''ਪਹਿਲਗਾਮ ਹਮਲੇ ''ਚ ਮਰਿਆ ਜੋੜਾ ਹੋ ਗਿਆ ਜ਼ਿੰਦਾ''! ਕਪਲ ਨੇ ਸਾਹਮਣੇ ਆ ਕੇ ਦੱਸਿਆ ਪੂਰਾ ਸੱਚ
Thursday, Apr 24, 2025 - 06:50 PM (IST)
ਨੈਸ਼ਨਲ ਡੈਸਕ- ਪਹਿਲਗਾਮ 'ਚ ਹੋਏ ਦਰਦਨਾਕ ਅੱਤਵਾਦੀ ਹਮਲੇ 'ਚ ਮਾਰੇ ਗਏ ਲੋਕਾਂ ਪ੍ਰਤੀ ਹਰ ਭਾਰਤੀ ਨਾਗਰਿਕ ਦੇ ਦਿਲ 'ਚ ਸੰਵੇਦਨਾ ਹੈ। ਪਰ ਇਸ ਹਮਲੇ ਵਿੱਚ ਸ਼ਹੀਦ ਹੋਏ ਹਰਿਆਣਾ ਦੇ ਲੈਫਟੀਨੈਂਟ ਵਿਨੈ ਨਰਵਾਲ ਅਤੇ ਉਨ੍ਹਾਂ ਦੀ ਪਤਨੀ ਹਿਮਾਂਸ਼ੀ ਨਰਵਾਲ ਦੇ ਨਾਮ 'ਤੇ ਇੱਕ ਵੀਡੀਓ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਮਰਹੂਮ ਲੈਫਟੀਨੈਂਟ ਦੀ ਆਪਣੀ ਪਤਨੀ ਨਾਲ ਆਖਰੀ ਵੀਡੀਓ ਹੈ।
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਇੱਕ ਸੋਸ਼ਲ ਮੀਡੀਆ ਇੰਫਲੂਐਂਸਰ ਜੋੜੇ ਯਸ਼ਿਕਾ ਸ਼ਰਮਾ ਅਤੇ ਆਸ਼ੀਸ਼ ਸਹਿਰਾਵਤ ਨੇ ਇੱਕ ਵੀਡੀਓ ਜਾਰੀ ਕਰਕੇ ਦਾਅਵਾ ਕੀਤਾ ਕਿ ਇਹ 19 ਸਕਿੰਟ ਦੀ ਵੀਡੀਓ ਉਨ੍ਹਾਂ ਦੀ ਹੈ। ਜੋੜੇ ਨੇ ਇੰਟਰਨੈੱਟ ਯੂਜ਼ਰਜ਼ ਨੂੰ ਇਹ ਵੀ ਬੇਨਤੀ ਕੀਤੀ ਹੈ ਕਿ ਅਸੀਂ ਵੀ ਲੈਫਟੀਨੈਂਟ ਨੂੰ ਸ਼ਰਧਾਂਜਲੀ ਅਰਪਿਤ ਕਰਦੇ ਹਾਂ ਅਤੇ ਉਨ੍ਹਾਂ ਦੀ ਪਤਨੀ ਪ੍ਰਤੀ ਸੰਵੇਦਨਾ ਪ੍ਰਗਟ ਕਰਦੇ ਹਾਂ ਪਰ ਸਾਡੀ ਵੀਡੀਓ ਨੂੰ ਉਨ੍ਹਾਂ ਦਾ ਹੋਣ ਦਾ ਦਾਅਵਾ ਕਰਕੇ ਨਾ ਫੈਲਾਓ।
ਯਸ਼ਿਕਾ ਸ਼ਰਮਾ ਅਤੇ ਆਸ਼ੀਸ਼ ਸਹਿਰਾਵਤ ਨੇ ਵਾਇਰਲ ਵੀਡੀਓ ਦੇ ਪਿੱਛੇ ਦੀ ਸੱਚਾਈ ਦਾ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਜਿਸ ਵੀਡੀਓ ਨੂੰ ਮਰਹੂਮ ਲੈਫਟੀਨੈਂਟ ਦੀ ਆਖਰੀ ਵੀਡੀਓ ਦੱਸਿਆ ਜਾ ਰਿਹਾ ਹੈ, ਉਹ ਅਸਲ ਵਿੱਚ ਉਨ੍ਹਾਂ ਦੀ ਹੈ। ਜੋੜੇ ਦੇ ਇਸ ਖੁਲਾਸੇ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਜ਼ ਵੀ ਕੁਮੈਂਟ ਬਾਕਸ ਵਿੱਚ ਸਖ਼ਤ ਪ੍ਰਤੀਕਿਰਿਆ ਦੇ ਰਹੇ ਹਨ। ਹਾਲ ਹੀ ਵਿੱਚ ਯਸ਼ਿਕਾ ਬਰਫੀਲੀਆਂ ਪਹਾੜੀਆਂ 'ਤੇ ਵੀ ਗਈ ਸੀ, ਜਿਸਦਾ ਅੰਦਾਜ਼ਾ ਲਗਾ ਕੇ, ਲੋਕਾਂ ਨੇ ਗਲਤ ਵੀਡੀਓ ਵਾਇਰਲ ਕਰ ਦਿੱਤੀ।
ਯਸ਼ਿਕਾ ਇਸ ਵੀਡੀਓ ਦੀ ਸ਼ੁਰੂਆਤ 'ਹਾਂ, ਮੈਂ ਜ਼ਿੰਦਾ ਹਾਂ' ਕਹਿ ਕੇ ਕਰਦੀ ਹੈ ਅਤੇ ਅੱਗੇ ਦੱਸਦੀ ਹੈ ਕਿ ਇਨ੍ਹੀਂ ਦਿਨੀਂ ਇੱਕ ਨੇਵੀ ਅਫਸਰ ਅਤੇ ਉਸਦੀ ਪਤਨੀ ਦੇ ਨਾਮ 'ਤੇ ਇੱਕ ਵੀਡੀਓ ਨਿਊਜ਼ ਚੈਨਲਾਂ ਅਤੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਜੋ ਕਿ ਉਨ੍ਹਾਂ ਦੀ ਆਪਣੀ ਵੀਡੀਓ ਹੈ। ਉਹ ਅੱਗੇ ਕਹਿੰਦੀ ਹੈ ਕਿ ਉਨ੍ਹਾਂ ਨੂੰ ਸੱਚਮੁੱਚ ਨਹੀਂ ਪਤਾ ਕਿ ਇਹ ਕਿਵੇਂ ਹੋ ਰਿਹਾ ਹੈ, ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਅਤੇ ਰਿਸ਼ਤੇਦਾਰ ਉਨ੍ਹਾਂ ਨੂੰ ਬਹੁਤ ਫੋਨ ਕਰ ਰਹੇ ਹਨ।
ਕਲਿੱਪ ਵਿੱਚ ਯਸ਼ਿਕਾ ਲੋਕਾਂ ਨੂੰ ਅੱਗੇ ਬੇਨਤੀ ਕਰਦੀ ਹੈ ਕਿ 'ਕਿਰਪਾ ਕਰਕੇ ਗਲਤ ਜਾਣਕਾਰੀ ਸਾਂਝੀ ਨਾ ਕਰੋ, ਸਾਨੂੰ ਪਹਿਲਗਾਮ ਵਿੱਚ ਜਾਨ ਗੁਆਉਣ ਵਾਲਿਆਂ ਪ੍ਰਤੀ ਪੂਰੀ ਸੰਵੇਦਨਾ ਹੈ।' ਪਰ ਮੈਂ ਜ਼ਿੰਦਾ ਹਾਂ, ਕਲਪਨਾ ਕਰੋ ਕਿ ਉਹ ਲੋਕ ਕਿਵੇਂ ਮਹਿਸੂਸ ਕਰਦੇ ਹੋਣਗੇ ਜਿਨ੍ਹਾਂ ਨਾਲ ਇਹ ਵਾਪਰਿਆ ਹੈ। ਅਸੀਂ ਜ਼ਿੰਦਾ ਹਾਂ, ਕਿਰਪਾ ਕਰਕੇ ਸਾਡੇ ਬਾਰੇ ਗਲਤ ਜਾਣਕਾਰੀ ਨਾ ਫੈਲਾਓ। ਇਸ 70-ਸਕਿੰਟ ਦੀ ਵੀਡੀਓ ਦੇ ਅੰਤ ਵਿੱਚ ਔਰਤ ਕਹਿੰਦੀ ਹੈ ਕਿ ਜੇਕਰ ਤੁਹਾਨੂੰ ਉਹ ਵੀਡੀਓ ਕਿਤੇ ਵੀ ਮਿਲਦੀ ਹੈ ਤਾਂ ਕਿਰਪਾ ਕਰਕੇ ਇਸਦੀ ਰਿਪੋਰਟ ਕਰੋ।
