ਸਮੁੰਦਰੀ ਫੌਜ ਨੂੰ ਮਿਲਿਆ ਸਵਦੇਸ਼ੀ ‘ਸਟੀਲਥ ਫ੍ਰੀਗੇਟ’ ਤਾਰਾਗਿਰੀ

ਨਵੀਂ ਦਿੱਲੀ (ਭਾਸ਼ਾ) - ਅਤਿ-ਆਧੁਨਿਕ ਜੰਗੀ ਸਮਰੱਥਾਵਾਂ ਨਾਲ ਲੈਸ ਸਵਦੇਸ਼ੀ ਤੌਰ ’ਤੇ ਵਿਕਸਤ ‘ਸਟੀਲਥ ਫ੍ਰੀਗੇਟ’ ਤਾਰਾਗਿਰੀ ਭਾਰਤੀ ਫੌਜ ਨੂੰ ਸੌਂਪ ਦਿੱਤਾ ਗਿਆ ਹੈ। ਅਧਿਕਾਰੀਆਂ ਨੇ ਸ਼ਨੀਵਾਰ ਦੱਸਿਆ ਕਿ ਨੀਲਗਿਰੀ-ਸ਼੍ਰੇਣੀ (ਪ੍ਰਾਜੈਕਟ 17 ਏ) ਦਾ ਚੌਥਾ ਜਹਾਜ਼ ਤੇ ਮਜ਼ਾਗਨ ਡਾਕ ਸ਼ਿਪ ਬਿਲਡਿੰਗ ਲਿਮਟਿਡ ਵੱਲੋਂ ਬਣਾਇਆ ਗਿਆ ਤੀਜਾ ਜਹਾਜ਼ ਤਾਰਾਗਿਰੀ (ਯਾਰਡ 12653) ਮੁੰਬਈ ਦੇ ਐੱਮ. ਡੀ. ਐੱਲ. ਵਿਖੇ ਭਾਰਤੀ ਸਮੁੰਦਰੀ ਫੌਜ ਨੂੰ ਸੌਂਪ ਦਿੱਤਾ ਗਿਆ।

ਇਹ ਜੰਗੀ ਜਹਾਜ਼ਾਂ ਦੇ ਡਿਜ਼ਾਈਨ ਤੇ ਨਿਰਮਾਣ ’ਚ ਸਵੈ-ਨਿਰਭਰਤਾ ਵੱਲ ਇਕ ਅਹਿਮ ਮੀਲ ਪੱਥਰ ਹੈ। ਇਹ ਸਵਦੇਸ਼ੀ ਫ੍ਰੀਗੇਟ ਸਮੁੰਦਰੀ ਫੌਜ ਦੇ ਡਿਜ਼ਾਈਨ, ਸਟੀਲਥ, ਫਾਇਰ ਪਾਵਰ, ਆਟੋਮੇਸ਼ਨ ਤੇ ਬਚਾਅ ’ਚ ਬੇਮਿਸਾਲ ਹੈ। ਫੌਜੀ ਉਪਕਰਣਾਂ ’ਚ ਵੀ ਇਹ ਸਵੈ-ਨਿਰਭਰਤਾ ਦਾ ਪ੍ਰਤੀਕ ਹੈ।