ਕਸ਼ਮੀਰ ''ਚ ਜਲਦ ਹੋਵੇਗੀ ਵੰਦੇ ਭਾਰਤ, ਦਿੱਲੀ ਤੋਂ 13 ਘੰਟੇ ''ਚ ਸਿੱਧੇ ਸ਼੍ਰੀਨਗਰ

ਜੰਮੂ- ਰੇਲਵੇ ਵਲੋਂ ਭਾਰਤ ਦੇ ਵੱਖ-ਵੱਖ ਖੇਤਰਾਂ ਨੂੰ ਕਸ਼ਮੀਰ ਘਾਟੀ ਨਾਲ ਜੋੜਨ ਲਈ ਬੀਤੇ ਲੰਬੇ ਸਮੇਂ ਤੋਂ ਕਨੈਕਟੀਵਿਟੀ 'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਦੇਸ਼ ਦੇ ਲੋਕਾਂ ਨੂੰ ਨਵੇਂ ਸਾਲ 'ਚ ਵੱਡਾ ਤੋਹਫਾ ਮਿਲ ਸਕਦਾ ਹੈ। ਦਿੱਲੀ ਤੋਂ ਸ਼੍ਰੀਨਗਰ ਨੂੰ ਸਿੱਧੇ ਜੋੜਨ ਵਾਲੀ ਰੇਲਵੇ ਲਾਈਨ ਜਨਵਰੀ 'ਚ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਸ ਰੂਟ 'ਤੇ ਵੰਦੇ ਭਾਰਤ ਵਰਗੀਆਂ ਟਰੇਨਾਂ ਚਲਾਉਣ ਦੀ ਵੀ ਤਿਆਰੀ ਕੀਤੀ ਜਾ ਰਹੀ ਹੈ। ਵੰਦੇ ਭਾਰਤ ਟਰੇਨ ਦਿੱਲੀ ਤੋਂ ਸ਼੍ਰੀਨਗਰ ਤੱਕ 800 ਕਿਲੋਮੀਟਰ ਦੀ ਦੂਰੀ 13 ਘੰਟਿਆਂ ਤੋਂ ਵੀ ਘੱਟ ਸਮੇਂ 'ਚ ਤੈਅ ਕਰੇਗੀ। ਜਾਣਕਾਰੀ ਮੁਤਾਬਕ ਇਸ ਸਬੰਧੀ ਸੁਣਵਾਈ ਚੱਲ ਰਹੀ ਹੈ।

PM ਮੋਦੀ ਯਾਤਰਾ ਕਰਨਗੇ

ਜਾਣਕਾਰੀ ਮੁਤਾਬਕ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਦਿੱਲੀ ਤੋਂ ਸ਼੍ਰੀਨਗਰ ਜਾਣ ਵਾਲੀ ਪਹਿਲੀ ਵੰਦੇ ਭਾਰਤ ਐਕਸਪ੍ਰੈੱਸ 'ਚ ਸਫ਼ਰ ਕਰਨਗੇ। ਜਾਣਕਾਰੀ ਮੁਤਾਬਕ ਉਦਘਾਟਨ ਵਾਲੇ ਦਿਨ ਪੀਐਮ ਮੋਦੀ ਰੇਲ ਗੱਡੀ ਰਾਹੀਂ ਯਾਤਰਾ ਕਰਨਗੇ। ਉਮੀਦ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 26 ਜਨਵਰੀ 2025 ਨੂੰ ਵੰਦੇ ਭਾਰਤ ਸ਼੍ਰੀਨਗਰ-ਦਿੱਲੀ ਰੇਲਗੱਡੀ ਨੂੰ ਹਰੀ ਝੰਡੀ ਦੇਣਗੇ।

2 ਸਾਲਾਂ ਤੋਂ ਕੰਮ ਚੱਲ ਰਿਹਾ ਸੀ

ਕਸ਼ਮੀਰ ਰੇਲਵੇ ਪ੍ਰਾਜੈਕਟ 'ਤੇ ਪਿਛਲੇ 32 ਸਾਲਾਂ ਤੋਂ ਕੰਮ ਚੱਲ ਰਿਹਾ ਹੈ। ਇਸ ਦੌਰਾਨ ਰੇਲਵੇ ਨੂੰ ਉੱਚੇ ਪਹਾੜਾਂ ਨੂੰ ਕੱਟ ਕੇ ਟਨਲ ਅਤੇ ਟਰੈਕ ਬਣਾਉਣ ਵਰਗੀਆਂ ਵੱਡੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਇੰਨਾ ਹੀ ਨਹੀਂ ਇਸ ਟ੍ਰੈਕ 'ਤੇ ਦੁਨੀਆ ਦਾ ਸਭ ਤੋਂ ਖੂਬਸੂਰਤ ਅਤੇ ਸਭ ਤੋਂ ਉੱਚਾ ਚਿਨਾਬ ਬ੍ਰਿਜ ਬਣਾਉਣਾ ਕੋਈ ਆਸਾਨ ਕੰਮ ਨਹੀਂ ਸੀ ਪਰ ਰੇਲਵੇ ਨੇ ਇਹ ਸਭ ਸੰਭਵ ਕਰ ਦਿੱਤਾ ਹੈ। ਹੁਣ ਤੱਕ ਪ੍ਰਾਪਤ ਜਾਣਕਾਰੀ ਅਨੁਸਾਰ ਨਵੀਂ ਦਿੱਲੀ-ਸ਼੍ਰੀਨਗਰ ਵੰਦੇ ਭਾਰਤ ਸਲੀਪਰ ਰੇਲਗੱਡੀ ਅੰਬਾਲਾ ਕੈਂਟ ਜੰਕਸ਼ਨ, ਲੁਧਿਆਣਾ ਜੰਕਸ਼ਨ, ਕਠੂਆ, ਜੰਮੂ ਤਵੀ, ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ, ਸੰਘਲਦਾਨ ਅਤੇ ਬਨਿਹਾਲ ਸਮੇਤ ਕੁਝ ਵੱਡੇ ਸਟੇਸ਼ਨਾਂ 'ਤੇ ਹੀ ਰੁਕੇਗੀ।

ਪ੍ਰਧਾਨ ਮੰਤਰੀ 5 ਟ੍ਰੇਨਾਂ ਦਾ ਤੋਹਫਾ ਦੇਣਗੇ

ਇੰਨਾ ਹੀ ਨਹੀਂ। ਜਾਣਕਾਰੀ ਮੁਤਾਬਕ ਪੀਐੱਮ ਮੋਦੀ ਜਨਵਰੀ 'ਚ 5 ਨਵੀਆਂ ਆਧੁਨਿਕ ਟਰੇਨਾਂ ਦੀ ਸੌਗਾਤ ਦੇਣ ਜਾ ਰਹੇ ਹਨ। PM ਮੋਦੀ ਦਿੱਲੀ ਅਤੇ ਕਸ਼ਮੀਰ ਨੂੰ ਜੋੜਨ ਵਾਲੀਆਂ 5 ਨਵੀਂਆਂ ਟਰੇਨਾਂ ਦੀ ਸ਼ੁਰੂਆਤ ਕਰਨਗੇ। ਇਹ ਟਰੇਨਾਂ ਨਵੀਂ ਤਕਨੀਕ ਅਤੇ ਡਿਜ਼ਾਈਨ ਨਾਲ ਬਣਾਈਆਂ ਗਈਆਂ ਹਨ। ਕਸ਼ਮੀਰ ਦੇ ਮੌਸਮ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਟਰੇਨਾਂ ਆਨ-ਬੋਰਡ ਹੀਟਿੰਗ ਸਿਸਟਮ ਨਾਲ ਲੈੱਸ ਹੋਣਗੀਆਂ।