ਪਾਰਕ ''ਚ ਪ੍ਰੇਮੀ ਜੋੜਿਆਂ ਨੂੰ ਬੈਠਣ ਤੋਂ ਰੋਕਣ ਲਈ ਵੱਢ ਦਿੱਤੇ ਸਾਲਾਂ ਪੁਰਾਣੇ ਰੁੱਖ, ਵਾਤਾਵਰਣ ਪ੍ਰੇਮੀਆਂ ਨੇ ਕੀਤਾ ਵਿਰੋਧ

ਨੈਸ਼ਨਲ ਡੈਸਕ : ਰਾਜਸਥਾਨ ਦੇ ਭੀਲਵਾੜਾ ਜ਼ਿਲ੍ਹੇ ਤੋਂ ਇੱਕ ਬੇਹੱਦ ਹੈਰਾਨੀਜਨਕ ਅਤੇ ਵਾਤਾਵਰਣ ਨੂੰ ਨੁਕਸਾਨ ਪਹੁੰਚਾਉਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਪਾਰਕ ਵਿੱਚ ਲੱਗੇ ਕਈ ਵੱਡੇ ਤੇ ਛਾਂਦਾਰ ਰੁੱਖਾਂ ਨੂੰ ਸਿਰਫ਼ ਇਸ ਲਈ ਵੱਢ ਦਿੱਤਾ ਗਿਆ ਤਾਂ ਜੋ ਉੱਥੇ ਲੜਕੇ-ਲੜਕੀਆਂ (ਕਪਲਸ) ਨਾ ਬੈਠ ਸਕਣ। ਇਸ ਘਟਨਾ ਤੋਂ ਬਾਅਦ ਇਲਾਕੇ ਦੀਆਂ ਔਰਤਾਂ ਅਤੇ ਵਾਤਾਵਰਣ ਪ੍ਰੇਮੀਆਂ ਵਿੱਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ।

ਕੀ ਹੈ ਪੂਰਾ ਮਾਮਲਾ?
 ਇਹ ਮਾਮਲਾ ਭੀਲਵਾੜਾ ਦੀ ਆਰ.ਕੇ. ਕਾਲੋਨੀ (RK Colony) ਦਾ ਹੈ। ਜਾਣਕਾਰੀ ਅਨੁਸਾਰ, ਸ਼ਨੀਵਾਰ 7 ਫਰਵਰੀ ਨੂੰ ਪਾਰਕ ਵਿੱਚ ਲੱਗੇ ਲਗਭਗ 7 ਤੋਂ 20 ਦੇ ਕਰੀਬ ਵੱਡੇ ਅਤੇ ਸਾਲਾਂ ਪੁਰਾਣੇ ਰੁੱਖਾਂ ਨੂੰ ਜੜ੍ਹੋਂ ਵੱਢ ਦਿੱਤਾ ਗਿਆ। ਇਹ ਰੁੱਖ ਕਈ ਪੰਛੀਆਂ ਦਾ ਰੈਣ-ਬਸੇਰਾ ਸਨ ਅਤੇ ਪਾਰਕ ਦੀ ਹਰਿਆਲੀ ਦਾ ਮੁੱਖ ਸਰੋਤ ਸਨ।

ये प्यार के भी दुश्मन
ये पर्यावरण के भी दुश्मन...
पेड़ों को काटने का कारण जानकर सन्न रह जाएंगे आप। कैसे कैसे नमूने हैं भीलवाड़ा में भगवान ही जाने।
पेड़ों की आड़ में लड़के-लड़कियां बैठे रहते थे, इसलिए पेड़ ही काट डाले।

राम राम राम राम राम राम राम @BhajanlalBjp जी, क्या क्या… https://t.co/DKTVLg7lyF pic.twitter.com/VT1tgsYlIc

— Arvind Chotia (@arvindchotia) February 8, 2026

ਸਾਬਕਾ ਕੌਂਸਲਰ ਦਾ ਦਾਅਵਾ 
ਇਸ ਘਟਨਾ ਨੂੰ ਲੈ ਕੇ ਸਾਬਕਾ ਕੌਂਸਲਰ ਓਮ ਪਾਰਾਸ਼ਰ 'ਤੇ ਦੋਸ਼ ਲੱਗੇ ਹਨ, ਜਿਨ੍ਹਾਂ ਦੇ ਖਿਲਾਫ਼ ਲੋਕਾਂ ਨੇ ਨਾਅਰੇਬਾਜ਼ੀ ਵੀ ਕੀਤੀ। ਪਾਰਾਸ਼ਰ ਦਾ ਤਰਕ ਹੈ ਕਿ ਰੁੱਖ ਬਹੁਤ ਉੱਚੇ ਹੋ ਗਏ ਸਨ ਅਤੇ ਮਕਾਨਾਂ 'ਤੇ ਡਿੱਗਣ ਦਾ ਖਤਰਾ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਨ੍ਹਾਂ ਰੁੱਖਾਂ ਦੀ ਆੜ ਵਿੱਚ 'ਅਸਾਜਿਕ ਤੱਤ' ਅਤੇ ਪ੍ਰੇਮੀ ਜੋੜੇ ਬੈਠਦੇ ਸਨ, ਜਿਸ ਕਾਰਨ ਮੁਹੱਲੇ ਦੇ ਲੋਕਾਂ ਨੂੰ ਪ੍ਰੇਸ਼ਾਨੀ ਹੁੰਦੀ ਸੀ।

ਭਾਵੁਕ ਹੋਈਆਂ ਮੁਹੱਲੇ ਦੀਆਂ ਔਰਤਾਂ 
ਰੁੱਖਾਂ ਦੀ ਕਟਾਈ ਦੇਖ ਕੇ ਕਲੋਨੀ ਦੀਆਂ ਔਰਤਾਂ ਇੰਨੀਆਂ ਦੁਖੀ ਹੋਈਆਂ ਕਿ ਉਹ ਰੋਣ ਲੱਗ ਪਈਆਂ। ਇੱਕ ਮਹਿਲਾ ਨੇ ਦੱਸਿਆ ਕਿ ਉਸਨੇ ਬਹੁਤ ਮਿਨਤਾਂ ਕੀਤੀਆਂ ਕਿ ਸਿਰਫ਼ ਟਾਹਣੀਆਂ ਛਾਂਟੀਆਂ ਜਾਣ, ਪਰ ਕਿਸੇ ਨੇ ਉਸਦੀ ਇੱਕ ਨਾ ਸੁਣੀ ਅਤੇ ਰੁੱਖਾਂ ਨੂੰ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤਾ ਗਿਆ। ਭਾਰੀ ਵਿਰੋਧ ਤੋਂ ਬਾਅਦ ਫਿਲਹਾਲ ਰੁੱਖਾਂ ਦੀ ਕਟਾਈ ਦਾ ਕੰਮ ਰੋਕ ਦਿੱਤਾ ਗਿਆ ਹੈ, ਪਰ ਪਾਰਕ ਹੁਣ ਪਹਿਲਾਂ ਵਾਂਗ ਹਰਾ-ਭਰਾ ਨਹੀਂ ਰਿਹਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e