਕਰਦਿਆਂ ਲਿਖਿਆ, "ਇਹ ਗਰੀਬੀ ਨਹੀਂ, ਇਨਸਾਨੀਅਤ ਦੀ ਕਮੀ ਹੈ।" ਉੱਥੇ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਇਨ੍ਹਾਂ ਲੋਕਾਂ 'ਚ 'ਸਿਵਿਕ ਸੈਂਸ' ਬਿਲਕੁਲ ਨਹੀਂ ਹੈ ਅਤੇ ਉਨ੍ਹਾਂ ਨੂੰ ਆਪਣੇ ਆਪ ਨੂੰ ਇਨਸਾਨ ਕਹਾਉਂਦੇ ਹੋਏ ਸ਼ਰਮ ਆਉਣੀ ਚਾਹੀਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e