ਹੋਲੀ ''ਤੇ ਨਹੀਂ ਮਿਲੀ ਸ਼ਰਾਬ ਤਾਂ ਪੀ ਲਿਆ ਸੈਨੇਟਾਈਜ਼ਰ, 2 ਦੀ ਮੌਤ

ਭੋਪਾਲ - ਨਸ਼ੇ ਦੀ ਭੈੜੀ ਆਦਤ ਕਈ ਵਾਰ ਜਿੰਦਗੀ 'ਤੇ ਵੀ ਭਾਰੀ ਪੈ ਜਾਂਦੀ ਹੈ ਜਿਸ ਦੀ ਇੱਕ ਤਸਵੀਰ ਮੱਧ ਪ੍ਰਦੇਸ਼ ਦੇ ਭਿੰਡ ਵਿੱਚ ਸਾਹਮਣੇ ਆਈ ਹੈ। ਇੱਥੇ ਹੋਲੀ 'ਤੇ ਡਰਾਈ ਡੇ ਦੇ ਚੱਲਦੇ ਤਿੰਨ ਦੋਸਤਾਂ ਨੂੰ ਸ਼ਰਾਬ ਨਹੀਂ ਮਿਲੀ ਤਾਂ ਉਨ੍ਹਾਂ ਨੇ ਸੈਨੇਟਾਈਜ਼ਰ ਨੂੰ ਹੀ ਜਾਮ ਬਣਾ ਕੇ ਛਲਕਾਏ। ਇਸ ਵਿੱਚ 2 ਦੋਸਤਾਂ ਦੀ ਮੌਤ ਹੋ ਗਈ। ਤੀਸਰੇ ਦੋਸਤ ਦਾ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।

ਘਟਨਾ ਭਿੰਡ ਦੇ ਚਤੁਰਵੇਦੀ ਨਗਰ ਦੀ ਹੈ। ਇੱਥੇ ਰਹਿਣ ਵਾਲੇ ਤਿੰਨ ਦੋਸਤਾਂ ਰਿੰਕੂ ਲੋਧੀ, ਅਮਿਤ ਰਾਜਪੂਤ ਅਤੇ ਸੰਜੂ ਨੇ ਹੋਲੀ 'ਤੇ ਪਾਰਟੀ ਰੱਖੀ ਸੀ। ਹੋਲੀ 'ਤੇ ਡਰਾਈ ਡੇ ਹੋਣ ਦੀ ਵਜ੍ਹਾ ਨਾਲ ਸ਼ਰਾਬ ਨਹੀਂ ਮਿਲੀ ਤਾਂ ਤਿੰਨਾਂ ਨੇ ਪਾਰਟੀ ਵਿੱਚ ਸੈਨੇਟਾਈਜ਼ਰ ਦੇ ਹੀ ਜਾਮ ਬਣਾਕੇ ਪੀ ਲਿਆ।

ਦਿਨ ਭਰ ਸੈਨੇਟਾਈਜ਼ਰ ਪੀਣ ਤੋਂ ਬਾਅਦ ਤਿੰਨਾਂ ਆਪਣੇ-ਆਪਣੇ ਘਰ ਚਲੇ ਗਏ। ਸ਼ਾਮ ਨੂੰ ਤਿੰਨਾਂ ਦੀ ਹਾਲਤ ਖ਼ਰਾਬ ਹੋਣ ਲੱਗੀ ਜਿਸ 'ਤੇ ਪਰਿਵਾਰ ਵਾਲੇ ਉਨ੍ਹਾਂ ਨੂੰ ਲੈ ਕੇ ਹਸਪਤਾਲ ਪੁੱਜੇ। ਜਿੱਥੇ ਰਿੰਕੂ ਲੋਧੀ ਅਤੇ ਅਮਿਤ ਰਾਜਪੂਤ ਦੀ ਮੌਤ ਹੋ ਗਈ ਜਦੋਂ ਕਿ ਤੀਸਰੇ ਦੋਸਤ ਸੰਜੂ ਦੀ ਹਾਲਤ ਗੰਭੀਰ ਹੋਣ 'ਤੇ ਉਸ ਨੂੰ ਗਵਾਲੀਅਰ ਰੈਫਰ ਕਰ ਦਿੱਤਾ ਗਿਆ।

ਭਿੰਡ ਐੱਸ.ਪੀ. ਮਨੋਜ ਸਿੰਘ ਨੇ ਦੱਸਿਆ ਕਿ ਪੁਲਸ ਨੇ ਮ੍ਰਿਤਕ ਦੇ ਘਰ ਤੋਂ 500-500 ਐੱਮ.ਐੱਲ. ਸੈਨੇਟਾਈਜ਼ਰ ਦੀ ਦੋ ਬੋਤਲਾਂ ਜ਼ਬਤ ਕੀਤੀਆਂ ਹਨ। ਐੱਸ.ਪੀ. ਮਨੋਜ ਸਿੰਘ ਦੇ ਮੁਤਾਬਕ ਜ਼ਬਤ ਕੀਤੀ ਗਈ ਸੈਨੇਟਾਈਜ਼ਰ ਦੀਆਂ ਬੋਤਲਾਂ ਭਿੰਡ ਵਿੱਚ ਨਹੀਂ ਮਿਲਦੀ ਇਸ ਲਈ ਇਸ ਗੱਲ ਦੀ ਸੰਭਾਵਨਾ ਹੈ ਕਿ ਇਸ ਨੂੰ ਇਟਾਵਾ ਤੋਂ ਖਰੀਦਿਆ ਗਿਆ ਹੋਵੇਗਾ। ਇਸ ਸੈਨੇਟਾਈਜ਼ਰ ਵਿੱਚ ਇਥੇਨਾਲ ਦੀ ਮਾਤਰਾ ਜ਼ਿਆਦਾ ਹੈ ਇਸ ਲਈ ਇਸਦਾ ਇੰਨਾ ਖਤਰਨਾਕ ਅਸਰ ਸਰੀਰ 'ਤੇ ਹੋਇਆ ਹੈ।

ਲਾਕਡਾਉਨ ਵਿੱਚ ਨਹੀਂ ਮਿਲੀ ਸ਼ਰਾਬ, ਪੀ ਸੈਨੇਟਾਈਜ਼ਰ
ਇਸ ਤੋਂ ਪਹਿਲਾਂ ਭੋਪਾਲ ਵਿੱਚ ਤਿੰਨ ਭਰਾ ਸ਼ਰਾਬ ਦੀ ਜਗ੍ਹਾ ਸੈਨੇਟਾਈਜ਼ਰ ਪੀ ਗਏ ਸਨ। ਅਸਲ ਵਿੱਚ, ਮੱਧ ਪ੍ਰਦੇਸ਼ ਵਿੱਚ ਕੋਰੋਨਾ ਦੇ ਵੱਧਦੇ ਮਾਮਲਿਆਂ ਦੇ ਚੱਲਦੇ 21 ਮਾਰਚ ਨੂੰ ਭੋਪਾਲ, ਇੰਦੌਰ ਅਤੇ ਜਬਲਪੁਰ ਵਿੱਚ ਲਾਕਡਾਊਨ ਲਗਾਇਆ ਗਿਆ ਸੀ। ਇਸ ਦੀ ਵਜ੍ਹਾ ਨਾਲ ਸ਼ਰਾਬ ਦੀਆਂ ਦੁਕਾਨਾਂ ਬੰਦ ਸਨ। ਇਸ ਦੇ ਚੱਲਦੇ ਤਿੰਨ ਭਰਾ ਸੈਨੇਟਾਈਜ਼ਰ ਪੀ ਗਏ। ਇਸ ਨਾਲ ਤਿੰਨਾਂ ਦੀ ਮੌਤ ਹੋ ਗਈ। ਇਸ ਤਿੰਨਾਂ ਭਰਾਵਾਂ ਨੂੰ ਸ਼ਰਾਬ ਦੀ ਜ਼ਬਰਦਸਤ ਭੈੜੀ ਆਦਤ ਸੀ ਅਤੇ ਇਹੀ ਉਨ੍ਹਾਂ ਦੇ ਲਈ ਜਾਨਲੇਵਾ ਸਾਬਤ ਹੋਈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।