ਛੱਤੀਸਗੜ੍ਹ ਵਿਚ ਨਕਸਲੀਆਂ ਨੇ ਕੀਤੇ ਧਮਾਕੇ, 2 ਜਵਾਨ ਸ਼ਹੀਦ

ਨਾਰਾਇਣਪੁਰ - ਛੱਤੀਸਗੜ੍ਹ ਦੇ ਨਾਰਾਇਣਪੁਰ ਜ਼ਿਲੇ ਵਿਚ ਬੁੱਧਵਾਰ ਰਾਤ ਨਕਸਲੀਆਂ ਨੇ ਦੋ ਵੱਖ-ਵੱਖ ਥਾਵਾਂ 'ਤੇ ਆਈ.ਈ.ਡੀ. ਦੇ ਧਮਾਕੇ ਕੀਤੇ। ਇਸ ਕਾਰਣ ਦੋ ਜਵਾਨ ਸ਼ਹੀਦ ਹੋ ਗਏ ਅਤੇ ਇਕ ਹੋਰ ਜ਼ਖਮੀ ਹੋ ਗਿਆ। 
ਪੁਲਸ ਸੂਤਰਾਂ ਮੁਤਾਬਕ ਸੋਨਪੁਰ ਥਾਣਾ ਖੇਤਰ ਸਥਿਤ ਨਾਰਾਇਣਪੁਰ-ਸੋਨਪੁਰ ਸੜਕ 'ਤੇ ਨਕਸਲੀਆਂ ਨੇ ਇਕ ਆਈ.ਈ.ਡੀ. ਦਾ ਧਮਾਕਾ ਕੀਤਾ। ਇਸ ਕਾਰਣ ਇੰਡੋ ਤਿੱਬਤ ਬਾਰਡਰ ਪੁਲਸ ਦੀ 53ਵੀਂ ਬਟਾਲੀਅਨ ਦਾ ਇਕ ਜਵਾਨ ਬਾਲਾਸਵਾਮੀ ਅਤੇ ਜ਼ਿਲਾ ਰਿਜ਼ਰਵ ਪੁਲਸ ਫੋਰਸ ਦਾ ਜਵਾਨ ਕਨੌਰ ਹੁਸੈਂਡੀ ਸ਼ਹੀਦ ਹੋ ਗਿਆ। ਇਸ ਦੇ ਨਾਲ ਹੀ ਆਕਾਬੇੜਾ ਨੇੜੇ ਇਕ ਹੋਰ ਧਮਾਕੇ ਵਿਚ ਛੱਤੀਸਗੜ੍ਹ ਪੁਲਸ ਦਾ ਇਕ ਜਵਾਨ ਜ਼ਖਮੀ ਹੋ ਗਿਆ, ਜਿਸ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।