ਲਾਕਰ ’ਚੋਂ 30 ਲੱਖ ਰੁਪਏ ਦੇ ਗਹਿਣੇ ਗਾਇਬ, ਬੈਂਕ ਨੂੰ ਦੇਣੀ ਪਈ ਸੋਨੇ ਦੀ ਪੂਰੀ ਕੀਮਤ

ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਦੇ ਮੁਰਾਦਾਬਾਦ ’ਚ ਇਕ ਬੈਂਕ ਦੇ ਲਾਕਰ ’ਚੋਂ ਇਕ ਗਾਹਕ ਦੇ 30 ਲੱਖ ਰੁਪਏ ਦੇ ਗਹਿਣੇ ਗਾਇਬ ਹੋ ਗਏ। ਇਸ ਮਾਮਲੇ ’ਚ ਬੈਂਕ ਦੇ 2 ਮੁਲਾਜ਼ਮ ਦੋਸ਼ੀ ਪਾਏ ਗਏ। ਪੁਲਸ ਦੇ ਦਖਲ ਤੋਂ ਬਾਅਦ ਬੈਂਕ ਨੂੰ ਸੋਨੇ ਦੀ ਪੂਰੀ ਕੀਮਤ ਗਾਹਕ ਨੂੰ ਅਦਾ ਕਰਨੀ ਪਈ।
ਜਾਣਕਾਰੀ ਅਨੁਸਾਰ ਮਝੋਲਾ ਥਾਣਾ ਖੇਤਰ ’ਚ ਦਿੱਲੀ ਰੋਡ ’ਤੇ ਸਥਿਤ ਆਈ. ਡੀ. ਐੱਫ. ਸੀ. ਫਸਟ ਬੈਂਕ ’ਚ ਇਕ ਗਾਹਕ ਨੇ ਲਗਭਗ 30 ਲੱਖ ਰੁਪਏ ਦੇ ਗਹਿਣੇ ਰੱਖੇ ਸਨ। ਗਾਹਕ ਨੇ ਬੈਂਕ ਤੋਂ 3 ਲੱਖ ਰੁਪਏ ਦਾ ਕਰਜ਼ਾ ਲੈਣ ਦੇ ਬਦਲੇ ਲਗਭਗ 365.53 ਗ੍ਰਾਮ ਸੋਨਾ ਗਿਰਵੀ ਰੱਖਿਆ ਸੀ ਜੋ ਲਾਕਰ ’ਚੋਂ ਭੇਦ ਭਰੇ ਢੰਗ ਨਾਲ ਗਾਇਬ ਹੋ ਗਿਆ। ਜਾਂਚ ਤੋਂ ਬਾਅਦ ਬੈਂਕ ਮੈਨੇਜਰ ਨੇ ਆਪਣੇ ਹੀ 2 ਸਟਾਫ ਮੈਂਬਰਾਂ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e