ਲਾਪਤਾ ਲੜਕੀ ਪ੍ਰੇਮੀ ਨਾਲ ਹੋਟਲ ਵਿੱਚ ਫੜੀ, ਦਿੱਲੀ ਜਾ ਕੇ ਕਰਨ ਵਾਲੇ ਸੀ ਵਿਆਹ

ਭਾਗਲਪੁਰ— ਪੁਰਣੀਆਂ ਦੇ ਨਾਲਾ ਚੌਕ ਤੋਂ ਗਾਇਬ ਲੜਕੀ ਭਾਗਲਪੁਰ ਦੇ ਕੋਤਵਾਲੀ ਥਾਣਾ ਖੇਤਰ ਦੇ ਇਕ ਹੋਟਲ 'ਚ ਪ੍ਰੇਮੀ ਨਾਲ ਫੜੀ ਗਈ। ਦੋਹੇਂ ਹੋਟਲ 'ਚ ਪਤੀ-ਪਤਨੀ ਬਣ ਕੇ ਰੁੱਕੇ ਹੋਏ ਸੀ। ਮੋਬਾਇਲ ਲੋਕੇਸ਼ਨ ਦੇ ਆਧਾਰ 'ਤੇ ਕੋਤਵਾਲੀ ਪੁਲਸ ਨੇ ਦੋਹਾਂ ਨੂੰ ਐਮ.ਪੀ ਤ੍ਰਿਵੇਦੀ ਰੋਡ ਦੇ ਇਕ ਹੋਟਲ ਤੋਂ ਫੜਿਆ ਅਤੇ ਪੁਰਣੀਆਂ ਪੁਲਸ ਨੂੰ ਸੂਚਨਾ ਦਿੱਤੀ। ਲੜਕੇ ਦੀਪਕ ਕੁਮਾਰ ਨੇ ਦੱਸਿਆ ਕਿ ਤਿੰਨ ਸਾਲ ਤੋਂ ਉਸ ਦਾ ਪ੍ਰੇਮ-ਪਸੰਗ ਚੱਲ ਰਿਹਾ ਹੈ। ਦੋਹੇਂ ਸੋਮਵਾਰ ਨੂੰ ਘਰ ਤੋਂ ਭੱਜੇ ਸੀ ਅਤੇ ਭਾਗਲਪੁਰ ਆਏ ਸੀ।
ਭਾਗਲਪੁਰ ਤੋਂ ਵੀਰਵਾਰ ਨੂੰ ਦਿੱਲੀ ਜਾਣਾ ਸੀ। ਮਿਲਣ ਦੀ ਜਾਣਕਾਰੀ 'ਤੇ ਪਰਿਵਾਰਕ ਮੈਂਬਰ ਕੋਤਵਾਲੀ ਪੁੱਜੇ। ਲੜਕਾ-ਲੜਕੀ ਦੋਹੇਂ ਦੋ ਜਾਤੀ ਦੇ ਹੋਣ ਕਾਰਨ ਲੜਕੀ ਪੱਖ ਵਿਆਹ ਲਈ ਤਿਆਰ ਨਹੀਂ ਹੈ। ਲੜਕੀ ਪੱਖ ਵੱਲੋਂ ਪੁਰਣੀਆਂ ਸਦਰ ਥਾਣੇ 'ਚ ਗੁਮਸ਼ੁੱਦਗੀ ਦੀ ਰਿਪੋਰਟ ਦਰਜ ਕਰਵਾਈ ਗਈ ਹੈ। ਦੀਪਕ ਦੀ ਲੜਕੀ ਨਾਲ ਦਿੱਲੀ ਲੈ ਜਾ ਕੇ ਵਿਆਹ ਕਰਨ ਦੀ ਯੋਜਨਾ ਸੀ।