ਮੰਤਰੀ ਘਰੋਂ 1.13 ਕਰੋੜ ਰੁਪਏ ਦੇ ਗਹਿਣੇ ਚੋਰੀ, ਰਿਸ਼ਤੇਦਾਰ ਸਣੇ ਦੋ ਗ੍ਰਿਫਤਾਰ

ਬੈਂਗਲੁਰੂ: ਕਰਨਾਟਕ ਦੇ ਰਿਹਾਇਸ਼ੀ ਮੰਤਰੀ ਬੀ. ਜ਼ੈੱਡ. ਜ਼ਮੀਰ ਅਹਿਮਦ ਖਾਨ ਦੇ ਘਰੋਂ ਪਿਛਲੇ ਮਹੀਨੇ ਹੋਈ ਵੱਡੀ ਚੋਰੀ ਦੇ ਮਾਮਲੇ 'ਚ ਪੁਲਸ ਨੇ ਦੋ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਸ ਮੁਤਾਬਕ ਮੰਤਰੀ ਦੇ ਪੁਲਕੇਸ਼ੀਨਗਰ ਸਥਿਤ ਨਿਵਾਸ ਤੋਂ ਲਗਭਗ 1.13 ਕਰੋੜ ਰੁਪਏ ਦੇ ਸੋਨੇ ਦੇ ਗਹਿਣੇ ਚੋਰੀ ਹੋ ਗਏ ਸਨ।

ਰਿਸ਼ਤੇਦਾਰ ਹੀ ਨਿਕਲਿਆ ਚੋਰ
ਪੁਲਸ ਦੀ ਜਾਂਚ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮਾਂ ਵਿੱਚੋਂ ਮੁੱਖ ਮੁਲਜ਼ਮ ਪਰਿਵਾਰ ਦਾ ਜਾਣਕਾਰ ਅਤੇ ਇੱਕ ਦੂਰ ਦਾ ਰਿਸ਼ਤੇਦਾਰ ਹੈ। ਮੰਤਰੀ ਦੀ ਮਾਤਾ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਅਨੁਸਾਰ, ਇਹ ਗਹਿਣੇ (ਜੋ ਕਿ ਵਿਆਹ ਦੇ ਤੋਹਫ਼ੇ ਅਤੇ ਬਚਤ ਨਾਲ ਖਰੀਦੇ ਗਏ ਸਨ) ਇੱਕ ਕਮਰੇ ਦੀ ਅਲਮਾਰੀ ਵਿੱਚ ਰੱਖੇ ਹੋਏ ਸਨ। ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਲਗਭਗ 1 ਕਿਲੋ 300 ਗ੍ਰਾਮ ਸੋਨਾ ਗਾਇਬ ਸੀ। ਸ਼ਿਕਾਇਤਕਰਤਾ ਨੇ ਆਪਣੇ ਉਨ੍ਹਾਂ ਰਿਸ਼ਤੇਦਾਰਾਂ 'ਤੇ ਸ਼ੱਕ ਜਤਾਇਆ ਸੀ ਜੋ ਅਕਸਰ ਉਨ੍ਹਾਂ ਦੀ ਦੇਖਭਾਲ ਲਈ ਘਰ ਆਉਂਦੇ-ਜਾਂਦੇ ਸਨ।

ਪੁਲਸ ਕਾਰਵਾਈ ਤੇ ਬਰਾਮਦਗੀ
ਸ਼ਿਵਾਜੀਨਗਰ ਪੁਲਸ ਨੇ ਕਾਰਵਾਈ ਕਰਦੇ ਹੋਏ 16 ਅਪ੍ਰੈਲ ਨੂੰ ਇੱਕ ਰਿਸ਼ਤੇਦਾਰ ਨੂੰ ਹਿਰਾਸਤ 'ਚ ਲਿਆ। ਪੁੱਛਗਿੱਛ ਦੌਰਾਨ ਉਸ ਨੇ ਆਪਣੇ ਇੱਕ ਹੋਰ ਸਾਥੀ ਨਾਲ ਮਿਲ ਕੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਗੱਲ ਕਬੂਲ ਕੀਤੀ। ਮੁਲਜ਼ਮਾਂ ਨੇ ਚੋਰੀ ਕੀਤੇ ਗਏ ਗਹਿਣੇ ਮਾਥੀਕੇਰੇ ਅਤੇ ਕੰਮਗੋਂਡਨਹੱਲੀ ਦੀਆਂ ਸੁਨਿਆਰੇ ਦੀਆਂ ਦੁਕਾਨਾਂ 'ਤੇ ਗਿਰਵੀ ਰੱਖ ਦਿੱਤੇ ਸਨ।

ਪੁਲਸ ਨੇ ਹੁਣ ਤੱਕ 759 ਗ੍ਰਾਮ ਸੋਨੇ ਦੇ ਆਭੂਸ਼ਣ ਬਰਾਮਦ ਕਰ ਲਏ ਹਨ, ਜਿਨ੍ਹਾਂ ਦੀ ਕੀਮਤ 1.13 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਫਿਲਹਾਲ ਦੋਵਾਂ ਮੁਲਜ਼ਮਾਂ ਨੂੰ ਨਿਆਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e