ਮਹਾਕੁੰਭ ਨਾਲ ਵਧੇਗੀ ਦੇਸ਼ ਦੀ ਅਰਥਵਿਵਸਥਾ, ਸ਼ਰਧਾਲੂ ਖਰਚ ਕਰ ਸਕਦੇ ਹਨ 4 ਲੱਖ ਕਰੋੜ ਤੋਂ ਵੱਧ
Sunday, Jan 12, 2025 - 03:59 PM (IST)
ਪ੍ਰਯਾਗਰਾਜ- ਮਹਾਕੁੰਭ ਮੇਲਾ, ਜਿਸ ਨੂੰ ਮਨੁੱਖਤਾ ਦਾ ਸਭ ਤੋਂ ਵੱਡਾ ਸੱਭਿਆਚਾਰਕ ਸਮਾਗਮ ਮੰਨਿਆ ਜਾਂਦਾ ਹੈ, ਨਾ ਸਿਰਫ਼ ਅਧਿਆਤਮਿਕ ਮਹੱਤਵ ਰੱਖਦਾ ਹੈ ਬਲਕਿ ਇਸ ਦਾ ਆਰਥਿਕ ਪ੍ਰਭਾਵ ਵੀ ਅਸਾਧਾਰਣ ਹੈ। 2024 ਦੇ ਮਹਾਕੁੰਭ ਤੋਂ 4 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਵਪਾਰ ਹੋਣ ਦੀ ਉਮੀਦ ਹੈ, ਜੋ ਭਾਰਤ ਦੀ ਅਰਥਵਿਵਸਥਾ ਨੂੰ ਵੱਡੇ ਪੈਮਾਨੇ 'ਤੇ ਉਤਸ਼ਾਹ ਦੇਵੇਗਾ। ਇਹ ਆਯੋਜਨ ਨਾ ਸਿਰਫ਼ ਜੀਡੀਪੀ 'ਚ 1 ਫੀਸਦੀ ਤੋਂ ਵੱਧ ਵਾਧਾ ਕਰੇਗਾ ਬਲਕਿ ਸਰਕਾਰੀ ਮਾਲੀਏ ਨੂੰ ਵੀ ਨਵੀਆਂ ਉਚਾਈਆਂ 'ਤੇ ਲੈ ਜਾਵੇਗਾ।
40 ਕਰੋੜ ਸ਼ਰਧਾਲੂ ਆਉਣ ਦੀ ਉਮੀਦ
ਉੱਤਰ ਪ੍ਰਦੇਸ਼ ਸਰਕਾਰ ਅਨੁਸਾਰ, ਇਸ ਆਯੋਜਨ 'ਚ 40 ਕਰੋੜ ਤੋਂ ਵੱਧ ਘਰੇਲੂ ਅਤੇ ਅੰਤਰਰਾਸ਼ਟਰੀ ਸ਼ਰਧਾਲੂਆਂ ਦੇ ਆਉਣ ਦੀ ਉਮੀਦ ਹੈ। ਜੇਕਰ ਹਰੇਕ ਵਿਅਕਤੀ ਔਸਤਨ 5000-10,000 ਰੁਪਏ ਖਰਚ ਕਰਦਾ ਹੈ ਤਾਂ ਕੁੱਲ ਖਰਚ 4.5 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਸਕਦਾ ਹੈ। ਇਸ 'ਚ ਘਰ, ਆਵਾਜਾਈ, ਖਾਣ-ਪੀਣ, ਹਸਤਸ਼ਿਲਪ ਅਤੇ ਸੈਰ-ਸਪਾਟੇ ਵਰਗੇ ਵੱਖ-ਵੱਖ ਖੇਤਰਾਂ ਨੂੰ ਫਾਇਦਾ ਹੋਵੇਗਾ। ਇਹ ਖਰਚ ਜਨਵਰੀ ਅਤੇ ਫਰਵਰੀ ਦੇ ਮਹੀਨਿਆਂ ਦੌਰਾਨ ਗੈਰ-ਯੋਜਨਾਬੱਧ ਵਾਧੂ ਆਰਥਿਕ ਗਤੀਵਿਧੀਆਂ ਦਾ ਪ੍ਰਤੀਨਿਧੀਤੱਵ ਕਰਦਾ ਹੈ।
ਇਹ ਵੀ ਪੜ੍ਹੋ : ਮੁੜ ਵਧੀਆਂ ਸਕੂਲਾਂ ਦੀਆਂ ਛੁੱਟੀਆਂ, ਇੰਨੇ ਦਿਨ ਹੋਰ ਬੰਦ ਰਹਿਣਗੇ ਸਕੂਲ
GDP ਤੇ ਟੈਕਸ 'ਚ ਹੋਵੇਗਾ ਵਾਧਾ
ਮਹਾਕੁੰਭ ਨਾਲ ਜੀਪੀਡੀ ਦੇ ਅੰਕੜਿਆਂ 'ਚ 1 ਫੀਸਦੀ ਤੋਂ ਵੱਧ ਦਾ ਵਾਧਾ ਹੋਣ ਦਾ ਅਨੁਮਾਨ ਹੈ। 2023-24 'ਚ ਭਾਰਤ ਦੀ ਜੀਡੀਪੀ 295.36 ਲੱਖ ਕਰੋੜ ਰੁਪਏ ਸੀ, ਜੋ 2024-25 'ਚ 324.11 ਲੱਖ ਕਰੋੜ ਰੁਪਏ ਤੱਕ ਵਧਣ ਦੀ ਉਮੀਦ ਹੈ। ਅਸੀਂ ਵਾਧੇ 'ਚ ਮਹਾਕੁੰਭ ਦਾ ਮਹੱਤਵਪੂਰਨ ਯੋਗਦਾਨ ਹੋਵੇਗਾ। ਸਰਕਾਰ ਦਾ ਕੁੱਲ ਮਾਲੀਆ, ਜਿਸ 'ਚ ਜੀ.ਐੱਸ.ਟੀ., ਇਨਕਮ ਟੈਕਸ ਅਤੇ ਹੋਰ ਅਸਿੱਧੇ ਟੈਕਸ ਸ਼ਾਮਲ ਹਨ, ਇਕ ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਸਕਦਾ ਹੈ। ਇਕੱਲੇ ਜੀਐੱਸਟੀ ਇਕੱਠ 50,000 ਕਰੋੜ ਰੁਪਏ ਦਾ ਅੰਕੜਾ ਛੂਹ ਸਕਦਾ ਹੈ।
ਇਹ ਵੀ ਪੜ੍ਹੋ : ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ 66 ਸਾਲ ਪੁਰਾਣਾ ਸੋਨੇ ਦਾ ਬਿੱਲ, 1 ਤੋਲੇ ਦੀ ਕੀਮਤ ਸੁਣ ਹੋਵੋਗੇ ਹੈਰਾਨ
ਸੂਬਾ ਸਰਕਾਰ ਨੇ ਬਣਾਈ 16,000 ਕਰੋੜ ਰੁਪਏ ਦੇ ਨਿਵੇਸ਼ ਦੀ ਯੋਜਨਾ
ਉੱਤਰ ਪ੍ਰਦੇਸ਼ ਸਰਕਾਰ ਨੇ ਮਹਾਕੁੰਭ ਲਈ 16,000 ਕਰੋੜ ਰੁਪਏ ਦੇ ਨਿਵੇਸ਼ ਦੀ ਯੋਜਨਾ ਬਣਾਈ ਹੈ। ਇਹ ਨਿਵੇਸ਼ ਉੱਚ ਰਿਟਰਨ ਦੇਣ ਵਾਲਾ ਸਾਬਿਤ ਹੋ ਰਿਹਾ ਹੈ, ਜਿਸ ਨਾਲ ਸੰਸਕ੍ਰਿਤਕ ਅਤੇ ਆਰਥਿਕ ਦੋਵੇਂ ਲਾਭ ਹੋ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
