ਭਾਰਤ 'ਚ ਤਬਾਹੀ ਮਚਾਉਣ ਲਈ ਚੀਨ ਅਤੇ ਪਾਕਿਸਤਾਨ ਨੇ ਕੀਤਾ ਗੁਪਤ ਸਮਝੌਤਾ, ਜੈਵਿਕ ਯੁੱਧ ਦੀ ਰਚੀ ਸਾਜਿਸ਼

ਨਵੀਂ ਦਿੱਲੀ : ਦੁਨੀਆ ਵਿਚ ਖੂਨੀ ਖੇਡ ਖੇਡਣ ਵਾਲੇ ਪਾਕਿਸਤਾਨ ਅਤੇ ਕੋਰੋਨਾ ਵਾਇਰਸ ਫੈਲਾ ਕੇ ਪੂਰੀ ਦੁਨੀਆ ਵਿਚ ਤਬਾਹੀ ਲਈ ਜ਼ਿੰਮੇਦਾਰ ਠਹਰਾਏ ਜਾ ਰਹੇ ਚੀਨ ਨੇ ਹੁਣ ਇਕੱਠੇ ਮਿਲ ਕੇ ਭਾਰਤ ਅਤੇ ਪੱਛਮੀ ਦੇਸ਼ਾਂ ਵਿਚ ਬਰਬਾਦੀ ਕਰਣ ਲਈ 3 ਸਾਲ ਦਾ ਗੁਪਤ ਸਮਝੌਤਾ ਕੀਤਾ ਹੈ। ਦੋਵਾਂ ਦੇਸ਼ਾਂ ਵਿਚਾਲੇ ਹੋਏ ਗੁਪਤ ਸਮਝੌਤੇ ਮੁਤਾਬਕ ਜੈਵਿਕ ਹਥਿਆਰਾਂ ਦੀ ਗਿਣਤੀ ਵਧਾਉਣ ਤੋਂ ਲੈ ਕੇ ਐਂਥਰੇਸਕ ਵਰਗੇ ਖ਼ਰਤਨਾਕ ਵਾਇਰਸ 'ਤੇ ਖੋਜ ਕਰਨ ਦੀ ਗੱਲ ਕਹੀ ਗਈ ਹੈ। ਕਲਾਜੋਨ ਨਾਮ ਦੀ ਇਕ ਯੂਨਿਟ ਨੇ ਇਹ ਦਾਅਵਾ ਕਈ ਖ਼ੂਫੀਆ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਹਵਾਲੇ ਤੋਂ ਕੀਤਾ ਹੈ। ਇਸ ਗੱਲ ਦਾ ਖ਼ੁਲਾਸਾ ਇਕ ਰਿਪੋਰਟ ਵਿਚ ਵੀ ਕੀਤਾ ਗਿਆ ਹੈ ਜਿਸ ਨੂੰ ਲੈ ਕੇ ਸਕਿਓਰਿਟੀ ਮਾਹਰ ਐਂਥਨੀ ਕਲਾਨ ਨੇ ਇਕ ਆਰਟੀਕਲ ਵੀ ਲਿਖਿਆ ਹੈ।  

ਇਹ ਵੀ ਪੜ੍ਹੋ: ਕੋਰੋਨਾ ਖ਼ਿਲਾਫ਼ ਲੜਾਈ 'ਚ ਕੁੱਤਿਆਂ ਦੀ ਭੂਮਿਕਾ, ਸੁੰਘਣ ਸ਼ਕਤੀ ਰਾਹੀਂ ਕਰ ਰਹੇ ਨੇ ਵਾਇਰਸ ਦੀ ਪਛਾਣ
 

ਵੁਹਾਨ ਲੈਬ ਹੀ ਚੁੱਕੇਗੀ ਸਾਰਾ ਖ਼ਰਚ
ਇਸ ਰਿਪੋਰਟ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਚੀਨ ਦੁਨੀਆ ਦੀਆਂ ਨਜ਼ਰਾਂ ਖੁਦ ਤੋਂ ਹਟਾ ਕੇ ਜੈਵਿਕ ਲੜਾਈ ਲਈ ਪਾਕਿਸਤਾਨ ਨੂੰ ਕੇਂਦਰ ਬਣਾ ਰਿਹਾ ਹੈ। ਇਸ ਮੁਤਾਬਕ ਵੁਹਾਨ ਦੀ ਜਿਸ ਲੈਬ ਤੋਂ ਕੋਰੋਨਾ ਵਾਇਰਸ ਦੇ ਨਿਕਲਣ ਦਾ ਦਾਅਵਾ ਅਮਰੀਕਾ ਕਰ ਰਿਹਾ ਹੈ, ਉਸ ਨੇ ਪਾਕਿਸਤਾਨ ਨਾਲ ਮਿਲ ਕੇ ਜੈਵਿਕ ਲੜਾਈ ਦੀ ਤਿਆਰੀ ਦੀ ਸਾਜਿਸ਼ ਰਚਣੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਲੈਬ ਨੇ ਪਾਕਿਸਤਾਨੀ ਫੌਜ ਰੱਖਿਆ ਵਿਗਿਆਨ ਅਤੇ ਤਕਨੀਕੀ ਸੰਸਸਥਾ ਨਾਲ 'ਵਧਦੀਆਂ ਛੂਤ ਦੀਆਂ ਬੀਮਾਰੀਆਂ' 'ਤੇ ਖੋਰ ਕਰਨ ਲਈ ਸਮਝੌਤਾ ਕੀਤਾ ਹੈ। ਇਸ ਤੋਂ ਇਲਾਵਾ ਫੈਲਣ ਵਾਲੀਆਂ ਬੀਮਾਰੀਆਂ ਦੇ ਜੈਵਿਕ ਕੰਟਰੋਲ 'ਤੇ ਵੀ ਖੋਜ ਕੀਤੀ ਜਾਵੇਗਾ।  ਨਿਸ਼ਾਨੇ 'ਤੇ ਭਾਰਤ ਦੇ ਇਲਾਵਾ ਅਮਰੀਕਾ ਵਰਗੇ ਪੱਛਮੀ ਦੇਸ਼ ਵੀ ਹੋ ਸਕਦੇ ਹਨ। ਇਨ੍ਹਾਂ ਦੇਸ਼ਾਂ ਨੂੰ ਛੂਤ ਦੀਆਂ ਬੀਮਾਰੀਆਂ ਦਾ ਨਿਸ਼ਾਨਾ ਬਣਾਇਆ ਜਾਵੇਗਾ। ਚੀਨ ਨੇ ਪਾਕਿਸਤਾਨ ਦੇ ਮਾਹਰਾਂ ਨੂੰ ਇਸ ਬਾਰੇ ਵਿਚ ਡਾਟਾ ਅਤੇ ਦੂਜੀ ਜ਼ਰੂਰੀ ਜਾਣਕਾਰੀਆਂ ਉਪਲੱਬਧ ਕਰਾ ਦਿੱਤੀਆਂ ਹਨ। ਇਸ ਖੋਜ ਵਿਚ ਜਿੰਨਾਂ ਵੀ ਖ਼ਰਚ ਹੋਵੇਗਾ, ਉਸ ਨੂੰ ਵੁਹਾਨ ਲੈਬ ਹੀ ਚੁੱਕੇਗੀ।

ਇਹ ਵੀ ਪੜ੍ਹੋ: ਅੰਧਵਿਸ਼ਵਾਸੀ ਪਿਤਾ ਦੀ ਹੈਵਾਨੀਅਤ: ਤਾਂਤ੍ਰਿਕ ਦੇ ਕਹਿਣ 'ਤੇ 5 ਬੱਚਿਆਂ ਦਾ ਕੀਤਾ ਕਤਲ
 

ਇਸ ਗੁਪਤ ਸਮਝੌਤੇ ਨੇ ਵਧਾਈ ਚਿੰਤਾ
ਪਾਕਿਸਤਾਨ ਨਾਲ ਚੀਨ ਦੇ ਇਸ ਗੁਪਤ ਸਮਝੌਤੇ ਨਾਲ ਚਿੰਤਾ ਵੱਧ ਗਈ ਹੈ। ਚੀਨ ਕੋਰੋਨਾ ਵਾਇਰਸ ਦੇ ਮੁੱਦੇ 'ਤੇ ਗਲੋਬਲ ਰੂਪ ਤੋਂ ਘਿਰਣ ਦਾ ਸਬਕ ਲੈਂਦੇ ਹੋਏ ਆਪਣੀ ਸਰਹੱਦ ਤੋਂ ਬਾਹਰ ਜੈਵਿਕ ਹਥਿਆਰਾਂ 'ਤੇ ਟੇਸਟਿੰਗ ਕਰਣਾ ਚਾਹੁੰਦਾ ਹੈ। ਰਾਹਤ ਵਾਲੀ ਗੱਲ ਇਹ ਹੈ ਕਿ ਭਾਰਤ ਅਤੇ ਪੱਛਮੀ ਦੇਸ਼ਾਂ ਦੀਆਂ ਇੰਟੈਲੀਜੈਂਸ ਏਜੰਸੀਆਂ ਨੂੰ ਇਸ ਬਾਰੇ ਵਿਚ ਜਾਣਕਾਰੀ ਮਿਲ ਚੁੱਕੀ ਹੈ।

ਇਹ ਵੀ ਪੜ੍ਹੋ: ਚੀਨ ਨੂੰ ਮੋਦੀ ਸਰਕਾਰ ਦਾ ਵੱਡਾ ਝਟਕਾ, ਸਰਕਾਰੀ ਖ਼ਰੀਦ 'ਚ ਚੀਨੀ ਕੰਪਨੀਆਂ ਦੀ ਸ਼ਮੂਲੀਅਤ 'ਤੇ ਰੋਕ
 

ਇਹ ਹੈ ਮਾਹਰਾਂ ਦਾ ਮੰਨਣਾ
ਉਥੇ ਹੀ ਚੀਨ ਅਤੇ ਪਾਕਿਸਤਾਨ ਦੇ ਸਮਝੌਤੇ 'ਤੇ ਮਾਹਰਾਂ ਦਾ ਮੰਨਣਾ ਹੈ ਕਿ ਚੀਨ ਇਹ ਚਾਹੁੰਦਾ ਹੈ ਕਿ ਖਤਰਨਾਕ ਬਾਇਓ ਕੈਮੀਕਲ ਖੋਜ ਲਈ ਪਾਕਿਸਤਾਨ ਨੂੰ ਕੇਂਦਰ ਦੀ ਤਰ੍ਹਾਂ ਪੇਸ਼ ਕਰ ਸਕੇ ਅਤੇ ਖੁਦ ਕਿਸੇ ਆਲੋਚਨਾ ਤੋਂ ਬੱਚ ਸਕੇ। ਕਿਉਂਕਿ ਪਹਿਲਾਂ ਹੀ ਕੋਰੋਨਾ ਫੈਲਾਣ ਨੂੰ ਲੈ ਕੇ ਚੀਨ ਦੀ ਪੂਰੀ ਦੁਨੀਆ ਵਿਚ ਕਾਫ਼ੀ ਆਲੋਚਨਾ ਹੋ ਰਹੀ ਹੈ। ਨਾਲ ਹੀ ਭਾਰਤੀ ਅਤੇ ਪੱਛਮੀ ਇੰਟੈਲੀਜੈਂਸ ਏਜੰਸੀਆਂ ਦਾ ਕਹਿਣਾ ਕਿ ਚੀਨ ਇਸ ਪ੍ਰਾਜੈਕਟ ਨਾਲ ਇਸ ਲਈ ਜੁੜਿਆ ਹੈ ਤਾਂ ਕਿ ਭਾਰਤ ਅਤੇ ਪਾਕਿਸਤਾਨ ਨੂੰ ਇਕ-ਦੂਜੇ ਖ਼ਿਲਾਫ ਖੜਾ ਕੀਤਾ ਜਾ ਸਕੇ।

ਇਹ ਵੀ ਪੜ੍ਹੋ: ਹੁਣ ਘਰ ਬੈਠੇ ਬਦਲੋ ਆਧਾਰ ਕਾਰਡ 'ਚ ਆਪਣਾ ਪਤਾ, ਵੀਡੀਓ 'ਚ ਵੇਖੋ ਪੂਰਾ ਤਰੀਕਾ