ਬੱਜਰੀ ਨਾਲ ਭਰਿਆ ਟਰੱਕ ਤੇਲ ਦੇ ਟੈਂਕਰ ਨੂੰ ਬਚਾਉਂਦੇ ਬ੍ਰਿਜ ’ਤੇ ਪਲਟਿਆ

ਮੁਕੇਰੀਆਂ (ਨਾਗਲਾ, ਬਲਬੀਰ)-ਗੁਰਦਾਸਪੁਰ-ਮੁਕੇਰੀਆਂ ਸੜਕ ’ਤੇ ਰੇਲਵੇ ਓਵਰਬ੍ਰਿਜ ’ਤੇ ਤੇਲ ਨਾਲ ਭਰਿਆ ਟੈਂਕਰ ਅਤੇ ਬੱਜਰੀ ਨਾਲ ਲੱਦਿਆ ਟਰੱਕ ਆਪਸ ’ਚ ਟਕਰਾ ਗਿਆ। ਹਾਲਾਂਕਿ ਦੋਵਾਂ ਵਾਹਨਾਂ ਦੇ ਡਰਾਈਵਰ ਅਤੇ ਕੰਡਕਟਰ ਬਚ ਗਏ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਮੁਕੇਰੀਆਂ ਵੱਲ ਜਾ ਰਿਹਾ ਬੱਜਰੀ ਨਾਲ ਭਰਿਆ ਟਰੱਕ ਗੁਰਦਾਸਪੁਰ ਵੱਲ ਜਾ ਰਹੇ ਇਕ ਤੇਲ ਟੈਂਕਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਪਲਟ ਗਿਆ। ਜਦਕਿ ਤੇਲ ਦਾ ਟੈਂਕਰ ਓਵਰਬ੍ਰਿਜ ਦੀ ਰੇਲਿੰਗ ਦੀਵਾਰ ਨਾਲ ਟਕਰਾ ਗਿਆ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਮੁਹੱਲਾ ਗੁਰਦੇਵਪੁਰ ਦੇ ਵਸਨੀਕ ਤੁਰੰਤ ਘਟਨਾ ਸਥਾਨ ’ਤੇ ਪਹੁੰਚ ਗਏ। 
ਵਸਨੀਕਾਂ ਨੇ ਦੱਸਿਆ ਕਿ ਜੇਕਰ ਤੇਲ ਟੈਂਕਰ ਫਟ ਜਾਂਦਾ ਤਾਂ ਇਹ ਵਡਾ ਹਾਦਸਾ ਵਾਪਰ ਸਕਦਾ ਸੀ। ਇਸ ਹਾਦਸੇ ਕਾਰਨ ਅੱਜ ਦੁਪਹਿਰ ਤੱਕ ਭਾਰੀ ਵਾਹਨਾਂ ਦੀ ਆਵਾਜਾਈ ਪੂਰੀ ਤਰ੍ਹਾਂ ਬੰਦ ਰਹੀ, ਜਿਸ ਸਦਕਾ ਬੱਸਾਂ ਨੂੰ ਖਿੱਚੀਆਂ ਰੋਡ ’ਤੇ ਡਾਈਵਰਟ ਕੀਤਾ ਗਿਆ।

ਇਹ ਵੀ ਪੜ੍ਹੋ: ਨੈਂਸੀ ਗਰੇਵਾਲ ਦੇ ਕਤਲ ਬਾਰੇ ਭੈਣ ਦੇ ਵੱਡੇ ਖ਼ੁਲਾਸੇ! 15 ਦਿਨ ਪਹਿਲਾਂ ਬਣੀ ਪਲਾਨਿੰਗ, ਦੋਸਤ ਨੇ ਕੀਤਾ ਸੀ...

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e