ਵੱਧ ਵੋਟ ਫੀਸਦੀ ਪ੍ਰਾਪਤ ਕਰਕੇ ਹਿਮਾਚਲ ਦੇ ਕਿਸ਼ਨ ਕਪੂਰ ਨੇ ਭਾਜਪਾ ਪ੍ਰਧਾਨ ਸ਼ਾਹ ਨੂੰ ਵੀ ਪਛਾੜਿਆ
05/24/2019 5:07:55 PM
ਸ਼ਿਮਲਾ—ਹਿਮਾਚਲ 'ਚ ਸਭ ਤੋਂ ਜ਼ਿਆਦਾ ਵੋਟਾਂ ਦੇ ਫਰਕ ਨਾਲ ਜਿੱਤਣ ਵਾਲੇ ਕਾਂਗੜਾ ਸੰਸਦੀ ਸੀਟ ਤੋਂ ਭਾਜਪਾ ਉਮੀਦਵਾਰ ਕਿਸ਼ਨ ਕਪੂਰ ਨੇ ਦੇਸ਼ 'ਚ ਵੱਧ ਵੋਟ ਫੀਸਦੀ ਪ੍ਰਾਪਤ ਕਰਕੇ ਆਪਣੇ ਨਾਂ 'ਤੇ ਰਿਕਾਰਡ ਕਾਇਮ ਕੀਤਾ ਹੈ। ਮੋਦੀ ਲਹਿਰ 'ਚ ਪਹਿਲੀ ਵਾਰ ਲੋਕ ਸਭਾ ਚੋਣਾਂ ਲੜ ਰਹੇ ਕਿਸ਼ਨ ਕਪੂਰ ਨੇ ਕੁੱਲ 72.03 ਫੀਸਦੀ ਵੋਟਾਂ ਮਿਲੀਆਂ। ਕਾਂਗੜਾ ਸੰਸਦੀ ਖੇਤਰ 'ਚ ਕੁੱਲ 10 ਲੱਖ, 6 ਹਜ਼ਾਰ 989 'ਚੋ 7 ਲੱਖ 25 ਹਜ਼ਾਰ 218 ਵੋਟਾਂ ਕਿਸ਼ਨ ਕਪੂਰ ਦੀ ਝੋਲੀ ਪਈਆਂ ਹਨ। ਇਸੇ ਤਰ੍ਹਾਂ ਹੋਰ ਉਮੀਦਵਾਰਾਂ ਨੂੰ ਵੀ ਇੰਨੇ ਫੀਸਦੀ ਵੋਟਾਂ ਮਿਲੀਆਂ।
ਉਮੀਦਵਾਰ ਦਾ ਨਾਂ | % | ਸੀਟ ਦਾਂ ਨਾਂ |
ਸੁਭਾਸ਼ ਚੰਦਰ ਬਹੇਰਿਆ (ਭਾਜਪਾ) | 71.59 | ਭੀਲਵਾੜਾ (ਮਹਾਰਾਸ਼ਟਰ) |
ਗੋਪਾਲ ਸ਼ੇਟੀ (ਭਾਜਪਾ) | 71.46 | ਮੁੰਬਈ ਉੱਤਰ (ਮਹਾਰਾਸ਼ਟਰ) |
ਸੰਜੈ ਭਾਟੀਆ (ਭਾਜਪਾ) | 70.08 | ਕਰਨਾਲ (ਹਰਿਆਣਾ) |
ਅਮਿਤ ਸ਼ਾਹ (ਭਾਜਪਾ) | 69.77 | ਗਾਂਧੀਨਗਰ (ਗੁਜਰਾਤ) |
ਅਨੁਰਾਗ ਠਾਕੁਰ (ਭਾਜਪਾ) | 68.78 | ਹਮੀਰਪੁਰ (ਹਿਮਾਚਲ) |
ਰਾਮਸਵਰੂਪ ਸ਼ਰਮਾ (ਭਾਜਪਾ) | 68.75 | ਮੰਡੀ (ਹਿਮਾਚਲ) |
ਰਾਹੁਲ ਗਾਂਧੀ (ਕਾਂਗਰਸ) | 64.67 | ਵਾਇਨਾਡ (ਕੇਰਲ) |
ਪੀ. ਐੱਮ. ਨਰਿੰਦਰ ਮੋਦੀ (ਭਾਜਪਾ) | 63.62 | ਵਾਰਾਣਸੀ (ਉਤਰ ਪਰਦੇਸ਼) |
ਦੱਸ ਦੇਈਏ ਕਿ ਭਾਜਪਾ ਉਮੀਦਵਾਰਾਂ ਨੂੰ ਮਿਲੀਆਂ ਵੋਟਾਂ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਕਪੂਰ ਸਮੇਤ ਚਾਰ ਭਾਜਪਾ ਉਮੀਦਵਾਰਾਂ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਤੋਂ ਵੀ ਜ਼ਿਆਦਾ ਵੋਟਾਂ ਮਿਲੀਆਂ ਹਨ।