ਵਿਆਹ ਤੋਂ ਵਾਪਸ ਆ ਰਹੇ ਲੋਕਾਂ ਨਾਲ ਹੋਇਆ ਦਰਦਨਾਕ ਹਾਦਸਾ, 12 ਜ਼ਖਮੀ

ਗੋਹਰ—ਵਿਆਹ ਸਮਾਰੋਹ ਤੋਂ ਵਾਪਸ ਆ ਰਹੀ ਇਕ ਜੀਪ ਬੁੱਧਵਾਰ ਸ਼ਾਮ ਚੌਲਚੌਕ-ਮੌਵੀਸੇਰੀ ਸੜਕ ਮਾਰਗ ''ਤੇ ਚਾਲਕ ਦੀ ਲਾਪਰਵਾਹੀ ਕਾਰਨ ਸੜਕ ''ਚ ਪਲਟ ਗਈ, ਜਿਸ ਕਾਰਨ ਜੀਪ ''ਚ ਸਵਾਰ ਕਰੀਬ ਇਕ ਦਰਜਨ ਲੋਕ ਬੁਰੀ ਤਰ੍ਹਾਂ ਨਾਲ ਜ਼ਖਮੀ ਹੋ ਗਏ। ਸਾਰੇ ਜ਼ਖਮੀਆਂ ਨੂੰ ਸਥਾਨਕ ਲੋਕਾਂ ਦੀ ਮਦਦ ਨਾਲ ਜੋਨਲ ਹਸਪਤਾਲ ਮੰਡੀ ''ਚ ਭਰਤੀ ਕੀਤਾ ਗਿਆ ਹੈ, ਜਿੱਥੇ ਉਨ੍ਹਾਂ ਦਾ ਇਲਾਜ ਜਾਰੀ ਹੈ। ਪੁਲਸ ਨੇ ਜੀਪ ਚਾਲਕ ਦੇ ਖਿਲਾਫ ਲਾਪਰਵਾਹੀ ਨਾਲ ਵਾਹਨ ਚਲਾਉਣ ਦਾ ਮਾਮਲਾ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਜਾਣਕਾਰੀ ਮੁਤਾਬਕ ਮਝਵਾੜ ਦੇ ਕਿਪੜ ਪਿੰਡ ਤੋਂ ਬੈਲਾ ਪੰਚਾਇਤ ਦੇ ਸ਼ਕੋਹਰ ਪਿੰਡ ਦੇ ਲਈ ਕੁਝ ਲੋਕ ਵਿਆਹ ਸਮਾਰੋਹ ''ਚ ਭਾਗ ਲੈਣ ਆਏ ਹੋਏ ਸੀ। ਵਿਆਹ ''ਚ ਸ਼ਾਮਲ ਹੋਣ ਦੇ ਬਾਅਦ ਸਾਰੇ ਲੋਕ ਜੀਪ ''ਚ ਸਵਾਰ ਹੋ ਕੇ ਜਦੋਂ ਵਾਪਸ ਆ ਰਹੇ ਸੀ ਤਾਂ ਚਾਲਕ ਨੇ ਮੌਵੀਸੇਰੀ ਦੇ ਨੇੜੇ ਲਾਪਰਵਾਹੀ ਨਾਲ ਜੀਪ ਨੂੰ ਸੜਕ ''ਚ ਪਲਟ ਦਿੱਤਾ। ਇਸ ਦੌਰਾਨ ਜੀਪ ''ਚ ਸਵਾਰ 12 ਲੋਕ ਜ਼ਖਮੀ ਹੋ ਗਏ। ਹਾਦਸੇ ਦੀ ਭਣਕ ਲਗਦੇ ਹੀ ਸਥਾਨਕ ਲੋਕ ਮਦਦ ਅਤੇ ਬਚਾਅ ਕੰਮ ਦੇ ਲਈ ਮੌਕੇ ''ਤੇ ਪਹੁੰਚੇ ਅਤੇ ਸਾਰੇ ਜ਼ਖਮੀਆਂ ਨੂੰ ਮੰਡੀ ਜੋਨਲ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਨ੍ਹਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।

ਪੁਲਸ ਨੇ ਘਟਨਾ ਦੀ ਸੂਚਨਾ ਮਿਲਦੇ ਹੀ ਮੌਕੇ ''ਤੇ ਪਹੁੰਚ ਕੇ ਚਾਲਕ ਦੇ ਖਿਲਾਫ ਲਾਪਰਵਾਹੀ ਨਾਲ ਵਾਹਨ ਚਲਾਉਣ ਦਾ ਕੇਸ ਦਰਜ ਕਰਕੇ ਛਾਣਬੀਣ ਸ਼ੁਰੂ ਕਰ ਦਿੱਤੀ ਹੈ। ਪ੍ਰਸ਼ਾਸਨ ਦੇ ਵੱਲੋਂ ਤੋਂ ਪਟਵਾਰੀ ਡੋਲਮ ਨੇਗੀ ਨੇ ਮੰਡੀ ਹਸਪਤਾਲ ਜਾ ਕੇ ਸਾਰੇ ਜ਼ਖਮੀਆਂ ਨੂੰ ਰਾਹਤ ਰਾਸ਼ੀ ਪ੍ਰਦਾਨ ਕਰ ਦਿੱਤੀ ਹੈ। ਐਸ.ਪੀ. ਮੰਡੀ ਪ੍ਰੇਮ ਠਾਕੁਰ ਨੇ ਸੜਕ ਦੁਰਘਟਨਾ ਦੀ ਪੁਸ਼ਟੀ ਕੀਤੀ ਹੈ।