ਸਚਿਨ ਪਾਇਲਟ ਨੇ CM ਗਹਿਲੋਤ ''ਤੇ ਵਿੰਨ੍ਹਿਆ ਨਿਸ਼ਾਨਾ, ਕਿਹਾ- ਹਰ ਗਲਤੀ ਸਜ਼ਾ ਮੰਗਦੀ ਹੈ
06/11/2023 1:22:43 PM
ਨੈਸ਼ਨਲ ਡੈਸਕ- ਰਾਜਸਥਾਨ 'ਚ ਕਾਂਗਰਸ 'ਚ ਚੱਲ ਰਹੀ ਸਿਆਸੀ ਬਿਆਨਬਾਜ਼ੀ ਦਰਮਿਆਨ ਸਚਿਨ ਪਾਇਲਟ ਨੇ ਐਤਵਾਰ ਨੂੰ ਆਪਣੇ ਪਿਤਾ ਰਾਜੇਸ਼ ਪਾਇਲਟ ਦੀ ਬਰਸੀ ਮੌਕੇ ਦੌਸਾ ਦੇ ਮੰਡਾਨਾ 'ਚ ਸ਼ਰਧਾਂਜਲੀ ਸਭਾ ਨੂੰ ਸੰਬੋਧਨ ਕੀਤਾ। ਪ੍ਰੋਗਰਾਮ 'ਚ ਪਾਇਲਟ ਦਾ ਰਵੱਈਆ ਤਿੱਖਾ ਨਜ਼ਰ ਆਇਆ। ਉਨ੍ਹਾਂ ਅਸ਼ੋਕ ਗਹਿਲੋਤ 'ਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਕਿਹਾ ਕਿ ਜਦੋਂ ਖਾਣਾਂ ਦੀ ਅਲਾਟਮੈਂਟ ਕੀਤੀ ਗਈ ਸੀ ਤਾਂ ਫੜੇ ਜਾਣ 'ਤੇ ਉਹ ਰੱਦ ਕਰ ਦਿੱਤੀਆਂ ਗਈਆਂ ਸਨ ਪਰ ਅਲਾਟ ਉਨ੍ਹਾਂ ਨੂੰ ਅਲਾਟ ਕਰ ਦਿੱਤਾ ਗਿਆ ਅਤੇ ਕਿਸੇ ਨੇ ਸੱਚ ਹੀ ਕਿਹਾ ਹੈ ਕਿ ਹਰ ਗਲਤੀ ਸਜ਼ਾ ਮੰਗਦੀ ਹੈ।
ਦੱਸ ਦੇਈਏ ਕਿ ਰਾਜਸਥਾਨ ਅਧਿਆਪਕ ਯੋਗਤਾ ਪ੍ਰੀਖਿਆ (REET) ਵਿਚ ਕਥਿਤ ਧਾਂਦਲੀ ਦੇ ਮਾਮਲੇ ਵਿਚ ਅਸ਼ੋਕ ਗਹਿਲੋਤ ਨੇ ਇੱਕ ਬਿਆਨ ਵਿੱਚ ਕਿਹਾ ਸੀ ਕਿ ਹਰ ਗਲਤੀ ਸਜ਼ਾ ਮੰਗਦੀ ਹੈ। ਉਨ੍ਹਾਂ ਕਿਹਾ ਸੀ ਕਿ ਰੀਟ ਦਾ ਮੁੱਦਾ ਵੱਡਾ ਹੈ, ਅਸੀਂ ਇਸ ਦੀ ਤਹਿ ਤੱਕ ਜਾਣਾ ਚਾਹੁੰਦੇ ਹਾਂ, ਹਰ ਗਲਤੀ ਕੀਮਤ ਮੰਗਦੀ ਹੈ। ਗਹਿਲੋਤ ਨੇ ਕਿਹਾ ਸੀ ਕਿ ਗਲਤੀ ਕਰਨ ਵਾਲਿਆਂ ਨੂੰ ਇਸ ਦੀ ਕੀਮਤ ਚੁਕਾਉਣੀ ਪਵੇਗੀ।
ਉਥੇ ਹੀ ਪਾਇਲਟ ਨੇ ਕਿਹਾ ਕਿ ਮੇਰੇ ਪਿਤਾ ਦੇਸ਼ ਲਈ ਲੜੇ, ਉਨ੍ਹਾਂ ਨੇ ਹਵਾਈ ਸੈਨਾ ਲਈ ਜੈੱਟ ਉਡਾਏ। ਸਚਿਨ ਨੇ ਕਿਹਾ ਕਿ ਰਾਜੇਸ਼ ਪਾਇਲਟ ਨੇ ਕਿਸਾਨਾਂ ਲਈ, ਗਰੀਬਾਂ ਲਈ ਬੋਲਿਆ, ਅੱਜ ਸਾਨੂੰ ਅਜਿਹੇ ਨੇਤਾਵਾਂ ਦੀ ਜ਼ਰੂਰਤ ਹੈ ਜੋ ਉਨ੍ਹਾਂ ਦੇ ਦਿਲ ਦੀ ਗੱਲ ਕਰਨ। ਸਚਿਨ ਨੇ ਕਿਹਾ ਕਿ ਮੈਂ ਹਮੇਸ਼ਾ ਨੌਜਵਾਨਾਂ ਦੇ ਹਿੱਤ 'ਚ ਗੱਲ ਕੀਤੀ ਹੈ, ਮੈਂ ਆਪਣੇ ਵਾਅਦਿਆਂ ਤੋਂ ਪਿੱਛੇ ਨਹੀਂ ਹਟਾਂਗਾ।
