'ਸ਼ੋਅ ਦੇਖਣਾ ਤਾਂ ਥੱਲੇ ਬਹਿ ਕੇ ਦੇਖੋ ਸਰਪੰਚ ਸਾਬ੍ਹ, ਨਹੀਂ ਤਾਂ... !' ਚੱਲਦੇ ਸ਼ੋਅ 'ਚ ਗਾਇਕ ਨੂੰ ਆਇਆ ਗੁੱਸਾ

ਜੀਂਦ : ਜੀਂਦ ਦੇ ਸਫੀਦੋਂ ਰੋਡ ਸਥਿਤ 'ਦੀਪ ਪੈਲੇਸ' ਹੋਟਲ ਵਿੱਚ ਚੱਲ ਰਹੇ ਇੱਕ ਪਰਿਵਾਰਕ ਸਮਾਗਮ ਵਿੱਚ ਉਸ ਸਮੇਂ ਹੰਗਾਮਾ ਹੋ ਗਿਆ, ਜਦੋਂ ਮਸ਼ਹੂਰ ਹਰਿਆਣਵੀ ਗਾਇਕ ਮਾਸੂਮ ਸ਼ਰਮਾ ਨੇ ਸਟੇਜ 'ਤੇ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਹੇ ਇੱਕ ਸਾਬਕਾ ਸਰਪੰਚ ਨੂੰ ਬੁਰੀ ਤਰ੍ਹਾਂ ਝਿੜਕ ਦਿੱਤਾ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਕਾਰਨ ਵਿਵਾਦ ਕਾਫੀ ਵੱਧ ਗਿਆ ਹੈ।

ਇਹ ਵੀ ਪੜ੍ਹੋ: ਜੇਲ੍ਹ ਤੋਂ ਬਾਹਰ ਆਉਣ ਮਗਰੋਂ ਰਾਜਪਾਲ ਯਾਦਵ ਨੇ ਸਾਂਝੀ ਕੀਤੀ ਪਹਿਲੀ ਪੋਸਟ, ਹੱਥ ਜੋੜ ਕਿਹਾ...

ਕੀ ਹੈ ਪੂਰਾ ਮਾਮਲਾ?

ਦਰਅਸਲ, 18 ਫਰਵਰੀ ਦੀ ਸ਼ਾਮ ਨੂੰ ਮਸ਼ਹੂਰ ਯੂਟਿਊਬਰ ਧਰਮਬੀਰ ਸ਼ਰਮਾ ਉਰਫ ਧਰਮੂ (ਦੇਸੀ ਪੱਤਰਕਾਰ ) ਆਪਣੇ ਵਿਆਹ ਦੀ 25ਵੀਂ ਵਰ੍ਹੇਗੰਢ (ਸਿਲਵਰ ਜੁਬਲੀ) ਮਨਾ ਰਹੇ ਸਨ। ਇਸ ਪ੍ਰੋਗਰਾਮ ਵਿੱਚ ਇਲਾਕੇ ਦੇ ਕਈ ਸਰਪੰਚ, ਸਿਆਸੀ ਆਗੂ ਅਤੇ ਸਮਾਜਿਕ ਸ਼ਖਸੀਅਤਾਂ ਪਹੁੰਚੀਆਂ ਹੋਈਆਂ ਸਨ। ਮਾਸੂਮ ਸ਼ਰਮਾ, ਜੋ ਰਿਸ਼ਤੇ ਵਿੱਚ ਧਰਮਬੀਰ ਸ਼ਰਮਾ ਦੇ ਸਾਲੇ ਲੱਗਦੇ ਹਨ, ਉੱਥੇ ਲਾਈਵ ਪਰਫਾਰਮੈਂਸ ਦੇ ਰਹੇ ਸਨ।

ਇਹ ਵੀ ਪੜ੍ਹੋ: ਨੂਰਾਂ ਸਿਸਟਰਜ਼ ਦੇ ਪਿਤਾ ਦੀ ਵਿਗੜੀ ਸਿਹਤ, ਕਿਡਨੀ ਹੋਈ ਫੇਲ੍ਹ!

ਸਰਪੰਚ ਨਾਲ ਹੋਈ ਤਿੱਖੀ ਬਹਿਸ

ਪ੍ਰੋਗਰਾਮ ਦੌਰਾਨ ਜਦੋਂ ਪਿੰਡ ਮੁਆਣਾ ਦੇ ਸਾਬਕਾ ਸਰਪੰਚ ਨੇ ਸਟੇਜ 'ਤੇ ਚੜ੍ਹਨ ਦੀ ਕੋਸ਼ਿਸ਼ ਕੀਤੀ, ਤਾਂ ਮਾਸੂਮ ਸ਼ਰਮਾ ਭੜਕ ਗਏ। ਉਨ੍ਹਾਂ ਨੇ ਇਤਰਾਜ਼ ਜਤਾਉਂਦਿਆਂ ਕਿਹਾ ਕਿ ਸਟੇਜ 'ਤੇ ਭੀੜ ਹੋਣ ਕਾਰਨ ਉਨ੍ਹਾਂ ਦਾ ਧਿਆਨ ਸੰਗੀਤਕਾਰਾਂ ਤੋਂ ਭਟਕ ਜਾਂਦਾ ਹੈ ਅਤੇ ਗਾਉਣ ਵਿਚ ਮੁਸ਼ਕਲ ਹੁੰਦੀ ਹੈ। ਗੱਲ ਇੰਨੀ ਵਧ ਗਈ ਕਿ ਮਾਸੂਮ ਸ਼ਰਮਾ ਨੇ ਮਾਈਕ 'ਤੇ ਹੀ ਕਹਿ ਦਿੱਤਾ, "ਇੱਥੇ 70 ਸਰਪੰਚ ਫਿਰਦੇ ਹਨ... ਮੈਂ ਗਾਣਾ ਗਾਉਂਦੇ ਸਮੇਂ ਕਿਸੇ ਸਰਪੰਚ, MLA ਜਾਂ ਮੰਤਰੀ ਨੂੰ ਕੁਝ ਨਹੀਂ ਮੰਨਦਾ। ਜੇ ਸ਼ੋਅ ਦੇਖਣਾ ਹੈ ਤਾਂ ਹੇਠਾਂ ਬੈਠ ਕੇ ਦੇਖੋ, ਨਹੀਂ ਤਾਂ ਚਲੇ ਜਾਓ।"

ਇਹ ਵੀ ਪੜ੍ਹੋ: ਬਾਲੀਵੁੱਡ ਇੰਡਸਟਰੀ 'ਚ ਪਸਰਿਆ ਮਾਤਮ, ਦਿੱਗਜ ਫ਼ਿਲਮ ਮੇਕਰ ਦੀ ਘਰ 'ਚੋਂ ਮਿਲੀ ਲਾਸ਼

ਧੱਕਾ-ਮੁੱਕੀ ਅਤੇ ਹੰਗਾਮਾ

ਇਸ ਬਿਆਨ ਤੋਂ ਬਾਅਦ ਮਾਹੌਲ ਤਣਾਅਪੂਰਨ ਹੋ ਗਿਆ। ਸਟੇਜ 'ਤੇ ਧੱਕਾ-ਮੁੱਕੀ ਸ਼ੁਰੂ ਹੋ ਗਈ ਅਤੇ ਬਾਊਂਸਰਾਂ ਤੇ ਕੁਝ ਨੌਜਵਾਨਾਂ ਵਿਚਾਲੇ ਵੀ ਝੜਪ ਹੋਈ। ਹਾਲਾਤ ਵਿਗੜਦੇ ਦੇਖ ਪਰਿਵਾਰਕ ਮੈਂਬਰਾਂ ਅਤੇ ਧਰਮਬੀਰ ਸ਼ਰਮਾ ਨੇ ਮਾਮਲਾ ਸ਼ਾਂਤ ਕਰਵਾਇਆ। ਇਸ ਘਟਨਾ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਲੋਕ ਦੋ ਹਿੱਸਿਆਂ ਵਿੱਚ ਵੰਡੇ ਹੋਏ ਹਨ। ਕੁਝ ਲੋਕ ਗਾਇਕ ਦੇ ਅੰਦਾਜ਼ ਨੂੰ ਸਹੀ ਦੱਸ ਰਹੇ ਹਨ, ਜਦਕਿ ਕੁਝ ਸਰਪੰਚ ਦੀ ਬੇਇੱਜ਼ਤੀ ਕੀਤੇ ਜਾਣ 'ਤੇ ਨਾਰਾਜ਼ਗੀ ਜ਼ਾਹਿਰ ਕਰ ਰਹੇ ਹਨ।

ਇਹ ਵੀ ਪੜ੍ਹੋ: ਬਿਨਾਂ ਵਿਆਹ ਡੈਡੀ ਬਣਨ ਜਾ ਰਹੇ ਕੈਨੇਡਾ ਦੇ ਸਾਬਕਾ PM ! ਕੈਟੀ ਪੈਰੀ ਨਾਲ ਵਾਇਰਲ ਹੋਈ ਫੋਟੋ ਨੇ ਛੇੜੀ ਚਰਚਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e