ਪੁਲਵਾਮਾ ਹਮਲੇ ਤੋਂ ਬਾਅਦ ਪੁੰਛ-ਰਾਵਲਕੋਟ ਬਸ ਸੇਵਾ ਫਿਰ ਹੋਈ ਬਹਾਲ

ਸ਼੍ਰੀਨਗਰ-ਅੱਜ ਭਾਰਤ ਅਤੇ ਪੀ. ਓ. ਕੇ. ਦੇ ਵਿਚਾਲੇ ਚੱਲਣ ਵਾਲੀ ਪੁੰਛ-ਰਾਵਲਕੋਟ ਬਸ ਸੇਵਾ ਇਕ ਹਫਤੇ ਤੋਂ ਜ਼ਿਆਦਾ ਸਮਾਂ ਬੰਦ ਰਹਿਣ ਤੋਂ ਬਾਅਦ ਮੁੜ ਬਹਾਲ ਹੋ ਗਈ ਹੈ। ਇਹ ਬੱਸ ਸੇਵਾ 1947,1965 ਅਤੇ 1971 'ਚ ਵਿਛੜੇ ਪਰਿਵਾਰਾਂ ਨੂੰ ਆਪਸ 'ਚ ਮਿਲਵਾਉਣ ਲਈ ਚਲਾਈ ਗਈ ਸੀ। ਸੋਮਵਾਰ ਨੂੰ ਪਾਕ ਆਧਿਕਾਰਤ ਖੇਤਰ ਦੇ 10 ਨਾਗਰਿਕ ਭਾਰਤ 'ਚ ਆਪਣੇ ਰਿਸ਼ਤੇਦਾਰਾਂ ਦੇ ਕੋਲ ਇਕ ਮਹੀਨਾ ਬਿਤਾਉਣ ਤੋਂ ਬਾਅਦ ਵਤਨ ਵਾਪਸ ਗਏ ਪਰ 2 ਭਾਰਤੀ ਨਾਗਰਿਕ ਪਹਿਲੀ ਵਾਰ ਪਾਕਿ ਅਧਿਕਾਰਤ ਖੇਤਰ 'ਚ ਵੱਸੇ ਰਿਸ਼ਤੇਦਾਰਾਂ ਨਾਲ ਮਿਲਣ ਲਈ ਉੱਧਰ ਗਏ।

J&K: Cross LoC Poonch-Rawalkote bus service resumes today. ARTO Pooch Jahangir Khan says, "The weekly crossing was suspended last Monday. It resumed today. 8 passengers returned to PoK and 2 people from here left too." pic.twitter.com/JazIyzIdE6

— ANI (@ANI) February 25, 2019

ਜ਼ਿਕਰਯੋਗ ਹੈ ਕਿ ਜੰਮੂ ਅਤੇ ਕਸ਼ਮੀਰ ਦੇ ਪੁਲਵਾਮਾ 'ਚ 14 ਫਰਵਰੀ ਨੂੰ ਅੱਤਵਾਦੀ ਹਮਲਾ ਹੋਇਆ ਸੀ। ਪੁੰਛ ਰਾਵਲਕੋਟ ਬਸ ਅਥਾਰਿਟੀ ਦੇ ਅਧਿਕਾਰੀ ਜਹਾਂਗੀਰ ਅਹਿਮਦ ਨੇ ਦੱਸਿਆ ਹੈ ਕਿ ਕੰਟਰੋਲ ਰੇਖਾ ਦੇ ਆਰ-ਪਾਰ ਹਰ ਹਫਤੇ ਚੱਲ ਵਾਲੀ ਬੱਸ ਪਿਛਲੇ ਸੋਮਵਾਰ ਨੂੰ ਤਣਾਅ ਕਾਰਨ ਬੰਦ ਕਰ ਦਿੱਤੀ ਗਈ ਸੀ, ਜੋ ਕਿ ਅੱਜ ਦੁਬਾਰਾ ਬਹਾਲ ਹੋ ਗਈ ਹੈ।