ਨਵੀਨੀਕਰਨ ਪ੍ਰਾਜੈਕਟਾਂ ਲਈ ਬੰਦਰਗਾਹਾਂ ਲਈ ਸਾਲ 2022 ਤੋਂ ਜਾਰੀ ਹੋਏ 11,083 ਕਰੋੜ ਰੁਪਏ ; ਮੰਤਰੀ ਸਰਬਾਨੰਦਾ

Saturday, Mar 29, 2025 - 04:38 PM (IST)

ਨਵੀਨੀਕਰਨ ਪ੍ਰਾਜੈਕਟਾਂ ਲਈ ਬੰਦਰਗਾਹਾਂ ਲਈ ਸਾਲ 2022 ਤੋਂ ਜਾਰੀ ਹੋਏ 11,083 ਕਰੋੜ ਰੁਪਏ ; ਮੰਤਰੀ ਸਰਬਾਨੰਦਾ

ਨਵੀਂ ਦਿੱਲੀ- ਬੰਦਰਗਾਹ ਤੇ ਸ਼ਿਪਿੰਗ ਮੰਤਰੀ ਸਰਬਾਨੰਦਾ ਸੋਨੋਵਾਲ ਨੇ ਲੋਕ ਸਭਾ 'ਚ ਜਾਣਕਾਰੀ ਦਿੱਤੀ ਕਿ ਮੈਰੀਟਾਈਮ ਇੰਡੀਆ ਵਿਜ਼ਨ 2030 ਦੇ ਤਹਿਤ ਵਿੱਤੀ ਸਾਲ 2022 ਤੋਂ ਬੰਦਰਗਾਹ ਨਵੀਨੀਕਰਨ ਪ੍ਰਾਜੈਕਟਾਂ 'ਤੇ 11,083 ਕਰੋੜ ਰੁਪਏ ਦੇ ਪ੍ਰਾਜੈਕਟਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।

ਉਨ੍ਹਾਂ ਦੱਸਿਆ ਕਿ ਵਿੱਤੀ ਸਾਲ 2021-22 ਤੋਂ 2023-24 ਦੌਰਾਨ 75 ਬੰਦਰਗਾਹ ਇਨਫ੍ਰਾਸਟ੍ਰਕਚਰ ਪ੍ਰਾਜੈਕਟ ਲਾਗੂ ਕਰ ਦਿੱਤੇ ਗਏ ਹਨ। ਇਸ ਦੌਰਾਨ ਕੁੱਲ 11,083 ਕਰੋੜ ਰੁਪਏ ਜਾਰੀ ਕਰ ਦਿੱਤੇ ਗਏ ਹਨ, ਜਿਨ੍ਹਾਂ 'ਚੋਂ 5,741 ਕਰੋੜ ਰੁਪਏ ਖ਼ਰਚ ਕਰ ਦਿੱਤੇ ਗਏ ਹਨ।

ਉਨ੍ਹਾਂ ਅੱਗੇ ਕਿਹਾ ਕਿ 12 ਮੁੱਖ ਬੰਦਰਗਾਹਾਂ 'ਤੇ ਸ਼ਿਪ ਗਤੀਵਿਧੀਆਂ ਕਾਰਨ ਹੋਣ ਵਾਲੇ ਵਾਧੂ ਨਿਕਾਸ ਨੂੰ ਕਾਬੂ ਕਰਨ ਲਈ ਬੰਦਰਗਾਹਾਂ 'ਤੇ ਗ੍ਰੀਨ ਟੈਕਨਾਲੌਜੀ ਵਿਕਸਿਤ ਕਰਨ ਤੋਂ ਲੈ ਕੇ ਕਾਰਬਨ ਡਾਈਆਕਸਾਈਡ ਦੇ ਨਿਕਾਸ ਨੂੰ ਘਟਾਉਣ ਤੱਕ ਲਈ ਇਹ ਪ੍ਰਾਜੈਕਟ ਲਿਆਏ ਜਾ ਰਹੇ ਹਨ। ਇਨ੍ਹਾਂ ਪ੍ਰਾਜੈਕਟਾਂ ਦਾ ਮੁੱਖ ਮੰਤਵ ਨਵਿਆਉਣਯੋਗ ਊਰਜਾ ਨੂੰ ਬੜ੍ਹਾਵਾ ਦੇਣਾ, ਕਿਨਾਰੇ ਤੋਂ ਜਹਾਜ਼ ਤੱਕ ਪਾਵਰ ਸਪਲਾਈ ਦੇਣਾ ਤੇ ਘੱਟ ਖ਼ਪਤ ਕਰਨ ਵਾਲੇ ਉਪਕਰਨਾਂ ਨੂੰ ਇੰਸਟਾਲ ਕਰਨਾ ਹੈ। 

ਇਹ ਵੀ ਪੜ੍ਹੋ- ਭਾਰਤੀ ਹਵਾਈ ਫ਼ੌਜ ਦੀ ਵਧੇਗੀ ਤਾਕਤ ; 156 'ਪ੍ਰਚੰਡ' ਹੈਲੀਕਾਪਟਰਾਂ ਲਈ 62,000 ਕਰੋੜ ਦੀ ਹੋਈ ਡੀਲ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e


author

Harpreet SIngh

Content Editor

Related News