ਸੋਨਭੱਦਰ ਖਾਨ ਹਾਦਸਾ: ਪੰਜ ਹੋਰ ਲਾਸ਼ਾਂ ਬਰਾਮਦ, ਮੌਤਾਂ ਦੀ ਗਿਣਤੀ ਛੇ ਹੋਈ

ਨੈਸ਼ਨਲ ਡੈਸਕ : ਸੋਨਭੱਦਰ ਵਿੱਚ ਬਿੱਲੀ ਮਾਰਕੰਡੀ ਖਾਨ ਹਾਦਸੇ ਵਿੱਚ ਪੰਜ ਹੋਰ ਲਾਸ਼ਾਂ ਮਿਲਣ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਛੇ ਹੋ ਗਈ ਹੈ। ਜ਼ਿਲ੍ਹਾ ਮੈਜਿਸਟਰੇਟ ਬੀ.ਐਨ. ਸਿੰਘ ਨੇ ਦੱਸਿਆ ਕਿ 16 ਅਤੇ 17 ਨਵੰਬਰ ਦੀ ਅੱਧੀ ਰਾਤ ਅਤੇ ਸੋਮਵਾਰ ਦੁਪਹਿਰ ਦੇ ਵਿਚਕਾਰ ਮਲਬੇ ਵਿੱਚੋਂ ਪੰਜ ਹੋਰ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। 
ਉਨ੍ਹਾਂ ਦੀ ਪਛਾਣ ਇੰਦਰਜੀਤ (30), ਸੰਤੋਸ਼ (30), ਰਵਿੰਦਰ (18), ਰਾਮ ਖੇਲਾਵਨ (32) ਅਤੇ ਕ੍ਰਿਪਾਸ਼ੰਕਰ ਵਜੋਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਪੰਜ ਹੋਰ ਲਾਸ਼ਾਂ ਮਿਲਣ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਛੇ ਹੋ ਗਈ ਹੈ। ਸੋਨਭੱਦਰ ਜ਼ਿਲ੍ਹੇ ਦੇ ਓਬਰਾ ਥਾਣਾ ਖੇਤਰ ਵਿੱਚ ਬਿੱਲੀ ਮਾਰਕੰਡੀ ਖਾਨ ਖੇਤਰ ਵਿੱਚ ਸ਼ਨੀਵਾਰ ਸ਼ਾਮ ਨੂੰ ਪਹਾੜੀ ਦੇ ਇੱਕ ਹਿੱਸੇ ਵਿੱਚ ਦਰਾਰ ਪੈਣ ਕਾਰਨ ਇੱਕ ਖਾਨ ਢਹਿ ਗਈ।
 ਐਤਵਾਰ ਨੂੰ ਰਾਜੂ ਸਿੰਘ (30) ਨਾਮ ਦੇ ਇੱਕ ਮਜ਼ਦੂਰ ਦੀ ਲਾਸ਼ ਮਲਬੇ ਵਿੱਚੋਂ ਬਰਾਮਦ ਕੀਤੀ ਗਈ। ਸੋਨਭੱਦਰ ਦੇ ਪੁਲਿਸ ਸੁਪਰਡੈਂਟ (ਐਸਪੀ) ਅਭਿਸ਼ੇਕ ਵਰਮਾ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਬਿੱਲੀ ਮਾਰਕੁੰਡੀ ਵਿੱਚ ਕ੍ਰਿਸ਼ਨਾ ਮਾਈਨਿੰਗ ਵਰਕਸ ਖਾਨ ਵਿੱਚ ਪਹਾੜੀ ਦਾ ਇੱਕ ਹਿੱਸਾ ਢਹਿ ਜਾਣ ਕਾਰਨ ਕਈ ਮਜ਼ਦੂਰ ਮਲਬੇ ਹੇਠ ਦੱਬ ਗਏ ਸਨ। 
ਕ੍ਰਿਸ਼ਨਾ ਮਾਈਨਿੰਗ ਵਰਕਸ ਦੇ ਮਾਲਕ ਸਮੇਤ ਤਿੰਨ ਲੋਕਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ। ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰਨ ਅਤੇ ਉਨ੍ਹਾਂ ਦੀ ਭਾਲ ਲਈ ਵਿਸ਼ੇਸ਼ ਟੀਮਾਂ ਬਣਾਈਆਂ ਗਈਆਂ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਰਾਸ਼ਟਰੀ ਆਫ਼ਤ ਪ੍ਰਤੀਕਿਰਿਆ ਬਲ (ਐਨਡੀਆਰਐਫ) ਅਤੇ ਰਾਜ ਆਫ਼ਤ ਪ੍ਰਤੀਕਿਰਿਆ ਬਲ (ਐਸਡੀਆਰਐਫ) ਦੀਆਂ ਟੀਮਾਂ ਵੀ ਬਚਾਅ ਕਾਰਜ ਵਿੱਚ ਸ਼ਾਮਲ ਹਨ।