ਛੱਤੀਸਗੜ੍ਹ: 104 ਘੰਟਿਆਂ ਦੀ ਸਖ਼ਤ ਮਿਹਨਤ ਤੋਂ ਬਾਅਦ ਰਾਹੁਲ ਨੂੰ ਬੋਰਵੈੱਲ ਤੋਂ ਕੱਢਿਆ ਗਿਆ ਬਾਹਰ

ਨੈਸ਼ਨਲ ਡੈਸਕ : ਛੱਤੀਸਗੜ੍ਹ ਦੇ ਜਾਂਜਗੀਰ-ਚੰਪਾ ਜ਼ਿਲ੍ਹੇ 'ਚ ਪਿਛਲੇ 5 ਦਿਨਾਂ ਤੋਂ 80 ਫੁੱਟ ਡੂੰਘੇ ਬੋਰਵੈੱਲ 'ਚ ਫਸੇ ਰਾਹੁਲ ਸਾਹੂ ਨੂੰ ਮੰਗਲਵਾਰ ਅੱਧੀ ਰਾਤ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ, ਜਿਸ ਤੋਂ ਬਾਅਦ ਰਾਹੁਲ ਨੂੰ ਤੁਰੰਤ ਆਕਸੀਜਨ ਸਪਲਾਈ ਦਿੱਤੀ ਗਈ ਅਤੇ ਸਟ੍ਰੈਚਰ 'ਤੇ ਐਂਬੂਲੈਂਸ 'ਚ ਹਸਪਤਾਲ ਲਿਜਾਇਆ ਗਿਆ। 104 ਘੰਟਿਆਂ ਬਾਅਦ ਫੌਜ, ਐੱਨ.ਡੀ.ਆਰ.ਐੱਫ. ਤੇ ਐੱਸ.ਡੀ.ਆਰ.ਐੱਫ. ਦੀ ਟੀਮ ਨੇ ਰਾਹੁਲ ਨੂੰ ਬੋਰਵੈੱਲ 'ਚੋਂ ਸੁਰੱਖਿਅਤ ਬਾਹਰ ਕੱਢ ਕੇ ਇਤਿਹਾਸ ਰਚ ਦਿੱਤਾ। ਮੈਡੀਕਲ ਟੀਮ ਰਾਹੁਲ ਨੂੰ ਲੈ ਕੇ ਹਸਪਤਾਲ ਰਵਾਨਾ ਹੋਈ। ਬਚਾਅ ਕਾਰਜ ਪਿਛਲੇ 104 ਘੰਟਿਆਂ ਤੋਂ ਜਾਰੀ ਸਨ। ਰਾਹੁਲ ਨਾ ਬੋਲ ਸਕਦਾ ਤੇ ਨਾ ਹੀ ਜ਼ਿਆਦਾ ਸੁਣ ਸਕਦਾ ਹੈ। ਇਸ ਬਚਾਅ ਮੁਹਿੰਮ 'ਚ ਓਡਿਸ਼ਾ ਦੀ ਐੱਸ.ਡੀ.ਆਰ.ਐੱਫ. ਟੀਮ ਤੇ ਫੌਜ ਦੀ ਮਦਦ ਲਈ ਗਈ। ਬਚਾਅ 'ਚ ਮੌਜੂਦ ਜਵਾਨ ਲਗਾਤਾਰ ਲੋਕਾਂ ਨੂੰ ਬਚਾਅ ਕਾਰਜ 'ਚ ਸਹਿਯੋਗ ਕਰਨ ਦੀ ਅਪੀਲ ਕਰ ਰਹੇ ਹਨ।

112 ਕਿਲੋਮੀਟਰ ਦੂਰ ਹੈ ਅਪੋਲੋ ਹਸਪਤਾਲ
ਰਾਹੁਲ ਨੂੰ ਬੋਰਵੈੱਲ 'ਚੋਂ ਬਾਹਰ ਕੱਢਦੇ ਹੀ ਐਂਬੂਲੈਂਸ ਰਾਹੀਂ ਬਿਲਾਸਪੁਰ ਦੇ ਅਪੋਲੋ ਹਸਪਤਾਲ ਲਿਜਾਇਆ ਜਾਵੇਗਾ। ਉਸ ਦੇ ਪਿੰਡ ਤੋਂ ਬਿਲਾਸਪੁਰ ਦੀ ਦੂਰੀ ਕਰੀਬ 112 ਕਿਲੋਮੀਟਰ ਹੈ। ਹਾਲਾਂਕਿ ਇਸ ਦੂਰੀ ਨੂੰ ਤੈਅ ਕਰਨ 'ਚ ਕਰੀਬ 3 ਘੰਟੇ ਦਾ ਸਮਾਂ ਲੱਗਣਾ ਸੀ ਪਰ ਪ੍ਰਸ਼ਾਸਨ ਨੇ ਇਸ ਰਸਤੇ ਨੂੰ ਗ੍ਰੀਨ ਕੋਰੀਡੋਰ 'ਚ ਬਦਲ ਕਰ ਦਿੱਤਾ, ਇਸ ਲਈ ਮੰਨਿਆ ਜਾ ਰਿਹਾ ਹੈ ਕਿ ਰਾਹੁਲ ਨੂੰ ਡੇਢ-ਪੌਣੇ 2 ਘੰਟੇ 'ਚ ਅਪੋਲੋ ਹਸਪਤਾਲ ਪਹੁੰਚਾ ਦਿੱਤਾ ਜਾਵੇਗਾ। ਰਸਤੇ 'ਚ ਮਾਹਿਰ ਡਾਕਟਰਾਂ ਦੀ ਟੀਮ ਐਂਬੂਲੈਂਸ ਵਿੱਚ ਹੀ ਉਸ ਦਾ ਇਲਾਜ ਕਰ ਰਹੀ ਹੈ।

ਮੰਦਰ 'ਚ ਰਾਹੁਲ ਦੀ ਸਲਾਮਤੀ ਲਈ ਪੂਜਾ
ਦੂਜੇ ਪਾਸੇ ਪੂਰਾ ਸੂਬਾ ਰਾਹੁਲ ਦੀ ਸਿਹਤਯਾਬੀ ਲਈ ਅਰਦਾਸਾਂ ਕਰ ਰਿਹਾ ਹੈ। ਰਾਹੁਲ ਲਈ ਸੂਬੇ 'ਚ ਵੱਖ-ਵੱਖ ਥਾਵਾਂ 'ਤੇ ਪੂਜਾ ਅਤੇ ਹਵਨ ਕਰਵਾਏ ਜਾ ਰਹੇ ਹਨ, ਜਦਕਿ ਪੁਲਸ ਅਤੇ ਪ੍ਰਸ਼ਾਸਨ ਬੱਚੇ ਨੂੰ ਬਚਾਉਣ ਲਈ 4 ਦਿਨਾਂ ਤੋਂ ਯਤਨਸ਼ੀਲ ਹੈ। ਦੂਜੇ ਪਾਸੇ, ਰਾਹੁਲ ਦੀ ਸਰਵਮੰਗਲਾ ਮੰਦਰ ਵਿੱਚ ਸੁਰੱਖਿਅਤ ਵਾਪਸੀ ਲਈ ਕੋਰਬਾ ਪੁਲਸ ਵੱਲੋਂ ਅਖੰਡ ਮਹਾਮਰਿਤੁੰਜੇ ਪਾਠ ਦਾ ਆਯੋਜਨ ਕੀਤਾ ਗਿਆ ਹੈ।

10 ਜੂਨ ਨੂੰ ਬੋਰਵੈੱਲ 'ਚ ਡਿੱਗ ਗਿਆ ਸੀ ਰਾਹੁਲ
ਸ਼ੁੱਕਰਵਾਰ ਦੁਪਹਿਰ 2 ਵਜੇ ਤੋਂ ਰਾਹੁਲ ਸਾਹੂ (10) ਦਾ ਕੁਝ ਪਤਾ ਨਹੀਂ ਲੱਗ ਸਕਿਆ ਸੀ। ਘਰ ਦੇ ਕੁਝ ਲੋਕ ਬਾੜੀ ਵੱਲ ਗਏ ਤਾਂ ਰਾਹੁਲ ਦੇ ਰੋਣ ਦੀ ਆਵਾਜ਼ ਆ ਰਹੀ ਸੀ। ਟੋਏ ਨੇੜੇ ਜਾ ਕੇ ਦੇਖਿਆ ਤਾਂ ਅੰਦਰੋਂ ਆਵਾਜ਼ ਆ ਰਹੀ ਸੀ। ਬੋਰਵੈੱਲ ਦਾ ਟੋਆ 80 ਫੁੱਟ ਡੂੰਘਾ ਹੈ। ਇਹ ਵੀ ਦੱਸਿਆ ਗਿਆ ਹੈ ਕਿ ਬੱਚਾ ਬੋਲ਼ਾ, ਮਾਨਸਿਕ ਤੌਰ 'ਤੇ ਕਮਜ਼ੋਰ ਹੈ, ਜਿਸ ਕਾਰਨ ਉਹ ਸਕੂਲ ਵੀ ਨਹੀਂ ਜਾਂਦਾ ਸੀ ਤੇ ਘਰ 'ਚ ਹੀ ਰਹਿੰਦਾ ਸੀ। ਪੂਰੇ ਪਿੰਡ ਦੇ ਲੋਕ ਵੀ 2 ਦਿਨਾਂ ਤੋਂ ਉਸੇ ਥਾਂ 'ਤੇ ਰੁਕੇ ਹੋਏ ਸਨ, ਜਿੱਥੇ ਬੱਚਾ ਡਿੱਗਾ ਸੀ। ਰਾਹੁਲ ਆਪਣੇ ਮਾਤਾ-ਪਿਤਾ ਦਾ ਵੱਡਾ ਪੁੱਤਰ ਹੈ। ਉਸ ਦਾ ਛੋਟਾ ਭਰਾ 2 ਸਾਲ ਛੋਟਾ ਹੈ। ਪਿਤਾ ਦੀ ਪਿੰਡ ਵਿੱਚ ਭਾਂਡਿਆਂ ਦੀ ਦੁਕਾਨ ਹੈ।

मुख्यमंत्री श्री @bhupeshbaghel की सतत मॉनिटरिंग में @NDRFHQ, #एसडीआरएफ, @CG_Police, भारतीय सेना और @JanjgirDist ने संयुक्त रूप से कर्तव्यनिष्ठा का पालन करते हुए राहुल को बोरवेल से निकालने का दुष्कर कार्य कर दिखाया। यह ऑपरेशन पूरे देश के लिए मिसाल है। छत्तीसगढ़ ने इतिहास रचा है। pic.twitter.com/l5mOuXrL9b

— CMO Chhattisgarh (@ChhattisgarhCMO) June 14, 2022