ਪੈਕ ਤੇ ਮਿਨਰਲ ਵਾਟਰ ਸਿਹਤ ਲਈ ਬੇਹੱਦ ਖ਼ਤਰਨਾਕ! FSSAI ਦੇ ਚੁੱਕੈ ਵਾਰਨਿੰਗ

ਵੈੱਬ ਡੈਸਕ : ਜਦੋਂ ਵੀ ਅਸੀਂ ਘਰ ਤੋਂ ਬਾਹਰ ਜਾਂਦੇ ਹਾਂ ਅਤੇ ਸਾਨੂੰ ਪਾਣੀ ਦੀ ਲੋੜ ਹੁੰਦੀ ਹੈ ਤਾਂ ਅਸੀਂ ਬਿਨਾਂ ਕੁਝ ਸੋਚੇ-ਸਮਝੇ ਮਿਨਰਲ ਵਾਟਰ ਦੀ ਬੋਤਲ ਜਾਂ ਪੈਕ ਕੀਤਾ ਪਾਣੀ ਖਰੀਦ ਲੈਂਦੇ ਹਾਂ। ਲੋਕ ਸੋਚਦੇ ਹਨ ਕਿ ਇਹ ਪਾਣੀ ਉਨ੍ਹਾਂ ਦੀ ਸਿਹਤ ਲਈ ਚੰਗਾ ਹੈ ਪਰ ਅਜਿਹਾ ਨਹੀਂ ਹੈ। ਪੈਕ ਕੀਤਾ ਤੇ ਮਿਨਰਲ ਵਾਟਰ ਵੀ ਸਿਹਤ ਲਈ ਖ਼ਤਰਨਾਕ ਹੋ ਸਕਦਾ ਹੈ। ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਅਥਾਰਟੀ ਆਫ਼ ਇੰਡੀਆ (FSSAI) ਨੇ ਇਨ੍ਹਾਂ ਨੂੰ ਹਾਈ ਰਿਸਕ ਫੂਡ ਸ਼੍ਰੇਣੀ 'ਚ ਸ਼ਾਮਲ ਕੀਤਾ ਹੋਇਆ ਹੈ ਅਤੇ ਇਨ੍ਹਾਂ ਨੂੰ ਲਾਜ਼ਮੀ ਨਿਰੀਖਣ ਤੇ ਤੀਜੀ ਧਿਰ ਆਡਿਟ ਮਾਪਦੰਡਾਂ ਦੇ ਅਧੀਨ ਕਰਨ ਦਾ ਫੈਸਲਾ ਕੀਤਾ ਜਾ ਚੁੱਕਿਆ ਹੈ।

ਖੁਸ਼ੀਆਂ ਨੂੰ ਲੱਗਿਆ ਗ੍ਰਹਿਣ! ਵਿਆਹ ਤੋਂ ਪਰਤ ਰਹੇ ਪਰਿਵਾਰ ਨਾਲ ਵਾਪਰਿਆ ਹਾਦਸਾ

ਕੀ ਕਿਹਾ FSSAI ਨੇ?
ਨਵੀਆਂ ਰਿਪੋਰਟਾਂ ਦੇ ਅਨੁਸਾਰ, FSSAI ਨੇ ਕਿਹਾ ਹੈ ਕਿ ਕੁਝ ਉਤਪਾਦਾਂ ਲਈ ਲਾਜ਼ਮੀ ਬਿਊਰੋ ਆਫ਼ ਇੰਡੀਅਨ ਸਟੈਂਡਰਡਜ਼ (BIS) ਪ੍ਰਮਾਣੀਕਰਣ ਦੀ ਸਮਾਪਤੀ ਦੇ ਨਤੀਜੇ ਵਜੋਂ ਇਹ ਫੈਸਲਾ ਕੀਤਾ ਗਿਆ ਹੈ ਕਿ 'ਪੈਕ ਕੀਤੇ ਪੀਣ ਵਾਲੇ ਪਾਣੀ ਅਤੇ ਮਿਨਰਲ ਪਾਣੀ' ਨੂੰ 'ਉੱਚ-ਜੋਖਮ ਵਾਲੇ ਭੋਜਨ ਸ਼੍ਰੇਣੀਆਂ' ਦੇ ਅਧੀਨ ਵਿਚਾਰਿਆ ਜਾਵੇਗਾ। FSSAI ਨੇ ਕਿਹਾ ਕਿ ਰੈਗੂਲੇਟਰ ਨੇ ਆਪਣੀ ਜੋਖਮ ਅਧਾਰਤ ਨਿਰੀਖਣ ਨੀਤੀ ਨੂੰ ਬਦਲ ਕੇ ਪੈਕ ਕੀਤੇ ਪੀਣ ਵਾਲੇ ਪਾਣੀ ਅਤੇ ਮਿਨਰਲ ਪਾਣੀ ਦੀਆਂ ਸ਼੍ਰੇਣੀਆਂ ਨੂੰ ਸ਼ਾਮਲ ਕੀਤਾ ਹੈ।

🚨 FSSAI declares packaged drinking water and mineral water as a ‘High-Risk Food Category'. pic.twitter.com/SdrdywRUU9

— Indian Tech & Infra (@IndianTechGuide) March 23, 2025

ਕੰਪਨੀਆਂ ਦਾ ਸਾਲਾਨਾ ਨਿਰੀਖਣ ਕੀਤਾ ਜਾਵੇਗਾ
ਹੁਣ ਸਾਰੇ ਪੈਕ ਕੀਤੇ ਅਤੇ ਮਿਨਰਲ ਵਾਟਰ ਨਿਰਮਾਤਾਵਾਂ ਨੂੰ ਸਾਲਾਨਾ ਜੋਖਮ ਅਧਾਰ ਇੰਸਪੈਕਸ਼ਨ ਤੋਂ ਲੰਘਣਾ ਪਵੇਗਾ ਤੇ ਕੰਪਨੀਆਂ ਨੂੰ ਲਾਇਸੈਂਸ ਜਾਂ ਰਜਿਸਟਰਡ ਹੋਣ ਤੋਂ ਪਹਿਲਾਂ ਅਜਿਹੇ ਨਿਰੀਖਣ ਵੀ ਕਰਨੇ ਪੈਣਗੇ। ਆਪਣੇ ਹੁਕਮ 'ਚ ਰੈਗੂਲੇਟਰ ਨੇ ਕਿਹਾ ਕਿ ਭੋਜਨ ਸ਼੍ਰੇਣੀਆਂ ਲਈ ਜਿਨ੍ਹਾਂ ਲਈ ਲਾਜ਼ਮੀ BIS ਪ੍ਰਮਾਣੀਕਰਣ ਦੀ ਜ਼ਰੂਰਤ ਨੂੰ ਹਟਾ ਦਿੱਤਾ ਗਿਆ ਹੈ, ਲਾਇਸੈਂਸ ਜਾਂ ਰਜਿਸਟ੍ਰੇਸ਼ਨ ਦੇਣ ਤੋਂ ਪਹਿਲਾਂ ਨਿਰਮਾਤਾਵਾਂ ਜਾਂ ਪ੍ਰੋਸੈਸਰਾਂ ਦੀ ਜਾਂਚ ਦੀ ਲੋੜ ਹੋਵੇਗੀ।

ਕੈਨੇਡਾ 'ਚ 28 ਅਪ੍ਰੈਲ ਨੂੰ ਹੋਣਗੇ Election! PM ਕਾਰਨੀ ਨੇ ਕਰ'ਤਾ ਐਲਾਨ

ਇਥੋਂ ਕਰਵਾਉਣਾ ਪਵੇਗਾ ਸਾਲਾਨਾ ਆਡਿਟ
FSSAI ਦਾ ਕਹਿਣਾ ਹੈ ਕਿ ਉੱਚ-ਜੋਖਮ ਵਾਲੇ ਭੋਜਨ ਸ਼੍ਰੇਣੀਆਂ ਦੇ ਅਧੀਨ ਸਾਰੇ ਕੇਂਦਰੀ ਤੌਰ 'ਤੇ ਲਾਇਸੰਸਸ਼ੁਦਾ ਨਿਰਮਾਤਾਵਾਂ ਨੂੰ ਆਪਣਾ ਸਾਲਾਨਾ ਆਡਿਟ FSSAI ਦੁਆਰਾ ਮਾਨਤਾ ਪ੍ਰਾਪਤ ਤੀਜੀ ਧਿਰ ਆਡਿਟਿੰਗ ਏਜੰਸੀ ਤੋਂ ਕਰਵਾਉਣਾ ਚਾਹੀਦਾ ਹੈ। ਇਸ ਫੈਸਲੇ ਪਿੱਛੇ ਸਰਕਾਰ ਦਾ ਉਦੇਸ਼ ਇਨ੍ਹਾਂ ਉਤਪਾਦਾਂ ਦੀ ਸੁਰੱਖਿਆ ਅਤੇ ਗੁਣਵੱਤਾ ਦੇ ਮਿਆਰਾਂ ਨੂੰ ਬਿਹਤਰ ਬਣਾਉਣਾ ਹੈ। ਰਿਪੋਰਟ ਦੇ ਅਨੁਸਾਰ, ਇਸ ਤੋਂ ਪਹਿਲਾਂ, ਪੈਕ ਕੀਤੇ ਪੀਣ ਵਾਲੇ ਪਾਣੀ ਉਦਯੋਗ ਨੇ ਸਰਕਾਰ ਨੂੰ ਨਿਯਮਾਂ ਨੂੰ ਸਰਲ ਬਣਾਉਣ ਦੀ ਅਪੀਲ ਕੀਤੀ ਸੀ। ਉਸਨੇ ਸਰਕਾਰ ਨੂੰ ਭਾਰਤੀ ਮਿਆਰ ਬਿਊਰੋ (BIS) ਅਤੇ FSSAI ਦੋਵਾਂ ਤੋਂ ਲਾਜ਼ਮੀ ਦੋਹਰੀ ਪ੍ਰਮਾਣੀਕਰਣ ਪ੍ਰਾਪਤ ਕਰਨ ਦੀ ਸ਼ਰਤ ਨੂੰ ਹਟਾਉਣ ਦੀ ਬੇਨਤੀ ਕੀਤੀ ਸੀ।।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8