ਪਟਾਕਿਆਂ ''ਤੇ ਪਾਬੰਦੀ ਦੇ ਬਾਵਜੂਦ ਵੀ ਨਹੀਂ ਪਿਆ ਦਿੱਲੀ ''ਚ ਪ੍ਰਦੂਸ਼ਣ ''ਤੇ ਅਸਰ- ਅਧਿਐਨ

ਨਵੀਂ ਦਿੱਲੀ— ਦਿੱਲੀ-ਐੱਨ.ਸੀ.ਆਰ. 'ਚ ਪਟਾਕਿਆਂ ਦੀ ਵਿਕਰੀ 'ਤੇ ਸੁਪਰੀਮ ਕੋਰਟ ਵੱਲੋਂ ਲਾਈ ਗਈ ਪਾਬੰਦੀ ਦੇ ਬਾਵਜੂਦ ਦੀਵਾਲੀ ਦੀ ਰਾਤ ਰਾਜਧਾਨੀ 'ਚ ਜੰਮ ਕੇ ਪਟਾਕੇ ਚਲਾਏ ਗਏ ਅਤੇ ਇਸ ਦਾ ਅਸਰ ਰਾਜਧਾਨੀ ਦੀ ਹਵਾ ਦੀ ਗੁਣਵੱਤਾ 'ਤੇ ਵੀ ਪਿਆ। ਇਹ ਗੱਲ ਪਟਾਕੇ ਚਲਾਉਣ ਤੋਂ ਬਾਅਦ ਕੀਤੇ ਗਏ ਅਧਿਐਨ 'ਚ ਦੱਸੀ ਗਈ ਹੈ। ਦੀਵਾਲੀ ਅਤੇ ਉਸ ਦੇ 2 ਦਿਨ ਬਾਅਦ ਵੀ ਰਾਸ਼ਟਰੀ ਰਾਜਧਾਨੀ ਖੇਤਰ 'ਚ ਰਿਕਾਰਡ ਕੀਤਾ ਗਿਆ ਪ੍ਰਦੂਸ਼ਣ ਦਾ ਪੱਧਰ ਪਹਿਲਾਂ ਤੋਂ ਕੀਤੀ ਗਈ ਭਵਿੱਖਬਾਣੀ ਦੇ ਅਨੁਰੂਪ ਹੀ ਰਿਹਾ। ਅਜਿਹਾ ਦਿਖਾਈ ਦਿੱਤਾ ਹੈ ਕਿ ਸ਼ਹਿਰ 'ਚ ਬਿਨਾਂ ਵਿਕਰੀ ਦੇ ਪਟਾਕਿਆਂ ਦੇ ਪੂਰੇ ਸਟਾਕ ਦੀ ਵਰਤੋਂ ਕੀਤੀ ਗਈ ਹੈ। ਇਨ੍ਹਾਂ ਅੰਕੜਿਆਂ ਤੋਂ ਸੰਕੇਤ ਮਿਲਦਾ ਹੈ ਕਿ ਕੋਰਟ ਵੱਲੋਂ ਸ਼ਹਿਰ 'ਚ ਪਟਾਕਿਆਂ ਦੀ ਵਿਕਰੀ 'ਤੇ ਲਾਈ ਗਈ ਪਾਬੰਦੀ ਦਾ ਕੋਈ ਪ੍ਰਭਾਵ ਨਹੀਂ ਰਿਹਾ ਅਤੇ ਇਸ ਗੱਲ ਨੂੰ ਸਪੱਸ਼ਟ ਕਰਨ 'ਚ ਕਾਫੀ ਪੜਤਾਲ ਹੋਈ ਕਿ ਹਵਾ ਕਿਉਂ ਦੂਸ਼ਿਤ ਰਹੀ। 
ਕੋਰਟ ਦੇ ਫੈਸਲੇ ਦੇ ਪਿੱਛੇ ਇਹ ਵਿਚਾਰ ਸੀ ਕਿ ਇਸ ਗੱਲ ਦਾ ਪਤਾ ਲਾਇਆ ਜਾਵੇ ਕਿ ਪਟਾਕਿਆਂ ਦੀ ਘੱਟ ਵਰਤੋਂ ਕਰਨ ਨਾਲ ਸਰਦੀਆਂ ਦੌਰਾਨ ਦਿੱਲੀ 'ਚ ਪ੍ਰਦੂਸ਼ਣ ਅਹਿੱਤਕਾਰੀ ਤਾਂ ਨਹੀਂ ਰਹੇਗਾ। ਇਸ ਪਾਬੰਦੀ ਦੇ ਨਤੀਜੇ ਵਜੋਂ 19, 20, 21 ਅਕਤੂਬਰ ਨੂੰ ਐਲਾਨ ਪ੍ਰਦੂਸ਼ਣ ਦਾ ਪੱਧਰ ਤਿੰਨ ਪੱਧਰਾਂ 'ਤੇ ਇਕੱਠਾ ਦਿਖਾਈ ਦਿੱਤਾ। ਇਹ ਗੱਲ ਗੋਆ Urban Emissions ਵੱਲੋਂ ਕਹੀ ਗਈ। ਪਹਿਲੇ ਪੜਾਅ 'ਚ ਇਹ ਸੀ ਕਿ ਪਟਾਕਿਆਂ ਦੀ ਵਰਤੋਂ 'ਚ ਕੋਈ ਕਮੀ ਨਹੀਂ ਆਈ, ਦੂਜੇ ਪੜਾਅ 'ਚ 25 ਫੀਸਦੀ ਅਤੇ ਤੀਜੇ ਪੜਾਅ 'ਚ 50 ਫੀਸਦੀ ਕਮੀ ਆਈ। Urban Emissions ਦੇ ਨਿਰਦੇਸ਼ਕ ਸਰਥ ਗੁੱਟੀਕੁੰਡਾ ਨੇ ਕਿਹਾ ਕਿ ਪ੍ਰਦੂਸ਼ਣ ਚਰਨ ਸੀਮਾ 'ਤੇ ਸਿਰਫ ਜ਼ੀਰੋ ਫੀਸਦੀ ਮਿਲਦਾ-ਜੁਲਦਾ ਹੈ, ਜਿਸ ਦਾ ਅਰਥ ਇਹ ਹੈ ਕਿ ਪਾਬੰਦੀ ਦਾ ਕੋਈ ਪ੍ਰਭਾਵ ਨਹੀਂ ਪਿਆ।