ਗੁਜਰਾਤ ’ਚ 6 ਵਾਰ ਭਾਜਪਾ ਦੇ ਵਿਧਾਇਕ ਰਿਹੇ ਮਧੂ ਸ਼੍ਰੀਵਾਸਤਵ ਦਾ ਅਸਤੀਫਾ

ਅਹਿਮਦਾਬਾਦ– ਗੁਜਰਾਤ ’ਚ ਵਡੋਦਰਾ ਜ਼ਿਲੇ ਦੇ ਵਾਘੋਡੀਆ ਸੀਟ ਤੋਂ ਵਿਧਾਇਕ ਮਧੂ ਸ੍ਰੀਵਾਸਤਵ ਨੇ ਪਾਰਟੀ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਮਧੂ 6 ਵਾਰ ਭਾਜਪਾ ਦੇ ਵਿਧਾਇਕ ਰਹੇ ਹਨ। ਉਸ ਕੋਲ ਇਕ ਦਬਦਬਾ ਅਤੇ ਮਾਸਪੇਸ਼ੀ ਨੇਤਾ ਦਾ ਅਕਸ ਵੀ ਹੈ। ਸ਼੍ਰੀਵਾਸਤਵ ਨੇ ਵਡੋਦਰਾ ਵਰਕਰ ਸੰਮੇਲਨ ’ਚ ਆਪਣੇ ਅਸਤੀਫੇ ਦਾ ਐਲਾਨ ਕੀਤਾ।

ਭਾਜਪਾ ਨੇ ਇਸ ਵਾਰ ਚੋਣਾਂ ’ਚ ਮਧੂ ਸ੍ਰੀਵਾਸਤਵ ਨੂੰ ਟਿਕਟ ਨਹੀਂ ਦਿੱਤੀ, ਜਿਸ ਕਾਰਨ ਉਹ ਨਾਰਾਜ਼ ਦੱਸੇ ਜਾ ਰਹੇ ਹਨ। ਹੁਣ ਉਹ ਆਜ਼ਾਦ ਤੌਰ ’ਤੇ ਚੋਣ ਲੜਨ ਦੀ ਤਿਆਰੀ ਕਰ ਰਹੇ ਹਨ, ਜਿਸ ਕਾਰਨ ਪਾਰਟੀ ਦਾ ਤਣਾਅ ਵਧ ਗਿਆ ਹੈ। ਭਾਜਪਾ ਨੇ ਆਉਣ ਵਾਲੀਆਂ ਚੋਣਾਂ ਲਈ ਸਾਬਕਾ ਮੁੱਖ ਮੰਤਰੀ ਵਿਜੇ ਰੂਪਾਨੀ, ਸਾਬਕਾ ਉਪ ਮੁੱਖ ਮੰਤਰੀ ਨਿਤਿਨ ਪਟੇਲ ਸਮੇਤ ਕਈ ਦਿੱਗਜ ਨੇਤਾਵਾਂ ਨੂੰ ਉਮੀਦਵਾਰ ਨਹੀਂ ਬਣਾਇਆ ਹੈ। ਮਧੂ ਸ਼੍ਰੀਵਾਸਤਵ ਦੀ ਟਿਕਟ ਵੀ ਕੱਟ ਦਿੱਤੀ ਗਈ ਹੈ, ਜਿਸ ਕਾਰਨ ਉਨ੍ਹਾਂ ਨੇ ਪਾਰਟੀ ਛੱਡਣ ਦਾ ਫੈਸਲਾ ਕੀਤਾ ਹੈ।