ਸੈਕਸ ਰੈਕੇਟ ਦਾ ਪਰਦਾਫਾਸ਼, 13 ਔਰਤਾਂ ਸਣੇ 20 ਲੋਕ ਗ੍ਰਿਫਤਾਰ

ਪ੍ਰਯਾਗਰਾਜ — ਸ਼ਹਿਰ ਦੇ ਸਿਵਲ ਲਾਈਨ ਪੁਲਸ ਸਟੇਸ਼ਨ ਅਤੇ ਮਹਿਲਾ ਪੁਲਸ ਸਟੇਸ਼ਨ ਦੀ ਸਾਂਝੀ ਟੀਮ ਨੇ ਸਿਵਲ ਲਾਈਨ ਬੱਸ ਸਟੈਂਡ ਨੇੜੇ ਪੀ-ਸਕੁਏਅਰ ਮਾਲ 'ਚ 'ਸਪਾ ਸੈਂਟਰ' ਦੀ ਆੜ 'ਚ ਕਥਿਤ ਤੌਰ 'ਤੇ ਚੱਲ ਰਹੀ ਅਨੈਤਿਕ ਦੇਹ ਵਪਾਰ ਦਾ ਪਰਦਾਫਾਸ਼ ਕੀਤਾ ਅਤੇ 13 ਔਰਤਾਂ ਸਮੇਤ 20 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਡੀਸੀਪੀ (ਸਿਟੀ) ਦੀਪਕ ਭੁੱਕਰ ਨੇ ਦੱਸਿਆ ਕਿ ਕਿਸੇ ਮੁਖਬਰ ਦੀ ਸੂਚਨਾ 'ਤੇ ਸ਼ੁੱਕਰਵਾਰ ਦੇਰ ਰਾਤ ਉਕਤ ਸਥਾਨ 'ਤੇ ਛਾਪੇਮਾਰੀ ਕੀਤੀ ਗਈ ਅਤੇ ਜੰਕਸ਼ਨ ਸਪਾ ਸੈਂਟਰ, ਨਿਊ ਗ੍ਰੀਨ ਸਪਾ ਸੈਂਟਰ, ਪੈਰਾਡਾਈਜ਼ ਸਪਾ ਸੈਂਟਰ, ਵੇਵਜ਼ ਸਪਾ ਸੈਂਟਰ ਸਮੇਤ ਵੱਖ-ਵੱਖ ਸਪਾ ਸੈਂਟਰਾਂ 'ਚ ਅਨੈਤਿਕ ਗਤੀਵਿਧੀਆਂ ਚਲਦੀਆਂ ਪਾਈਆਂ ਗਈਆਂ।

ਉਨ੍ਹਾਂ ਦੱਸਿਆ ਕਿ ਛਾਪੇਮਾਰੀ ਦੌਰਾਨ ਕੁਝ ਔਰਤਾਂ ਅਤੇ ਮਰਦ ਇਤਰਾਜ਼ਯੋਗ ਸਥਿਤੀਆਂ ਵਿੱਚ ਪਾਏ ਗਏ, ਜਿਨ੍ਹਾਂ ਵਿੱਚ ਯੂਗਾਂਡਾ ਮੂਲ ਦੀ ਇੱਕ ਵਿਦੇਸ਼ੀ ਔਰਤ ਵੀ ਅਨੈਤਿਕ ਕੰਮਾਂ ਵਿੱਚ ਸ਼ਾਮਲ ਪਾਈ ਗਈ। ਮੌਕੇ 'ਤੇ 13 ਔਰਤਾਂ ਅਤੇ ਸੱਤ ਪੁਰਸ਼ਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਭੁੱਕਰ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਥਾਣਾ ਸਿਵਲ ਲਾਈਨ ਵਿੱਚ ਅਨੈਤਿਕ ਟਰੈਫਿਕ ਪ੍ਰੀਵੈਨਸ਼ਨ ਐਕਟ 1956 ਦੀਆਂ ਧਾਰਾਵਾਂ 3, 4, 5, 6 ਅਤੇ 7 ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਮੌਕੇ ਤੋਂ 20 ਮੋਬਾਈਲ ਫੋਨ, ਸੈਕਸ ਵਧਾਉਣ ਵਾਲੀਆਂ ਦਵਾਈਆਂ ਅਤੇ 8400 ਰੁਪਏ ਨਕਦ ਬਰਾਮਦ ਕੀਤੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਪੁਲਸ ਵਿਦੇਸ਼ੀ ਮੂਲ ਦੀ ਔਰਤ ਦੇ ਪਾਸਪੋਰਟ ਅਤੇ ਵੀਜ਼ੇ ਦੇ ਵੇਰਵੇ ਹਾਸਲ ਕਰ ਰਹੀ ਹੈ।