ਵਿਧਾਨ ਸਭਾ ਚੋਣਾਂ ਲੜ ਚੁੱਕਿਆ ਇਹ ਨੇਤਾ ਨਿਕਲਿਆ ਕਾਰ ਚੋਰੀ ਕਰਨ ਵਾਲੇ ਗੈਂਗ ਦਾ ਮੈਂਬਰ

ਨੈਸ਼ਨਲ ਡੈਸਕ - ਉੱਤਰ ਪ੍ਰਦੇਸ਼ ਦੇ ਮੇਰਠ ਦੇ ਕਿਥੋਰ ਵਿਧਾਨ ਸਭਾ ਹਲਕੇ ਤੋਂ ਚੋਣ ਲੜਨ ਵਾਲਾ ਨੇਤਾ ਲਗਜ਼ਰੀ ਕਾਰ ਚੋਰੀ ਕਰਨ ਵਾਲੇ ਗਿਰੋਹ ਦਾ ਮੈਂਬਰ ਨਿਕਲਿਆ। ਦਿੱਲੀ ਪੁਲਸ ਨੇ ਕਾਰ ਚੋਰ ਨੂੰ ਕਾਬੂ ਕਰ ਲਿਆ ਹੈ। ਕਾਰ ਚੋਰੀ ਦੇ ਦੋਸ਼ੀ ਨੇਤਾ ਜੀ ਆਜ਼ਾਦ ਸਮਾਜ ਪਾਰਟੀ ਤੋਂ ਕਿਥੋਰ ਵਿਧਾਨ ਸਭਾ ਤੋਂ ਵਿਧਾਇਕ ਚੋਣ ਲੜ ਚੁੱਕੇ ਹਨ। ਉਨ੍ਹਾਂ ਕੋਲੋਂ ਚੋਰੀ ਦੇ ਪੰਜ ਵਾਹਨ ਵੀ ਬਰਾਮਦ ਕੀਤੇ ਗਏ ਹਨ।

ਮੁਹੰਮਦ ਅਨਸ ਉਰਫ ਹਾਜੀ, ਜਿਸ ਨੇ ਸਾਲ 2022 ਵਿਚ ਆਜ਼ਾਦ ਸਮਾਜ ਪਾਰਟੀ ਦੀ ਟਿਕਟ 'ਤੇ ਮੇਰਠ ਦੀ ਕਿਥੋਰ ਵਿਧਾਨ ਸਭਾ ਤੋਂ ਚੋਣ ਲੜੀ ਸੀ, ਲਗਜ਼ਰੀ ਕਾਰਾਂ ਚੋਰੀ ਕਰਨ ਵਾਲੇ ਗਿਰੋਹ ਦਾ ਮੈਂਬਰ ਨਿਕਲਿਆ ਹੈ। ਮੁਹੰਮਦ ਅਨਸ ਨੂੰ ਦੱਖਣੀ ਪੱਛਮੀ ਦਿੱਲੀ ਦੀ ਏ.ਏ.ਟੀ.ਐਸ. ਟੀਮ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਅਨਸ ਦਿੱਲੀ ਤੋਂ ਚੋਰੀ ਦੀਆਂ ਕਾਰਾਂ ਲਿਆ ਕੇ ਮਹਿੰਗੇ ਭਾਅ 'ਤੇ ਵੇਚਦਾ ਸੀ, ਮੁਹੰਮਦ ਅਨਸ ਸਮੇਤ ਕੁੱਲ 5 ਲੋਕਾਂ ਨੂੰ ਗ੍ਰਿਫ਼ਤਾਰ ਕਰਕੇ ਉਨ੍ਹਾਂ ਕੋਲੋਂ 5 ਲਗਜ਼ਰੀ ਕਾਰਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਗਿਰੋਹ ਨੇ ਆਪਣੇ ਮੈਂਬਰਾਂ ਨਾਲ ਗੱਲਬਾਤ ਕਰਨ ਲਈ ਇਕ ਵਿਸ਼ੇਸ਼ ਐਪ ਤਿਆਰ ਕੀਤਾ ਸੀ ਅਤੇ ਉਸ ਰਾਹੀਂ ਉਹ ਇਕ ਦੂਜੇ ਨਾਲ ਸੰਪਰਕ ਕਰਦੇ ਸਨ।

ਅਨਸ ਚੋਰੀ ਦੀ ਕਾਰ ਲੈਣ ਲਈ ਦਿੱਲੀ ਆਉਂਦਾ ਸੀ
ਫੜੇ ਗਏ ਮੁਲਜ਼ਮਾਂ ਨੇ ਪੁੱਛਗਿੱਛ ਦੌਰਾਨ ਖੁਲਾਸਾ ਕੀਤਾ ਕਿ ਦਿੱਲੀ ਤੋਂ ਲਗਜ਼ਰੀ ਗੱਡੀਆਂ ਚੋਰੀ ਕਰਨ ਤੋਂ ਬਾਅਦ ਇਨ੍ਹਾਂ ਨੂੰ ਵੇਚਣ ਦਾ ਸੌਦਾ ਹੋਇਆ ਸੀ। ਮੁਹੰਮਦ ਅਨਸ 2 ਮਹੀਨਿਆਂ ਦੇ ਅੰਦਰ ਦਿੱਲੀ ਤੋਂ 30 ਦੇ ਕਰੀਬ ਗੱਡੀਆਂ ਚੋਰੀ ਕਰ ਕੇ ਗੈਂਗ ਦੇ ਆਗੂ ਗੁੱਡੂ ਨੂੰ ਵੇਚਦਾ ਸੀ।

ਟੀਮ ਨੇ ਮੁਲਜ਼ਮਾਂ ਦੀ ਨਿਸ਼ਾਨਦੇਹੀ ’ਤੇ ਚੋਰੀ ਦੀਆਂ 5 ਲਗਜ਼ਰੀ ਕਾਰਾਂ ਬਰਾਮਦ ਕੀਤੀਆਂ। ਜਿਸ ਵਿੱਚ 1 ਟੋਇਟਾ ਫਾਰਚੂਨਰ (ਥਾਣਾ ਰਾਜੌਰੀ ਗਾਰਡਨ ਤੋਂ ਚੋਰੀ ਹੋਈ), 1 ਸਵਿਫਟ ਡਿਜ਼ਾਇਰ (ਥਾਣਾ ਬੁੱਧ ਵਿਹਾਰ ਤੋਂ ਚੋਰੀ ਕੀਤੀ ਗਈ) ਅਤੇ 3 ਮਾਰੂਤੀ ਬਰੇਜ਼ਾ (ਥਾਣਾ ਪੰਜਾਬੀ ਬਾਗ ਅਤੇ ਥਾਣਾ ਇੰਦਰਾਪੁਰੀ ਤੋਂ ਚੋਰੀ) ਸ਼ਾਮਲ ਹਨ।