ਸ਼ਿਵ ਸੈਨਾ ਸੰਸਦ ਮੈਂਬਰ ਰਾਜੇਂਦਰ ਗਾਵਿਤ ਭਾਜਪਾ ''ਚ ਮੁੜ ਤੋਂ ਸ਼ਾਮਲ

ਮੁੰਬਈ (ਭਾਸ਼ਾ)- ਸ਼ਿਵ ਸੈਨਾ ਸੰਸਦ ਮੈਂਬਰ ਰਾਜੇਂਦਰ ਗਾਵਿਤ ਮੰਗਲਵਾਰ ਨੂੰ ਮਹਾਰਾਸ਼ਟਰ ਦੇ ਉੱਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਦੀ ਮੌਜੂਦਗੀ 'ਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) 'ਚ ਮੁੜ ਸ਼ਾਮਲ ਹੋ ਗਏ। ਗਾਵਿਤ ਪਾਲਘਰ ਲੋਕ ਸਭਾ ਸੀਟ ਤੋਂ ਮੌਜੂਦਾ ਸੰਸਦ ਮੈਂਬਰ ਹਨ। ਸਾਬਕਾ ਕਾਂਗਰਸੀ ਗਾਵਿਤ ਕਾਂਗਰਸ-ਰਾਕਾਂਪਾ ਗਠਜੋੜ ਸਰਕਾਰ 'ਚ ਮੰਤਰੀ ਵੀ ਰਹੇ ਹਨ। ਉਹ 2018 'ਚ ਭਾਜਪਾ ਦੇ ਟਿਕਟ 'ਤੇ, ਜ਼ਿਮਨੀ ਚੋਣ 'ਚ ਪਾਲਘਰ ਤੋਂ ਪਹਿਲੀ ਵਾਰ ਸੰਸਦ ਮੈਂਬਰ ਬਣੇ। 2019 'ਚ ਅਣਵੰਡੇ ਸ਼ਿਵ ਸੈਨਾ ਨੇ ਗਾਵਿਤ ਨੂੰ ਆਪਣਾ ਉਮੀਦਵਾਰ ਬਣਾ ਕੇ ਇਹ ਸੀਟ ਲੈ ਲਈ।

ਇਸ ਸਾਲ ਹੋਈਆਂ ਲੋਕ ਸਭਾ ਚੋਣਾਂ 'ਚ ਉਨ੍ਹਾਂ ਨੇ ਇਹ ਸੀਟ ਬਰਕਰਾਰ ਰੱਖੀ। ਜਦੋਂ 2022 'ਚ ਸ਼ਿਵ ਸੈਨਾ ਵੰਡੀ ਗਈ ਤਾਂ ਗਾਵਿਤ ਪਾਰਟੀ ਦੇ ਏਕਨਾਥ ਸ਼ਿੰਦੇ ਦੀ ਅਗਵਾਈ ਵਾਲੇ ਗੁਟ 'ਚ ਸ਼ਾਮਲ ਹੋ ਗਏ। ਇਸ ਮੌਕੇ ਫੜਨਵੀਸ ਨੇ ਕਿਹਾ ਕਿ ਭਾਜਪਾ ਨੂੰ ਲੱਗਾ ਕਿ ਰਾਜ ਨੂੰ ਗਾਵਿਤ ਦੀ ਲੋੜ ਹੈ ਅਤੇ ਇਸ ਲਈ ਉਹ ਪਾਰਟੀ 'ਚ ਆਏ ਹਨ। ਉਨ੍ਹਾਂ ਕਿਹਾ ਕਿ ਭਾਜਪਾ ਨੇ ਮਹਾਯੁਤੀ ਦੇ ਸੀਟ ਵੰਡ ਦੇ ਸਮਝੌਤੇ 'ਚ ਪਾਲਘਰ ਲੋਕ ਸਭਾ ਖੇਤਰ ਲੈ ਲਿਆ ਹੈ ਅਤੇ ਹੇਮੰਤ ਸਾਵਰਾ ਨੂੰ ਇਸ ਸੀਟ ਤੋਂ ਆਪਣਾ ਉਮੀਦਵਾਰ ਬਣਾਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8