ਭਾਰਤ ਦੀ ਸਟਾਰ ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ BJP 'ਚ ਹੋਈ ਸ਼ਾਮਲ
01/29/2020 12:50:25 PM
ਨਵੀਂ ਦਿੱਲੀ : ਭਾਰਤੀ ਸਟਾਰ ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ ਕੋਰਟ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਹੁਣ ਸਿਆਸੀ ਮੈਦਾਨ ਵਿਚ ਵੀ ਉਤਰ ਚੁੱਕੀ ਹੈ। ਭਾਜਪਾ ਹੈੱਡਕੁਆਰਟਰ ਵਿਚ ਬੀ. ਜੀ. ਪੀ. ਦੇ ਰਾਸ਼ਟਰੀ ਜਰਨਲ ਸਕੱਤਰ ਅਰਜੁਨ ਸਿੰਘ ਦੀ ਮੌਜੂਦਗੀ ਵਿਚ ਸਾਇਨਾ ਨੇਹਵਾਲ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਮੈਂਬਰ ਬਣੀ ਹੈ।
Delhi: Badminton Player Saina Nehwal to join BJP shortly pic.twitter.com/g5lbTf09v5
— ANI (@ANI) January 29, 2020
ਸਾਇਨਾ ਨੇ ਬੈਡਮਿੰਟਨ ਵਿਚ ਅਜਿਹੀਆਂ ਉਪਲੱਬਧੀਆਂ ਹਾਸਲ ਕੀਤੀਆਂ ਹਨ, ਜੋ ਉਸ ਤੋਂ ਪਹਿਲਾਂ ਕੋਈ ਵੀ ਭਾਰਤੀ ਖਿਡਾਰੀ ਨਹੀਂ ਹਾਸਲ ਕਰ ਸਕਿਆ ਹੈ। ਸਾਲ 2012 ਵਿਚ ਲੰਡਨ ਓਲੰਪਿਕ ਵਿਚ ਸਾਇਨਾ ਕਾਂਸੀ ਤਮਗਾ ਵੀ ਜਿੱਤ ਚੁੱਕੀ ਹੈ। ਸਾਇਨਾ ਭਾਰਤ ਵੱਲੋਂ ਪਦਮ ਸ਼੍ਰੀ ਅਤੇ ਸਰਵਉੱਚ ਖੇਡ ਪੁਰਸਕਾਰ ਰਾਜੀਵ ਗਾਂਧੀ ਖੇਲ ਰਤਨ ਨਾਲ ਸਨਮਾਨਿਤ ਹੋ ਚੁੱਕੀ ਹੈ। ਉਸ ਦਾ ਵਿਆਹ ਬੈਡਮਿੰਟਨ ਖਿਡਾਰੀ ਪੀ. ਕਸ਼ਯਪ ਨਾਲ ਹੋਇਆ ਹੈ।
Delhi: Badminton Player Saina Nehwal joins BJP in the presence of Party's National General Secretary Arun Singh pic.twitter.com/uXPSJmDVcn
— ANI (@ANI) January 29, 2020
ਹਰਿਆਣਾ ਵਿਚ ਜਨਮੀ 29 ਸਾਲਾ ਸਾਇਨਾ ਭਾਜਪਾ ਲਈ ਵੱਡੇ ਚਿਹਰੇ ਦਾ ਕੰਮ ਕਰ ਸਕਦੀ ਹੈ। ਬੈਡਮਿੰਟਨ ਸਟਾਰ ਸਾਇਨਾ ਨੇਹਵਾਲ ਦੇ ਨਾਂ 24 ਕੌਮਾਂਤਰੀ ਖਿਤਾਬ ਦਰਜ ਹਨ। ਸਾਲ 2009 ਵਿਚ ਜਿੱਥੇ ਸਾਇਨਾ ਦੂਜੇ ਨੰਬਰ 'ਤੇ ਰਹਿ ਚੁੱਕੀ ਹੈ ਤਾਂ ਉੱਥੇ ਹੀ 2015 ਵਿਚ ਨੰਬਰ ਇਕ ਦਾ ਤਾਜ ਵੀ ਪਹਿਨ ਚੁੱਕੀ ਹੈ। ਦਿੱਲੀ ਚੋਣਾਂ ਤੋਂ ਠੀਕ ਪਹਿਲਾਂ ਸਾਇਨਾ ਦਾ ਭਾਰਤੀ ਜਨਤਾ ਪਾਰਟੀ (ਬੀ. ਜੇ ਪੀ.) ਵਿਚ ਸ਼ਾਮਲ ਹੋਣਾ ਪਾਰਟੀ ਲਈ ਵੱਡੀ ਗੱਲ ਹੋਵੇਗੀ। ਸੂਤਰਾਂ ਦਾ ਮੰਨੀਏ ਤਾਂ ਸਾਇਨਾ ਨੇਹਵਾਲ ਨੂੰ ਭਾਜਪਾ ਦਿੱਲੀ ਚੋਣਾਂ ਵਿਚ ਪ੍ਰਚਾਰ ਲਈ ਉਤਾਰ ਸਕਦੀ ਹੈ। ਇਸ ਤੋਂ ਪਹਿਲਾਂ ਵੀ ਕਈ ਖਿਡਾਰੀ ਬੀ. ਜੇ. ਪੀ. ਵਿਚ ਸ਼ਾਮਲ ਹੋ ਚੁੱਕੇ ਹਨ, ਜਿਸ ਵਿਚ ਸਾਬਕਾ ਕ੍ਰਿਕਟਰ ਗੌਤਮ ਗੰਭੀਰ, ਰੈਸਲਰ ਬਬੀਤਾ ਫੋਗਟ ਆਦਿ ਸ਼ਾਮਲ ਹਨ।
