1,80,000 ਤੱਕ ਪਹੁੰਚ ਜਾਏਗਾ ਸੋਨਾ ! ਕੀਮਤਾਂ ਨੂੰ ਲੱਗ ਜਾਏਗੀ ''ਅੱਗ''

ਬਿਜ਼ਨੈੱਸ ਡੈਸਕ- ਭਾਰਤ 'ਚ ਸੋਨਾ ਖਰੀਦਣ ਵਾਲਿਆਂ ਲਈ ਚਿੰਤਾ ਦੀ ਖਬਰ ਹੈ। ਆਈ.ਸੀ.ਆਈ.ਸੀ.ਆਈ. ਬੈਂਕ (ICICI Bank) ਦੀ ਇਕ ਤਾਜ਼ਾ ਗਲੋਬਲ ਮਾਰਕੀਟਸ ਰਿਪੋਰਟ ਅਨੁਸਾਰ, 2026 ਦੇ ਬਾਕੀ ਮਹੀਨਿਆਂ ਦੌਰਾਨ ਘਰੇਲੂ ਸੋਨੇ ਦੀਆਂ ਕੀਮਤਾਂ 1,50,000 ਰੁਪਏ ਤੋਂ 1,80,000 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਵਿਚਕਾਰ ਰਹਿਣ ਦੀ ਸੰਭਾਵਨਾ ਹੈ। ਇੰਨਾ ਹੀ ਨਹੀਂ, ਸਾਲ 2027 ਤੱਕ ਇਹ ਕੀਮਤਾਂ 1,60,000 ਰੁਪਏ ਤੋਂ 1,90,000 ਰੁਪਏ ਤੱਕ ਵੀ ਜਾ ਸਕਦੀਆਂ ਹਨ।

ਰਿਪੋਰਟ ਮੁਤਾਬਕ ਸੋਨੇ ਦੀਆਂ ਕੀਮਤਾਂ 'ਚ ਇਸ ਤੇਜ਼ੀ ਦੇ ਕਈ ਵੱਡੇ ਕਾਰਨ ਹਨ। ਭਾਰਤੀ ਰੁਪਏ 'ਚ ਲਗਾਤਾਰ ਹੋ ਰਹੀ ਗਿਰਾਵਟ (ਲਗਭਗ 96.00 ਪ੍ਰਤੀ ਡਾਲਰ) ਸੋਨੇ ਨੂੰ ਮਹਿੰਗਾ ਕਰ ਰਹੀ ਹੈ। ਇਸ ਸਾਲ ਰੁਪਏ 'ਚ ਹੁਣ ਤੱਕ 7 ਫੀਸਦੀ ਦੀ ਗਿਰਾਵਟ ਆ ਚੁੱਕੀ ਹੈ। 13 ਮਈ, 2026 ਤੋਂ ਕਸਟਮ ਡਿਊਟੀ 6 ਫੀਸਦੀ ਤੋਂ ਵਧਾ ਕੇ 15 ਫੀਸਦੀ ਕਰ ਦਿੱਤੀ ਗਈ ਹੈ, ਜਿਸ ਦਾ ਸਿੱਧਾ ਅਸਰ ਬਾਜ਼ਾਰ 'ਤੇ ਪੈ ਰਿਹਾ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਸੋਨੇ ਦੀਆਂ ਵਧਦੀਆਂ ਕੀਮਤਾਂ ਅਤੇ ਪੱਛਮੀ ਏਸ਼ੀਆ ਦੇ ਸੰਘਰਸ਼ ਵਰਗੇ ਭੂ-ਰਾਜਨੀਤਿਕ ਹਾਲਾਤ ਵੀ ਇਸ ਵਾਧੇ ਲਈ ਜ਼ਿੰਮੇਵਾਰ ਹਨ। ਵਧਦੀਆਂ ਕੀਮਤਾਂ ਕਾਰਨ ਆਮ ਲੋਕਾਂ ਦੀ ਖਰੀਦ ਸ਼ਕਤੀ 'ਤੇ ਅਸਰ ਪਿਆ ਹੈ।

ਰਿਪੋਰਟ ਦੱਸਦੀ ਹੈ ਕਿ 2026 ਦੀ ਪਹਿਲੀ ਤਿਮਾਹੀ ਵਿੱਚ ਗਹਿਣਿਆਂ ਦੀ ਮੰਗ 'ਚ 23 ਫੀਸਦੀ ਦੀ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਸੋਨੇ ਦਾ ਆਯਾਤ (Import) ਵੀ ਘਟਿਆ ਹੈ। ਪਿਛਲੇ ਸਾਲ ਦੀ 50 ਟਨ ਪ੍ਰਤੀ ਮਹੀਨਾ ਦੀ ਔਸਤ ਦੇ ਮੁਕਾਬਲੇ ਮਾਰਚ ਅਤੇ ਅਪ੍ਰੈਲ ਵਿੱਚ ਇਹ ਘਟ ਕੇ ਸਿਰਫ 30 ਟਨ ਰਹਿ ਗਿਆ ਹੈ। ਗੋਲਡ ETF (Gold ETF) 'ਚ ਨਿਵੇਸ਼ਕਾਂ ਦੀ ਦਿਲਚਸਪੀ ਵੀ ਪਹਿਲਾਂ ਦੇ ਮੁਕਾਬਲੇ ਕਾਫੀ ਘਟੀ ਹੈ। ਰਿਪੋਰਟ 'ਚ ਚਿਤਾਵਨੀ ਦਿੱਤੀ ਗਈ ਹੈ ਕਿ ਜੇਕਰ ਗਲੋਬਲ ਬਾਜ਼ਾਰ 'ਚ ਸੋਨੇ ਦੀਆਂ ਕੀਮਤਾਂ ਉਮੀਦ ਅਨੁਸਾਰ ਨਹੀਂ ਵਧਦੀਆਂ ਜਾਂ ਅਮਰੀਕੀ ਫੈਡਰਲ ਰਿਜ਼ਰਵ ਆਪਣੀਆਂ ਨੀਤੀਆਂ ਸਖ਼ਤ ਕਰਦਾ ਹੈ, ਤਾਂ ਹੀ ਕੀਮਤਾਂ ਦੀ ਇਹ ਰਫ਼ਤਾਰ ਕੁਝ ਮੱਠੀ ਪੈ ਸਕਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e