ਜੰਮੂ-ਕਸ਼ਮੀਰ ''ਚ 8ਵੇਂ ਗੇੜ ਦੀਆਂ DDC ਚੋਣਾਂ ਲਈ ਵੋਟਿੰਗ ਜਾਰੀ
Saturday, Dec 19, 2020 - 11:10 AM (IST)
ਸ਼੍ਰੀਨਗਰ- ਜੰਮੂ-ਕਸ਼ਮੀਰ 'ਚ ਹੱਡ ਕੰਬਾਉਣ ਵਾਲੀ ਠੰਡ ਦਰਮਿਆਨ ਜ਼ਿਲ੍ਹਾ ਵਿਕਾਸ ਪ੍ਰੀਸ਼ਦ (ਡੀਡੀਸੀ) ਦੇ 8ਵੇਂ ਅਤੇ ਆਖਰੀ ਪੜਾਅ ਦੀਆਂ ਚੋਣਾਂ ਸ਼ਨੀਵਾਰ ਨੂੰ ਸ਼ੁਰੂ ਹੋਇਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਵੋਟਿੰਗ 28 ਚੋਣ ਖੇਤਰਾਂ ਲਈ ਹੋ ਰਹੀ ਹੈ। ਕਸ਼ਮੀਰ ਡਵੀਜ਼ਨ 'ਚ 13 ਡੀਡੀਸੀ ਖੇਤਰਾਂ ਲਈ ਹੋ ਰਹੀਆਂ ਚੋਣਾਂ 'ਚ 83 ਉਮੀਦਵਾਰ ਮੈਦਾਨ 'ਚ ਹਨ, ਜਿਨ੍ਹਾਂ 'ਚੋਂ 31 ਜਨਾਨੀਆਂ ਹਨ। ਜੰਮੂ ਡਵੀਜ਼ਨ 'ਚ ਇਸ ਪੜਾਅ 15 ਚੋਣ ਖੇਤਰਾਂ ਲਈ 85 ਉਮੀਦਵਾਰ ਮੈਦਾਨ 'ਚ ਹਨ, ਜਿਨ੍ਹਾਂ 'ਚੋਂ 15 ਜਨਾਨੀਆਂ ਹਨ।
ਅਧਿਕਾਰੀਆਂ ਨੇ ਕਿਹਾ,''28 ਚੋਣ ਖੇਤਰਾਂ ਲਈ ਹੋ ਰਹੀਆਂ ਚੋਣਾਂ 'ਚ 3,03,275 ਜਨਾਨੀਆਂ ਸਮੇਤ 6.30 ਲੱਖ ਤੋਂ ਵੱਧ ਵੋਟਰ ਆਪਣੇ ਪ੍ਰਤੀਨਿਧੀਆਂ ਨੂੰ ਚੁਣਗੇ।'' ਉਨ੍ਹਾਂ ਨੇ ਦੱਸਿਆ ਕਿ ਇਸ ਪੜਾਅ ਲਈ ਕੁੱਲ 1,703 ਵੋਟਿੰਗ ਕੇਂਦਰ ਬਣਾਏ ਗਏ ਹਨ, ਜਿਨ੍ਹਾਂ 'ਚੋਂ 1,028 ਕਸ਼ਮੀਰ ਡਵੀਜ਼ਨ 'ਚ ਅਤੇ 675 ਜੰਮੂ ਡਵੀਜ਼ਨ 'ਚ ਹਨ। ਪੰਚਾਂ ਅਤੇ ਸਰਪੰਚਾਂ ਦੇ ਕੁੱਲ 369 ਖਾਲੀ ਅਹੁਦਿਆਂ ਲਈ ਵੀ ਵੋਟਿੰਗ ਹੋ ਰਹੀ ਹੈ।
