Indian Army ਨੇ ਸ਼ੇਅਰ ਕੀਤੀ ‘ਆਪਰੇਸ਼ਨ ਸਿੰਦੂਰ’ ਦੀ ਰੌਂਗਟੇ ਖੜੇ ਕਰਨ ਵਾਲੀ Video

ਵੈੱਬ ਡੈਸਕ : ਭਾਰਤੀ ਸੈਨਾ ਨੇ ਸੈਨਾ ਦਿਵਸ ਦੇ ਸ਼ੁਭ ਮੌਕੇ 'ਤੇ ਆਪਣੀ ਬਹਾਦਰੀ ਅਤੇ ਪਰਾਕ੍ਰਮ ਦੀ ਗਾਥਾ ਬਿਆਨ ਕਰਦੀ ਇੱਕ ਬੇਹੱਦ ਪ੍ਰਭਾਵਸ਼ਾਲੀ ਵੀਡੀਓ ਜਾਰੀ ਕੀਤੀ ਹੈ। ਇਸ ਵੀਡੀਓ ਵਿੱਚ ਪਿਛਲੇ ਸਾਲ ਮਈ ਮਹੀਨੇ ਵਿੱਚ ਅੰਜਾਮ ਦਿੱਤੇ ਗਏ 'ਆਪਰੇਸ਼ਨ ਸਿੰਦੂਰ' ਦੀਆਂ ਰੌਂਗਟੇ ਖੜ੍ਹੇ ਕਰ ਦੇਣ ਵਾਲੀਆਂ ਝਲਕੀਆਂ ਸਾਂਝੀਆਂ ਕੀਤੀਆਂ ਗਈਆਂ ਹਨ, ਜਿਸ ਨੇ ਦੁਨੀਆ ਨੂੰ ਭਾਰਤ ਦੀ ਵਧਦੀ ਸੈਨਿਕ ਤਾਕਤ ਦਾ ਅਹਿਸਾਸ ਕਰਵਾਇਆ।

ਪਹਿਲਗਾਮ ਹਮਲੇ ਦਾ ਲਿਆ ਬਦਲਾ
ਇਹ ਆਪਰੇਸ਼ਨ ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਉਸ ਕਾਇਰਾਨਾ ਹਮਲੇ ਦਾ ਕਰਾਰਾ ਜਵਾਬ ਸੀ, ਜਿੱਥੇ ਅੱਤਵਾਦੀਆਂ ਨੇ ਮਾਸੂਮ ਨਾਗਰਿਕਾਂ ਦੀ ਪਛਾਣ ਪੁੱਛ ਕੇ ਉਨ੍ਹਾਂ ਦਾ ਕਤਲ ਕਰ ਦਿੱਤਾ ਸੀ। ਭਾਰਤ ਨੇ ਇਸ ਘਟਨਾ ਨੂੰ ਇਨਸਾਨੀਅਤ 'ਤੇ ਹਮਲਾ ਮੰਨਦੇ ਹੋਏ ਅੱਤਵਾਦ ਦੀਆਂ ਜੜ੍ਹਾਂ 'ਤੇ ਸਿੱਧਾ ਵਾਰ ਕਰਨ ਦਾ ਫੈਸਲਾ ਕੀਤਾ। 7 ਮਈ, 2025 ਦੀ ਰਾਤ ਨੂੰ ਭਾਰਤੀ ਵੀਰਾਂ ਨੇ ਸਰਹੱਦ ਪਾਰ ਜਾ ਕੇ ਅੱਤਵਾਦੀਆਂ ਦੇ ਨੌਂ ਟਿਕਾਣਿਆਂ ਨੂੰ ਪੂਰੀ ਤਰ੍ਹਾਂ ਨੇਸਤਨਾਬੂਦ ਕਰ ਦਿੱਤਾ।

#ArmyDay 2026
ऑपरेशन सिंदूर 🇮🇳

ऑपरेशन सिंदूर के दौरान भारतीय सशस्त्र बलों ने अदम्य साहस, पराक्रम और अटूट संकल्प के साथ इतिहास रचा।

आर्मी डे परेड, जयपुर में प्रदर्शित इस लघु फ़िल्म के माध्यम से वीरता की इस प्रेरक गाथा को देखें।#ADP2026@DefenceMinIndia@HQ_IDS_India… pic.twitter.com/HliHsaRbFd

— ADG PI - INDIAN ARMY (@adgpi) January 15, 2026

100 ਤੋਂ ਵੱਧ ਅੱਤਵਾਦੀ ਢੇਰ, ਦੁਸ਼ਮਣ ਦੇ ਏਅਰਬੇਸ ਵੀ ਤਬਾਹ
ਸਰੋਤਾਂ ਅਨੁਸਾਰ, ਇਸ ਵੱਡੀ ਸੈਨਿਕ ਕਾਰਵਾਈ 'ਚ 100 ਤੋਂ ਵੱਧ ਅੱਤਵਾਦੀਆਂ ਦਾ ਸਫਾਇਆ ਕੀਤਾ ਗਿਆ। ਜਦੋਂ ਦੁਸ਼ਮਣ ਨੇ ਬੌਖਲਾਹਟ 'ਚ ਆ ਕੇ ਡਰੋਨਾਂ ਅਤੇ ਭਾਰੀ ਗੋਲਾਬਾਰੀ ਰਾਹੀਂ ਭਾਰਤੀ ਰਿਹਾਇਸ਼ੀ ਇਲਾਕਿਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ, ਤਾਂ ਭਾਰਤੀ ਸੈਨਾ ਨੇ ਹੋਰ ਵੀ ਘਾਤਕ ਪਲਟਵਾਰ ਕੀਤਾ। ਸਾਡੇ ਜਾਬਾਂਜ਼ਾਂ ਨੇ ਨਾ ਸਿਰਫ ਦੁਸ਼ਮਣ ਦੇ ਡਰੋਨਾਂ ਨੂੰ ਹਵਾ ਵਿੱਚ ਹੀ ਮਾਰ ਸੁੱਟਿਆ, ਬਲਕਿ ਸਰਹੱਦ ਪਾਰ ਮੌਜੂਦ ਉਨ੍ਹਾਂ ਦੇ ਮਹੱਤਵਪੂਰਨ ਏਅਰਬੇਸ ਅਤੇ ਰਡਾਰ ਸਿਸਟਮਾਂ ਨੂੰ ਵੀ ਤਬਾਹ ਕਰ ਦਿੱਤਾ।

ਦੁਸ਼ਮਣਾਂ ਲਈ ਸਖ਼ਤ ਚਿਤਾਵਨੀ
ਵੀਡੀਓ ਦੀ ਸ਼ੁਰੂਆਤ ਵਿੱਚ ਸੰਸਦ ਹਮਲੇ ਤੋਂ ਲੈ ਕੇ ਪੁਲਵਾਮਾ ਤੱਕ ਦੇ ਜ਼ਖਮਾਂ ਨੂੰ ਯਾਦ ਦਿਵਾਇਆ ਗਿਆ ਹੈ, ਜਿਸ ਰਾਹੀਂ ਸੈਨਾ ਨੇ ਇਹ ਸਪੱਸ਼ਟ ਸੰਦੇਸ਼ ਦਿੱਤਾ ਹੈ ਕਿ ਹੁਣ ਹਰ ਕਾਇਰਾਨਾ ਹਰਕਤ ਦੀ ਭਾਰੀ ਕੀਮਤ ਵਸੂਲੀ ਜਾਵੇਗੀ। ਇਹ ਫੁਟੇਜ ਭਾਰਤੀ ਸੈਨਾ ਦੀ ਆਧੁਨਿਕ ਯੁੱਧ ਸਮਰੱਥਾ ਅਤੇ ਸਟੀਕ ਰਣਨੀਤੀ ਨੂੰ ਦਰਸਾਉਂਦੀ ਹੈ। ਇਹ ਵੀਡੀਓ ਦੁਸ਼ਮਣਾਂ ਲਈ ਇੱਕ ਸਖ਼ਤ ਚਿਤਾਵਨੀ ਹੈ ਕਿ ਭਾਰਤ ਆਪਣੀ ਸੁਰੱਖਿਆ ਨਾਲ ਕਿਸੇ ਵੀ ਕੀਮਤ 'ਤੇ ਸਮਝੌਤਾ ਨਹੀਂ ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e