UP ਚੋਣਾਂ 2022: ਕੇਸ਼ਵ ਮੌਰਿਆ ਬੋਲੇ- 10 ਮਾਰਚ ਨੂੰ ਬੰਗਾਲ ਦੀ ਖਾੜ੍ਹੀ ’ਚ ਡਿੱਗੇਗੀ ਸਾਈਕਲ

ਲਖਨਊ– ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ’ਚ ਅੱਜ ਯਾਨੀ ਐਤਵਾਰ ਨੂੰ 5ਵੇਂ ਪੜਾਅ ਲਈ ਵੋਟਿੰਗ ਹੋ ਰਹੀ ਹੈ। ਪ੍ਰਯਾਗਰਾਜ, ਅਯੁੱਧਿਆ, ਅਮੇਠੀ, ਸੁਲਤਾਨਪੁਰ, ਚਿਤਰਕੂਟ, ਗੋਂਡਾ, ਬਹਰਾਈਚ, ਸ਼੍ਰਾਵਸਤੀ, ਰਾਏਬਰੇਲੀ, ਪ੍ਰਤਾਪਗੜ੍ਹ, ਕੌਸ਼ਾਂਬੀ, ਬਾਰਾਬੰਕੀ ਜ਼ਿਲ੍ਹੇ ’ਚ ਵੋਟਿੰਗ ਹੋ ਰਹੀ ਹੈ। ਇਸ ਪੜਾਅ ’ਚ 12 ਜ਼ਿਲ੍ਹਿਆਂ ਦੀਆਂ 61 ਵਿਧਾਨ ਸਭਾ ਸੀਟਾਂ ’ਤੇ ਵੋਟਿੰਗ ਹੋਣੀ ਹੈ। ਇਨ੍ਹਾਂ 61 ਸੀਟਾਂ ’ਤੇ 692 ਉਮੀਦਵਾਰ ਮੈਦਾਨ ’ਚ ਹਨ। 

ਉੱਤਰ ਪ੍ਰਦੇਸ਼ ਦੇ ਉਪ-ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਮੌਰਿਆ ਨੇ ਵਿਧਾਨ ਸਭਾ ਚੋਣਾਂ ਦੇ 5ਵੇਂ ਪੜਾਅ ’ਚ ਕੌਸ਼ਾਂਬੀ ’ਚ ਆਪਣੇ ਘਰ ਪੂਜਾ ਕੀਤੀ। ਉੱਪ-ਮੁੱਖ ਮੰਤਰੀ ਸਿਰਾਥੂ ਚੋਣ ਖੇਤਰ ਤੋਂ ਭਾਜਪਾ ਉਮੀਦਵਾਰ ਦੇ ਰੂਪ ’ਚ ਚੋਣ ਲੜ ਰਹੇ ਹਨ। ਮੀਡੀਆ ਨਾਲ ਗੱਲਬਾਤ ’ਚ ਕੇਸ਼ਵ ਮੌਰਿਆ ਨੇ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਸਿਰਾਥੂ ਦੇ ਲੋਕ ਕਮਲ ਖਿੜਾਉਣਗੇ ਅਤੇ ਸਿਰਾਥੂ ਦੇ ਬੇਟੇ ਨੂੰ ਵੱਡੇ ਫਰਕ ਨਾਲ ਜਿਤਾਉਣਗੇ। ਬੀ.ਜੇ.ਪੀ. ਸਰਕਾਰ ਯੂ.ਪੀ. ਦੇ 24 ਕਰੋੜ ਲੋਕਾਂ ਦੇ ਕਲਿਆਣ ਲਈ ਕੰਮ ਕਰ ਰਹੀ ਹੈ। ਇਸ ਲਈ ਲੋਕਾਂ ਨੇ ਮਨ ਬਣਾ ਲਿਆ ਹੈ ਕਿ ਕਮਲ ਖਿੜਾਉਣਾ ਹੈ। 

On 10th March, with the blessings of people, the Cycle of Akhilesh Yadav who is flying high in the sky of arrogance, will fall in the Bay of Bengal. His bicycle had flown to Saifai first and now it will go to the Bay of Bengal: Deputy CM KP Maurya #UttarPradeshElections pic.twitter.com/xvtfd4TiNb

— ANI UP/Uttarakhand (@ANINewsUP) February 27, 2022

ਡਿਪਟੀ ਸੀ.ਐੱਮ. ਨੇ ਕਿਹਾ ਕਿ 10 ਮਾਰਚ ਨੂੰ ਲੋਕਾਂ ਦੇ ਆਸ਼ੀਰਵਾਦ ਨਾਲ ਅਹੰਕਾਰ ਦੇ ਆਸਮਾਨ ’ਚ ਉੱਚੀ ਉਡਾਣ ਭਰਨ ਵਾਲੇ ਅਖਿਲੇਸ਼ ਯਾਦਵ ਦੀ ਸਾਈਕਲ ਬੰਗਾਲ ਦੀ ਖਾੜ੍ਹੀ ’ਚ ਡਿੱਗੇਗੀ। ਉਨ੍ਹਾਂ ਦੀ ਸਾਈਕਲ ਪਹਿਲਾਂ ਸੈਫਈ ਲਈ ਉੱਡੀ ਸੀ ਅਤੇ ਹੁਣ ਬੰਗਾਲ ਦੀ ਖਾੜ੍ਹੀ ’ਚ ਡਿੱਗੇਗੀ।