ਆਈ.ਪੀ.ਐੱਲ. ਕ੍ਰਿਕਟ ''ਤੇ ਸੱਟਾ ਲਗਾਉਂਦੇ 5 ਗ੍ਰਿਫਤਾਰ

ਜੈਪੁਰ — ਰਾਜਸਥਾਨ ਪੁਲਸ ਨੇ ਰਾਜਧਾਨੀ ਦੇ ਸਦਰ ਥਾਮਾ ਖੇਤਰ ਵਿਚੋਂ ਕੱਲ੍ਹ ਦੇਰ ਰਾਤ ਇਕ ਹੋਟਲ ਵਿਚ ਛਾਪੇਮਾਰੀ ਕਰਕੇ ਕ੍ਰਿਕਟ 'ਤੇ ਸੱਟਾ ਲਗਾਉਂਦੇ ਪੰਜ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਥਾਣਾ ਅਧਿਕਾਰੀ ਨੇ ਦੱਸਿਆ ਕਿ ਗ੍ਰਿਫਤਾਰ ਸਟੋਰੀਆਂ 'ਚ ਮੁਹੰਮਦ ਨਸੀਮ, ਇਮਰਾਨ, ਇਰਫਾਨ, ਮੁਹੰਮਦ ਫਿਰੋਜ਼ ਅਤੇ ਜੇਹਾਦ ਅਲੀ ਸ਼ਾਮਲ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਗੁਪਤ ਸੂਚਨਾ ਦੇ ਅਧਾਰ 'ਤੇ ਕੱਲ੍ਹ ਰਾਤ ਉਸਡੀ ਪੈਲੇਸ ਹੋਟਲ ਵਿਚ ਛਾਪੇਮਾਰੀ ਕਰਕੇ 5 ਸਟੋਰੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਨ੍ਹਾਂ ਦੋਸ਼ੀਆਂ ਕੋਲੋਂ 10 ਲੱਖ ਰੁਪਏ ਦੇ ਹਿਸਾਬ-ਕਿਤਾਬ ਦੀਆਂ ਪਰਚੀਆਂ, ਪੰਜ ਮੋਬਾਈਲ, ਲੈਪਟਾਪ, ਸੀ.ਡੀ. ਅਤੇ ਐੱਲ.ਈ.ਡੀ. ਬਰਾਮਦ ਕੀਤੀ ਗਈ ਹੈ। ਪੁਲਸ ਨੇ ਮਾਮਲਾ ਦਰਜ ਕਰਕੇ ਛਾਨਬੀਣ ਸ਼ੁਰੂ ਕਰ ਦਿੱਤੀ ਹੈ।