ਕੂਨੋ ਨੈਸ਼ਨਲ ਪਾਰਕ ''ਚ ਚੀਤਾ ਆਸ਼ਾ ਨੇ 5 ਬੱਚਿਆਂ ਨੂੰ ਦਿੱਤਾ ਜਨਮ, ਆਬਾਦੀ 35 ਹੋਈ

ਨਵੀਂ ਦਿੱਲੀ- ਕੂਨੋ ਨੈਸ਼ਨਲ ਪਾਰਕ 'ਚ ਆਈ ਚੀਤਾ ਆਸ਼ਾ ਨੇ 5 ਬੱਚਿਆਂ ਨੂੰ ਜਨਮ ਦਿੱਤਾ ਹੈ। ਵਾਤਾਵਰਣ, ਜੰਗਲਾਤ ਅਤੇ ਜਲਵਾਯੂ ਪਰਿਵਰਤਨ ਮੰਤਰੀ ਭੂਪੇਂਦਰ ਯਾਦਵ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਮੰਤਰੀ ਨੇ ਕਿਹਾ,''ਪ੍ਰਾਜੈਕਟ ਚੀਤਾ ਲਈ ਇਹ ਬਹੁਤ ਮਾਣ ਅਤੇ ਖੁਸ਼ੀ ਦਾ ਪਲ ਹੈ, ਕਿਉਂਕਿ ਨਾਮੀਬੀਆ ਦੀ ਚੀਤਾ ਆਸ਼ਾ ਦੂਜੀ ਵਾਰ ਮਾਂ ਬਣੀ ਅਤੇ ਉਸ ਨੇ ਸ਼ਨੀਵਾਰ ਨੂੰ ਕੂਨੋ ਨੈਸ਼ਨਲ ਪਾਰਕ 'ਚ 5 ਬੱਚਿਆਂ ਨੂੰ ਜਨਮ ਦਿੱਤਾ।'' ਉਨ੍ਹਾਂ ਕਿਹਾ,''5 ਨਵੇਂ ਬੱਚਿਆਂ ਨਾਲ, ਭਾਰਤ 'ਚ ਪੈਦਾ ਹੋਏ ਜਿਊਂਦੇ ਬੱਚਿਆਂ ਦੀ ਗਿਣਤੀ 24 ਹੋ ਗਈ ਹੈ। ਭਾਰਤੀ ਧਰਤੀ 'ਤੇ ਚੀਤਿਆਂ ਦਾ 8ਵੀਂ ਵਾਰ ਸਫ਼ਲ ਜਨਮ ਹੋਇਆ ਹੈ। ਇਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵਾਤਾਵਰਣ ਦੇ ਪ੍ਰਤੀ ਜਾਗਰੂਕ ਅਗਵਾਈ 'ਚ ਸ਼ੁਰੂ ਕੀਤੀ ਗਈ ਅਤੇ ਪੌਸ਼ਿਤ ਭਾਰਤ ਦੀ ਚੀਤਾ ਸੁਰੱਖਿਆ ਯਾਤਰਾ 'ਚ ਮਹੱਤਵਪੂਰਨ ਮੀਲ ਦਾ ਪੱਥਰ ਹੈ।''

ਸ਼੍ਰੀ ਯਾਦਵ ਨੇ ਇਸ ਵਿਕਾਸ ਨੂੰ ਇਕ ਸਮੂਹਿਕ ਕੋਸ਼ਿਸ਼ ਦੱਸਦੇ ਹੋਏ ਕਿਹਾ,''ਇਹ ਖੁਸ਼ੀ ਦੀ ਉਪਲੱਬਧੀ ਜ਼ਮੀਨੀ ਪੱਧਰ 'ਤੇ ਅਣਥੱਕ ਕੋਸ਼ਿਸ਼ ਕਰ ਰਹੇ ਫੀਲਡ ਸਟਾਫ਼ ਅਤੇ ਪਸ਼ੂ ਡਾਕਟਰਾਂ ਦੇ ਅਟੁੱਟ ਸਮਰਪਣ, ਕੌਸ਼ਲ ਅਤੇ ਵਚਨਬੱਧਤਾ ਦਾ ਇਕ ਸ਼ਾਨਦਾਰ ਪ੍ਰਮਾਣ ਹੈ। ਉਨ੍ਹਾਂ ਦੇ ਆਉਣ ਨਾਲ ਭਾਰਤ 'ਚ ਚੀਤਿਆਂ ਦੀ ਕੁੱਲ ਆਬਾਦੀ ਹੁਣ 35 ਹੋ ਗਈ ਹੈ।'' ਮੰਤਰੀ ਨੇ ਭਵਿੱਖ ਲਈ ਆਸ਼ਾ ਜ਼ਾਹਰ ਕਰਦੇ ਹੋਏ ਕਿਹਾ,''ਆਸ਼ਾ ਅਤੇ ਉਸ ਦੇ ਬੱਚੇ ਵਧਣ-ਫੁੱਲਣ ਅਤੇ ਇਸ ਪ੍ਰਾਜੈਕਟ ਨੂੰ ਹੋਰ ਵੀ ਵੱਡੀ ਸਫ਼ਲਤਾ ਵੱਲ ਲਿਜਾਉਣ।'' ਉਨ੍ਹਾਂ ਨੇ ਇਸ ਪਲ ਨੂੰ 'ਭਾਰਤ 'ਚ ਜੰਗਲੀ ਜੀਵ ਸੁਰੱਖਿਆ ਲਈ ਅਸਲ 'ਚ ਇਕ ਇਤਿਹਾਸਕ ਅਤੇ ਦਿਲ ਨੂੰ ਛੂਹ ਲੈਣ ਵਾਲਾ ਪਲ' ਦੱਸਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e