ਜੋਸ਼ੀਮੱਠ ''ਚ ਸੰਕਟ; ਆਫ਼ਤ ਦੀ ਭੇਟ ਚੜ੍ਹਿਆ ਘਰ ਤਾਂ ਮੰਦਰ ''ਚ ਲਏ ਸੱਤ ਫੇਰੇ, ਯਾਦਗਾਰ ਬਣਿਆ ਵਿਆਹ

ਚਮੋਲੀ- ਉੱਤਰਾਖੰਡ ਦੇ ਜੋਸ਼ੀਮੱਠ 'ਚ ਜ਼ਮੀਨ ਧੱਸਣ ਕਾਰਨ ਲੋਕਾਂ ਦੀ ਇਕ ਪਾਸੇ ਜਿੱਥੇ ਮੁਸ਼ਕਲਾਂ ਜਾਰੀ ਹਨ ਤਾਂ ਉੱਥੇ ਹੀ ਦੂਜੇ ਪਾਸੇ ਜ਼ਿੰਦਗੀ ਦੀਆਂ ਰਸਮਾਂ ਵੀ ਪੂਰੀ ਤਰ੍ਹਾਂ ਨਿਭਾਈਆਂ ਜਾ ਰਹੀਆਂ ਹਨ। ਕੁਝ ਲੋਕ ਅਜਿਹੇ ਵੀ ਹਨ, ਜਿਨ੍ਹਾਂ ਦੇ ਪਰਿਵਾਰ 'ਚ ਵਿਆਹ ਸਮਾਰੋਹ ਅਤੇ ਹੋਰ ਮੰਗਲ ਕਾਰਜ ਹੋਣੇ ਸਨ। ਆਫ਼ਤ ਕਾਰਨ ਉਨ੍ਹਾਂ ਦੇ ਸਮਾਰੋਹ ਦੀ ਤਿਆਰੀ ਅਤੇ ਵਿਵਸਥਾਵਾਂ ਵੀ ਪ੍ਰਭਾਵਿਤ ਹੋਈਆਂ ਹਨ। ਮਜਬੂਰਨ ਅਜਿਹੇ ਪਰਿਵਾਰਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਮੰਦਰ ਜਾਂ ਕਿਸੇ ਰਿਸ਼ਤੇਦਾਰ ਦੇ ਘਰ ਆਪਣੇ ਸ਼ੁੱਭ ਕੰਮ ਪੂਰੇ ਕਰਨੇ ਪੈ ਰਹੇ ਹਨ।

ਇਹ ਵੀ ਪੜ੍ਹੋ- 70 ਸਾਲ ਦੇ ਸਹੁਰੇ ਨੇ 28 ਸਾਲਾ ਨੂੰਹ ਨਾਲ ਕਰਵਾਇਆ ਵਿਆਹ, ਮੰਦਰ 'ਚ ਲਏ ਫੇਰੇ

ਜੋਸ਼ੀਮੱਠ ਦੇ ਸਿੰਘਧਾਰ ਦੇ ਰਹਿਣ ਵਾਲੇ ਰਘੂਵੀਰ ਸਿੰਘ ਕੁੰਵਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਕੁੰਵਰ ਦਾ ਵਿਆਹ ਬਸੰਤ ਪੰਚਮੀ ਦੇ ਦਿਨ ਤੈਅ ਸੀ। ਜ਼ਮੀਨ ਧੱਸਣ ਕਾਰਨ ਉਨ੍ਹਾਂ ਦਾ ਵੀ ਘਰ ਤਰੇੜਾਂ ਮਾਰ ਗਿਆ ਅਤੇ ਉਨ੍ਹਾਂ ਲੋਕਾਂ ਨੂੰ ਰਾਹਤ ਕੈਂਪ 'ਚ ਰੱਖਿਆ ਗਿਆ ਹੈ। ਵਿਆਹ ਲਈ ਹੋਟਲ, ਵੈਨਿਊ ਵੀ ਬੁੱਕ ਹੋ ਗਏ ਸਨ ਪਰ ਇਸ ਦਰਮਿਆਨ ਜ਼ਮੀਨ ਧੱਸਣ ਦੀ ਆਫ਼ਤ ਆ ਗਈ ਅਤੇ ਲੋਕਾਂ ਦੇ ਘਰ ਤਰੇੜਾਂ ਮਾਰ ਗਏ। ਜ਼ਮੀਨ ਧੱਸਣ ਅਤੇ ਮਕਾਨ ਤਰੇੜਾਂ ਮਾਰਨ ਕਾਰਨ 250 ਪਰਿਵਾਰਾਂ ਦੇ 902 ਮੈਂਬਰ ਵੱਖ-ਵੱਖ ਰਾਹਤ ਕੈਂਪਾਂ ਵਿਚ ਰਹਿ ਰਹੇ ਹਨ। 

ਇਹ ਵੀ ਪੜ੍ਹੋ- 3 ਸਕੇ ਭੈਣ-ਭਰਾ ਬਣੇ PCS ਅਧਿਕਾਰੀ, ਗ਼ਰੀਬੀ ਕਾਰਨ ਇਕੋ ਕਿਤਾਬ ਨਾਲ ਕੀਤੀ ਸੀ ਪੜ੍ਹਾਈ

ਰਘੂਵੀਰ ਸਿੰਘ ਕੁੰਵਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਰੋਹਿਤ ਕੁੰਵਰ ਦਾ ਵਿਆਹ ਬਸੰਤ ਪੰਚਮੀ ਦੇ ਦਿਨ ਸੀ। ਰੋਹਿਤ ਕੁੰਵਰ ਦਾ ਵਿਆਹ ਦਸ਼ੋਲੀ ਵਿਕਾਸ ਖੰਡ ਦੇ ਬੌਲਾ ਪਿੰਡ ਦੇ ਨਰਿੰਦਰ ਸਿੰਘ ਨੇਗੀ ਦੀ ਧੀ ਮੇਘਾ ਨਾਲ ਤੈਅ ਹੋਇਆ ਸੀ। ਕਈ ਮਹੀਨਿਆਂ ਤੋਂ ਵਿਆਹ ਦੀਆਂ ਤਿਆਰੀਆਂ ਚੱਲ ਰਹੀਆਂ ਸਨ। ਇਸ ਦਰਮਿਆਨ 2 ਜਨਵਰੀ ਨੂੰ ਜ਼ਮੀਨ ਧੱਸਣ ਨਾਲ ਲੋਕਾਂ ਦੇ ਘਰ ਤਰੇੜਾਂ ਮਾਰਨ ਲੱਗੇ। ਲੋਕਾਂ ਨੂੰ ਘਰ-ਬਾਰ ਛੱਡ ਕੇ ਰਾਹਤ ਕੈਂਪਾਂ 'ਚ ਜਾਣ ਨੂੰ ਮਜਬੂਰ ਹੋਣਾ ਪਿਆ। 

ਇਹ ਵੀ ਪੜ੍ਹੋ- ਪੁਲਵਾਮਾ ਅੱਤਵਾਦੀ ਹਮਲੇ ਦੇ ਸ਼ਹੀਦ ਜਵਾਨਾਂ ਨੂੰ ਰਾਹੁਲ ਨੇ ਦਿੱਤੀ ਸ਼ਰਧਾਂਜਲੀ, ਮਿੱਟੀ ਚੁੰਮ ਕੇ ਕੀਤਾ ਨਮਨ

ਲਾੜੇ ਰੋਹਿਤ ਕੁੰਵਰ ਦਾ ਘਰ ਵੀ ਜ਼ਮੀਨ ਧੱਸਣ ਦੀ ਮਾਰ ਹੇਠ ਆ ਗਿਆ। ਜਿਸ ਕਾਰਨ ਉਸ ਨੂੰ ਜੋਸ਼ੀਮੱਠ ਦੇ ਗੁਰਦੁਆਰੇ 'ਚ ਰਾਹਤ ਕੈਂਪ 'ਚ ਰਹਿਣਾ ਪੈ ਰਿਹਾ ਹੈ। ਰੋਹਿਤ ਦੇ ਵਿਆਹ ਦੀ ਤਰੀਕ ਤੈਅ ਹੋ ਗਈ ਸੀ। ਕਾਰਡ ਵੀ ਮਹਿਮਾਨਾਂ ਨੂੰ ਭੇਜ ਦਿੱਤੇ ਗਏ ਸਨ। ਅਜਿਹੇ 'ਚ ਜੋਸ਼ੀਮਠ ਤੋਂ ਸੱਤ ਕਿਲੋਮੀਟਰ ਦੂਰ ਪਰਨਾਖੰਡੇਸ਼ਵਰੀ ਰਾਜਰਾਜੇਸ਼ਵਰੀ ਗੜ੍ਹੀ ਭਵਾਨੀ ਮੰਦਰ 'ਚ ਲਾੜਾ-ਲਾੜੀ ਦਾ ਵਿਆਹ ਹੋਇਆ। ਦੋਹਾਂ ਨੇ ਮਾਤਾ ਰਾਣੀ ਦਾ ਆਸ਼ੀਰਵਾਦ ਲਿਆ।