ਇੰਡੀਗੋ ਨੇ ਜੰਮੂ ਹਵਾਈ ਅੱਡੇ ਤੋਂ ਮੁੜ ਸ਼ੁਰੂ ਕੀਤੀਆਂ 9 ਉਡਾਣਾਂ, ਸ਼੍ਰੀਨਗਰ ਤੋਂ 7 ਫਲਾਈਟ ਰੱਦ

ਨੈਸ਼ਨਲ ਡੈਸਕ : ਏਅਰਲਾਈਨਜ਼ ਇੰਡੀਗੋ ਨੇ ਸ਼ਨੀਵਾਰ ਨੂੰ ਜੰਮੂ ਹਵਾਈ ਅੱਡੇ ਤੋਂ ਆਪਣੀਆਂ 11 ਵਿੱਚੋਂ ਨੌਂ ਉਡਾਣਾਂ ਮੁੜ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਪਰ ਪਾਇਲਟ ਰੋਸਟਰ ਦੇ ਮੁੱਦਿਆਂ ਕਾਰਨ ਸ੍ਰੀਨਗਰ ਤੋਂ ਸੱਤ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਜੰਮੂ ਤੋਂ ਉਡਾਣਾਂ ਮੁੜ ਸ਼ੁਰੂ ਹੋਣ ਨਾਲ ਉਨ੍ਹਾਂ ਯਾਤਰੀਆਂ ਨੂੰ ਰਾਹਤ ਮਿਲੀ, ਜੋ ਕਈ ਉਡਾਣਾਂ ਰੱਦ ਹੋਣ ਤੋਂ ਬਾਅਦ ਹਵਾਈ ਅੱਡੇ 'ਤੇ ਫਸੇ ਹੋਏ ਸਨ। ਇਸ ਦੇ ਉਲਟ ਸ਼੍ਰੀਨਗਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਕੁੱਲ ਅੱਠ ਉਡਾਣਾਂ ਰੱਦ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚੋਂ ਸੱਤ ਇੰਡੀਗੋ ਦੁਆਰਾ ਚਲਾਈਆਂ ਗਈਆਂ ਸਨ।

ਪੜ੍ਹੋ ਇਹ ਵੀ - "ਮੇਰੀ ਧੀ ਦੀ ਸਿਹਤ ਠੀਕ ਨਹੀਂ, ਕਿਰਪਾ ਕਰਕੇ ਮੈਨੂੰ... ਦੇ ਦਿਓ!" ਉਡਾਣ ਰੱਦ ਹੋਣ 'ਤੇ ਬੇਬਸ ਹੋਇਆ ਪਿਓ

ਅਧਿਕਾਰੀਆਂ ਨੇ ਦੱਸਿਆ ਕਿ ਏਅਰਲਾਈਨ ਸ਼ਨੀਵਾਰ ਨੂੰ ਸ੍ਰੀਨਗਰ ਹਵਾਈ ਅੱਡੇ ਤੋਂ 36 ਉਡਾਣਾਂ ਚਲਾਉਣ ਵਾਲੀ ਸੀ, ਜਿਨ੍ਹਾਂ ਵਿੱਚ 18 ਆਉਣ ਵਾਲੀਆਂ ਅਤੇ 18 ਜਾਣ ਵਾਲੀਆਂ ਉਡਾਣਾਂ ਸ਼ਾਮਲ ਸਨ। ਹਾਲਾਂਕਿ ਇੰਡੀਗੋ ਨੇ ਰੋਸਟਰ ਮੁੱਦਿਆਂ ਕਾਰਨ ਸੱਤ ਆਉਣ ਵਾਲੀਆਂ ਅਤੇ ਇੰਨੀਆਂ ਹੀ ਜਾਣ ਵਾਲੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ। ਉਨ੍ਹਾਂ ਕਿਹਾ ਕਿ ਇੱਕ ਹੋਰ ਏਅਰਲਾਈਨ ਨੇ ਵੀ ਇੱਕ ਹੋਰ ਉਡਾਣ ਰੱਦ ਕਰ ਦਿੱਤੀ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਸਬੰਧੀ ਵਿਸਥਾਰਤ ਜਾਣਕਾਰੀ ਅਜੇ ਆਉਣੀ ਬਾਕੀ ਹੈ।

ਪੜ੍ਹੋ ਇਹ ਵੀ - ਫਿਰ ਗਰਭਵਤੀ ਹੋਈ ਸੀਮਾ ਹੈਦਰ! 6ਵੀਂ ਵਾਰ ਬਣੇਗੀ ਮਾਂ, ਯੂਟਿਊਬ 'ਤੇ ਕਿਹਾ ਹੁਣ ਅਸੀਂ...

ਰਜਨੀ ਗੋਇਲ ਨਾਮ ਦੀ ਇੱਕ ਯਾਤਰੀ ਨੇ ਜੰਮੂ ਹਵਾਈ ਅੱਡੇ 'ਤੇ ਕਿਹਾ, "ਮੈਂ ਦਿੱਲੀ ਵਾਪਸ ਜਾ ਰਹੀ ਹਾਂ।" ਇੱਕ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਸ਼ਹਿਰ ਆਈ ਰਜਨੀ ਨੇ ਕਿਹਾ ਕਿ ਪਿਛਲੇ ਦੋ ਦਿਨਾਂ ਤੋਂ ਉਸਨੂੰ ਵਾਰ-ਵਾਰ ਉਡਾਣਾਂ ਰੱਦ ਹੋਣ ਕਾਰਨ ਬਹੁਤ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਸੇਵਾਵਾਂ ਦੇ ਮੁੜ ਸ਼ੁਰੂ ਹੋਣ 'ਤੇ ਰਾਹਤ ਪ੍ਰਗਟ ਕਰਦੇ ਹੋਏ, ਉਸਨੇ ਕਿਹਾ, "ਉਹ (ਇੰਡੀਗੋ) ਸਾਨੂੰ ਉਡਾਣ ਦੀ ਸਹੀ ਸਥਿਤੀ ਬਾਰੇ ਨਹੀਂ ਦੱਸ ਰਹੇ ਸਨ। ਅਸੀਂ ਹਵਾਈ ਅੱਡੇ 'ਤੇ ਨੌਂ ਘੰਟੇ ਇੰਤਜ਼ਾਰ ਕੀਤਾ। ਮੈਂ ਆਪਣੇ ਬੱਚੇ ਨੂੰ ਘਰ ਛੱਡ ਗਈ ਸੀ, ਅਤੇ ਉਹ ਮੇਰਾ ਇੰਤਜ਼ਾਰ ਕਰ ਰਿਹਾ ਸੀ।" ਹਵਾਈ ਅੱਡੇ 'ਤੇ ਫਸੇ ਇੱਕ ਹੋਰ ਯਾਤਰੀ ਕਸ਼ਿਸ਼ ਨੇ ਕਿਹਾ ਕਿ ਭਾਵੇਂ ਸੇਵਾਵਾਂ ਦੇ ਅੰਸ਼ਕ ਤੌਰ 'ਤੇ ਮੁੜ ਸ਼ੁਰੂ ਹੋਣ ਨਾਲ ਕੁਝ ਰਾਹਤ ਮਿਲੀ ਹੈ ਪਰ ਅਨਿਸ਼ਚਿਤਤਾ ਅਜੇ ਵੀ ਬਣੀ ਹੋਈ ਹੈ।

ਪੜ੍ਹੋ ਇਹ ਵੀ - ਸਾਲ 2026 'ਚ ਇਨ੍ਹਾਂ ਰਾਸ਼ੀ ਵਾਲਿਆਂ 'ਤੇ ਚੱਲੇਗੀ ਸਾੜ ਸਤੀ ਤੇ ਢਾਈਆ, ਸ਼ਨੀਦੇਵ ਲੈਣਗੇ ਅਗਨੀ ਪ੍ਰੀਖਿਆ